Eerste Jag 2012

[Johan Reyneke]

Ek het die naweek van 17 en 18 Augustus het ek die eerste keer hierdie seisoen kans gekry om veld toe te gaan. Werks omstandighede wou net nie toelaat nie. Kinders het gevra om saam te gaan, en hul bestelling geplaas. Die seun wou Blouwildebees skiet, en dogter Rooihartbees en ek sou Gemsbok skiet. So afgespreek en is vroeg Vrydag veld in.

My seun het vroeg sy Blouwildebees gekry. (30-06 Marlin 165gr Hornady GMX afstand 150m)





Ons kry nie die Gemsies nie maar my swaer het 'n mooi koedoe bul gekry alhoewel bietjie maer.




Daarna soek ons Gemsies maar kry niks verder Vrydag

Saterdag weer vroeg uit. Ongelukkig kwes die ander groep op die plaas 'n rooihartbees en ons help soek. My swaer se seun het toe darem 'n volstruis mannetjie gekry met al die gesoekery.


.

Na die oggend besluit ons ons sal nog een draai ry en soek na rooihartbees of Gemsbok. Aangesien my meisiekind bitter graag iets wil skiet, besluit Pa om terug te staan en wat ook al eerste gekry word kan sy maar skiet. Amper op pad terug kry ons toe die een losloper Gemsbok bulletjie teen die koppies tussen die afgebrande gras, ons klim af en bekruip hom. Op so 150m staan die mannetjie mooi reg en sy skiet(7x64 PMP), en hy val onmiddelik



Alhoewel Pa niks kon kry nie is hy nog steeds trots op sy twee kids. Pa sal seker later weer kans kry.

[grumpy]

Baie mooi en baie geluk.

Maak n man trots om sy kinders so te sien!!

[Hilux01]

Goeie werk

Neet jammer dit het so lank gevat voor jy in die veld gekom het

Henk

[BRNO (Pierre)]

Jy moet volgende jaar ook maar na die einde van die seisoen wag. Julle ouens, en vrouens het baie mooi gemaak. Stuur asb komplimente!

[Carl]

Mooi storie en geluk met die ander se bokke, dit vat 'n goeie Pee-H om almal in die bokke te kry ;-)

[pietjacobs]

Geluk en ek moet se, as ek so kyk na daai skoot van oom se meisiekind op die Gemsbok, kan sy mooi na haarself kyk