Vleis skade

[PRIVATE RYAN]

Rage II broadhead

[VdWalt]

Rage II broadhead

Daai is nie vleis skade nie .... Dis brag met 'n goeie skoot!!

[PRIVATE RYAN]

Jy sal verbaas wees, die weefsel rondom
die wond moet skoongesny word agv
baie bloed.

[win270]

Ek dink dis nog altyd beter om net AGTER die blad te skiet om vleisskade te verminder. OP die blad is natuurlik die beter skoot om die hart te tref . . . by die meeste boksoorte.

[PRIVATE RYAN]

Dis weglaatbaar min, maar die punt wat ek maak
is dat selfs 'n boog bietjie vleisskade kan veroorsaak.

[heywillie]

Vlakvark met 308 militere punte net agter die blad geskiet. Uitgaan wond was groot genoeg dat ek my vuis daarin kon druk

Hoekom sal jy met hulle jag? Selfs PMP is meer verantwoordelik om mee te jag.

Ek was nog op skool gewees en het met n geleende geweer geskiet, nie van beter geweet op daardie stadium nie

[Bees]

Is kopskote dan regtig so verkeerd? Baie ouens is teen kopskote. Opinies?

[joe rocket]

Dit hang seker af hoe akuraat jy skiet, hoe ver die bok staan en of die wind pomp. Ons span was 5 jagters waarvan 2 kinders was almal bladskote geen kwesbokke nie, behalwe my vriend wat op die laaste swart wildebees vir die dag vir sy kop gemik het. Afstand 295 m, skiet toe bek weg. Kry bok later skiet weer kop, mis bok heeltemal, ek sê toe hy moet blad skiet, kry weer n kans op 340m, skoot tref laag. Ek skiet toe die bok dood op 385m. Dit kon net sowel anders uitgewerk het. Hierdie vriend van my is onervare en skiet min, ken ook nie sy trajek van sy koeël nie. Hy gaan nou begin herlaai en meer oefen. Die seuns het saam my geoefen net bladskote geskiet en almal bokke was een skoot dood skoot.

[Reijger]

Ek gooi eerder 'n blad weg as wat 'n mens so sukkel met 'n afbekbok.

[tripodmvr]

Ons mikpunt as jagters is 'n eenskoot doodskoot wat min of geen pyn en lyding tot gevolg het. Dit gaan dus om risiko te verminder deur bewese vitale organe in die bok te tref om so 'n vinnige dood te verseker. Kop, nek en rugstring skote laat die bok onmiddelik val en is waardevol in daardie opsig. Akkurate skote is nodig en as algemene reël is kopskote korter as 100m aan te beveel.

Die enjinkamer skoot is veilig synde die longe en hart noodsaaklik is om die bok aan die lewe te hou. Baie groter teiken en beter vir jan alleman om te skiet. Hier is nou waar ons dan begin soek na 'n projektiel wat intern skade aanrig, maar nie die spierweefsel so bloederig maak nie.

[Bees]

Hierdie fotos is goeie rede vir kopskote?

[Jean Marais]

'n Oud kollega van my, wat nie meer met ons is nie, het op sy laaste jag nie genoeg selfvertroue gehad om 'n vlakvark te skiet nie. Hy't erg kanker gehad, en was maar redelik bewerig gewees. Toe sê die plaaseienaar hy moet eers net op 'n tarentaal skiet, en as hy die tarentaal raakskiet, kan die Vlakkie mos ook raakgeskiet word. Die roer was 'n standaard ou 303 met 174gr PMP patrone.

Na die skoot op die tarentaal het ek verstaan waar "flatties" vandaan kom. Ons het net 'n klein bondel vere opgetel, en die punte van die vlerke, verder was daar niks. Die tarentaal het letterlik "ontplof" Dis die ergste vleisskade wat ek al ooit gesien het.