JARACAL

Ludwig wrote:Hier is die herwinde A-Max uit die Takbok. Hy het heel goed bymekaar gebly, maar neem in ag, impak spoed was 2357fps. Ek beskou dit as maksimum impak spoed vir die A-Max. Ek het hom nog nie geweeg nie. Sal laat weet sodra ek het. Deursnee meet nou 21mm (+- 3 x kaliber grootte) op wydste punt.

Ludwig wrote:Dankie Swys. Die A-Maxe is effens harder as die V-Maxe, maar taamlik sagter as 'n gewone loodkern jagkoeel. Ek het nou tot op hede 2 takbokke, 3 koedoes en 'n rooi ribbok met die A-Max geskiet. Afstande van 200m tot 440m. Ek sal nie sê mens kan 'n onomwonde afleiding uit so klein hoeveelheid gevalle maak nie, maar as ek hieruit 'n afleiding kan maak, dan sou ek sê impakspoed op die A-Max moet maksimum 2400fps wees en verkieslik 2300fps of laer. Ek kan nog nie sê wat wat sal die minimum impakspoed wees vir die koeel om nog sy werk te doen nie, maar ek glo darm mens sal heel veilig wees tot op 1500fps impakspoed. Dit gesê, mens moet onthou die A-Max was nooit ontwerp as 'n jagkoeel nie.

Ludwig wrote:Vir die persoon wat lang afstande wil jag, is daar swaarlik 'n beter opsie. Ja, daar is kompetisie koeels met hoër BC's wat die F-klas en daai manne verkies, maar daardie koeels se terminale verrigting is baie wisselvallig. Die ander gewilde opsies wat weer jou sagter tipe jagkoeels is, soos Hornady SST en Nosler Ballistic Tip, het weer nie die BC van die A-Max nie. Ek het baie lank rondgelees oor watse koeel sal werk vir lang afstand jag, want ek het beplan om die geweer se kamer dimensies te ontwerp vir daadie 1 koeel so ek moes baie seker wees hy gaan werk. Ek is tot dusver nog nie 'n dag spyt nie.