Verbod op geteelde leeu jag

[DWB]

And it all started with a lion with a name and a collar.........................

Miskien mos ons as jagters daai ander twee partye ook geroer het!

[Koos Barnard]

Dag Wouter
Ai, ek het onderneem om nie verder iets te sê nie, maar wil tog op jou vrae reageer. As dit enige troos is, die hele jagbedryf het my moedeloos, nie net die leeubedryf nie. Ons mense laat nie net geteelde leeus skiet nie, hulle laat ook hokbuffels/sables (of kleinkampie buffels/sables) en ander soorte wild so skiet en soos ek in my eerste plasing genoem het, grief dit my ook want deur daardie dinge toe te laat, word die hele jagbedryf in 'n swak lig gestel. Soos die tag buffelbuljag wat ek meegemaak het wat die bekende ou geskiet het. Eerste ding wat die boer doen is om dadelik die groot geel tag uit te sny toe ons by die mak buffel aankom.

Julle het beslis niks verkeerds gedoen nie, alles is wettig, geen wette oortree nie, maar dis die persepsie wat teen leeujag tel. Die rooibok wat op 400ha geskiet word... is dit in 'n hok of klein kampie geteel en 'n paar uur of 'n dag voor die tyd uit die hok vrygelaat en toe geskiet? Dis die verskil. En dis dié persepsie wat teen die leeujag tel. Hoe ons ook al probeer wegkom van die emosie-ding af, dis daar en sal altyd daar wees.

Toe ek 'n jaar gelede in Duitsland was het een ou reguit vir my gesê hy sal nooit hier kom jag nie want ons skiet goed in klein kampies. Toe ek hom vra waarop hy dit baseer noem hy leeujag. Ek het aan hom verduidelik dat ons hoegenaamd nie gewone bokke in klein kampies skiet nie en hom gevra of hy al in Afrika was. Nee, hy was nog nooit hier nie. Maar as joernalis is hy 'n meningsvormer in Europa en baie van sy lesers gaan glo wat hy skryf.

Ek stem heelhartig saam daar is mense wat leeujag op die bes moontlike manier probeer doen en ek moet toegee ek het in 'n mate simpatie met hulle. Die probleem is, daar het oral leeuplase opgeskiet en daar was nou al soveel probleme met leeujag (net een voorbeeld: jy sal dalk die video onthou van die spelerige leeu wat die boogskieter van die bakkie af geskiet het) dat baie mense totaal daarteen gekant is. Die boogskieter het niks verkeerds gedoen nie, alles was wettig volgens berigte maar watter boodskap stuur dit uit van leeujag, leeujagters en jag in die algemeen - dis wat teen ons tel. En dis wat baie mense nie wil begryp nie.

Dat iets wettig is, maak dit nog nie aanvaarbaar in die etiek/morele raamwerk van baie mense nie. Ons sal nooit wegkom van die persepsie dat bokke geskiet word om te eet en leeus en olifante net om oor te spog nie. Hoe blatant verkeerd en onregverdig dit ook al is om mense te veroordeel omdat hulle 'n leeu wil skiet, net om te kan sê hulle het 'n leeu geskiet, dit sal ons nooit uit enige van die anti-jagters kry nie. Die vraag waarby ons nie verby kan kom nie, is: Wat wil jy bewys deur 'n hokleeu te skiet? Hoekom wil jy daaroor spog/ Is dit nie veronderstel om 'n uitdaging en iets gevaarliks te wees nie? 'n Mens kan dan selfs 'n spesifieke leeu vooraf bestel. Let wel, dis nie my vrae nie, dis die mense wat in die algemeen gekant is teen leeujag en veral hokleeujag se vrae. Hoe antwoord jy hierdie mense?

Dan gaan hulle verder en sê, as jy 'n hokleeu op die plaas skiet, dan kan jy mos ander gehokte diere ook daar skiet. Reg of verkeerd, dis die persepsie wat sommige mense het en dis die liegstorie wat die greenies op fokus. Hulle sê nie net dis leeuskieters wat so maak nie, hulle gebruik dit om alle jag verder te veroordeel.

Ek het aan die begin gesê die hele jagbedryf het my moedeloos en ja Wouter jy is reg, ons put and take ook rooibokke, koedoes en you it name, enige ander tipe wild. En dis wat my moedeloos maak. Wins op die korttermyn is waarop sommige mense ingestel is en hulle gee nie 'n duit om oor die toekoms van jag en dat hierdie kortsigtigheid dalk kan lei dat alle jag in die toekoms verbied word nie. Jy het genoem dat julle jul plaas meer aantreklik probeer maak vir besoekende jagters (groter wins dus) want die plaas moet op sy eie bene kan staan. My vraag is: Is daar nie dalk al klaar te veel wildplase nie? Wat help dit ons het miljoene stuks wild, maar die aanvraag daarna is van so 'n aard dat sommige van die plase nie op hule eie bene kan staan nie en dus allerlei ander dinge moet aanbied om dit winsgewend te maak. Natuurlik wens ek ons land het net uit wildplase bestaan, maar dis nie ekonomies haalbaar nie. Hoekom maak sommige wildplase nie geld nie? Is hul fooie te laag, reëls te streng, bestuur verkeerd? Of is daar net al soveel plase dat Jan en Piet so 'n wye keuse het dat hulle maar net na die volgende goedkoper jagopsie gaan as boer A se pryse en jagbedryf hulle nie geval nie. Het ons nie die koek al in te veel skywe gesny nie.

Ons boer deesdae intensief met wild en dis reg so, en die wild moet waarde hê, dis reg so, anders gaan ons dit verloor. Maar as ons jagmetodes gaan veroorsaak dat jag gestop word, wat het ons dan gewen? Wat help al die miljoene diere ons dan? Dis al oor en oor bewys dat eko-toerisme net vir 'n klein aantal plase/plekke werk. 'n Jagter sal Putsonderwater toe ry om te jag, maar nie om na springbokke en gemsbokke te gaan kyk en foto's te neem nie. My probleem is dat ons die greenies sleg sê en van hul verskil, maar dis al wat ons doen. Ons speel steeds daagliks in hul hande. Ons boks nie slim nie en die gevaar bestaan dat ons uitgeslaan gaan word.
Mooi loop
Mooi loop

[Frederik]

My vraag is: Is daar nie dalk al klaar te veel wildplase nie? Wat help dit ons het miljoene stuks wild, maar die aanvraag daarna is van so 'n aard dat sommige van die plase nie op hule eie bene kan staan nie en dus allerlei ander dinge moet aanbied om dit winsgewend te maak. Natuurlik wens ek ons land het net uit wildplase bestaan, maar dis nie ekonomies haalbaar nie. Hoekom maak sommige wildplase nie geld nie? Is hul fooie te laag, reëls te streng, bestuur verkeerd? Of is daar net al soveel plase dat Jan en Piet so 'n wye keuse het dat hulle maar net na die volgende goedkoper jagopsie gaan as boer A se pryse en jagbedryf hulle nie geval nie. Het ons nie die koek al in te veel skywe gesny

Oom Koos, met groot respek gese ons normalle jagters word nie heeltyd uitgenooi om nuwe plekke te kom jag nie. Glo my in Limpopo alleen as jy nie vroeg boek nie dan sukkel jy om goeie jagplek te kry. So genoeg kwalitiets wildsplase is daar nie. Om 'n plaas op sy eie bene te laat staan is 'n groot gesprek op sy eie en selfs meeste bees en boere wat saai kom nie daardie mas op nie. Dit is nou maar net hoe die hele wereld se ekonomie loop en om hoer pryse te vra vir wild is ook nie die oplossing nie want nie almal het die vermoens nie.

Ons ploeter aan en bly duik oor wat gese word van jag en jagters terwyl ons meer pro aktief moet optree gaan lees bietjie Ivan Carter se artikel oor Musk Ox in Groenland in die African Outfitter. Dit is 'n baie goeie voorbeeld en vir enige persoon wat enige logika het maak die hele sisteem sin.
Ek weet almal het geniet om die groot advertensie borde in die stad te sien oor Huntex, dit was baie goed en pro aktief. Hoekom nie 'n groot advertensie van 'n groot wild jagter en geweer met die woorde "I just fed 35 families and sponsored 10 of their children trough a year's school!" Of, "I and other hunters fees paid for 10 anti poaching teams to protect our rhino!"

Ons sit en argumenteer met ons self oor hoekom 'n jag nie reg is nie terwyl die groenes net dieselfde idee het is dit is om jag te stop maak nie saak wat se jag dit is nie. Dit is waar Chasa/SA Jagters en Phasa bietjie nou moet ophou duik en stil stil die wereld stadig maar seker bewus maak aan wat ons as jagters en die wildboere beteken. Dit is ons Afrika en ons natuur Europa kan maar met hulle asylum seekers gaan loop en speel.

Wouter ek staan 100% agter jou en die manier waarop jy die leeus wil jag.

[tripodmvr]

http://www.news24.com/Live/Sport/mark-b ... g-20151117

[Eugene]

Frederik, dankie vir die waarheid.

Die enigste manier van jag waarmee die greenies tevrede gaan wees, is 'n algehele verbod op jag. Dit gaan nie help ons probeer hulle tevrede stel nie en daar is verseker nie 'n goue middeweg nie.

Oom Koos, ja, ongelukkig het jag verander. Net soos die koms van beroepsrugby, amateur rugby verander het. Kyk maar net na die onlangse Eddie Jones geval, al was kontrakte geteken en ondernemings gemaak, het 'n hoër en beter aanbod, onmiddelik beteken dat die beloftes en ondernemings soos mis voor die son verdwyn het. Ek dink ons het onlangs so geval op die Advertensie topic gehad.....

Vandat wild 'n geld waarde gekry het, het dit ook ongelukkig veroorsaak dat die ou dae se tipe jag verdwyn het. Min mense het nog die voorreg om 'n tentjie langs die rivierloop en onder die kameeldoring te gaan staan maak en vir 3 - 6 weke te gaan jag soos in die ou dae. Deesdae kos "fair chase" jou maklik R700pd en jy sal ongelukkig moet vinnig beweeg, anders is jou dagfooie meer as jou bokke se prys.... En dan moet ons ook onthou dat Oom Flippie nie meer hoofsaaklik met bees en skaap boer en die wild net 'n "sideline" is nie, deesdae het die beeste en skape plek gemaak vir uitsluitlik wild en ongelukkig steur bankbestuurders hulle deesdae min aan emosie en meer aan die swart op wit syfers van 'n boerdery.

Daarom dink ek die beste plan is dat die rolspelers in die wildsbedryf (en die greenies speel geen rol in die wildsbedryf nie!) die grense en aanvaarbare reels neerlê en dan moet PHASA en die ander rolspelers die boetie-boetie nonsens los en streng optree teen diegene wat die reels verbreek.

[Koos Barnard]

Frederik
My vraag oor die hoeveelheid plase was bloot net 'n vraag, ek het ook nie die antwoorde nie. Weens my werk moet ek jag en word ek uitgenooi maar hierdie jaar is ek na net na twee nuwe plekke uitgenooi, een naby Vryburg. Ek het twee keer daar gejag, waarvan ek die tweede keer vir die wild betaal het. Die tweede plek was by Thabazimbi. Ek het 'n jaarlikse instelling om by 'n vriend te gaan jag in die Suide van Suidwes, al van 1998 af. Dan het ek ook by 'n ou vriend in Suidwes gaan jag hierdie jaar, iemand saam met wie ek op skool was in Suidwes. Die njala wat ek onlangs geskiet het was ook nie op 'n nuwe plek nie. Ek en die eienaar ken mekaar ook al van 1999 af en is groot vriende, ek jag gereeld daar. Ek het ook 'n rooibok op die plaas geskiet.

Ek het nie al die antwoorde, maar om soos jy sê die Europeërs te laat doen wat hulle wil, en ons sal doen wat ons wil, werk ook nie altyd nie. Want as daar nie genoeg oorsese mense hiernatoe kom nie gaan meer plase nie die pyp rook nie. Baie mense (onder andere my vriend waar ek die njala geskiet het) wat jag aanbied het my al goed laat verstaan dat hulle veel meer geld uit oorsese jagters maak as uit plaaslike jagters. As ons te min oorsese jagters kry gaan ons bedryf mos ook skade ly.

Ek skiet nie vir Wouter af nie, ek skiet die leeubedryf af oor die swak publisiteit wat jagters as gevolg daarvan gekry het.
Mooi loop

[Koos Barnard]

Eugene
Ek aanvaar dat die wildbedryf verander het en dat die ou tipe manier van jag verby is, maar daar is darem sekere standaarde wat ons kan handhaaf.
Mooi loop

[Eugene]

Eugene
Ek aanvaar dat die wildbedryf verander het en dat die ou tipe manier van jag verby is, maar daar is darem sekere standaarde wat ons kan handhaaf.
Mooi loop

Oom Koos, ek praat ook maar in die algemeen en stry nie noodwendig met oom nie.

[Frederik]

Oom Koos, ons praat verby mekaar hier en so terloops die internasionale mark beloop maar net 1/3 of 1/4 van die jagbedryf se jaarlikse begroting. Die res is alles uit ons lokale jagters ons jag industrie is gesond genoeg sonder internasionale jagters. Wat wel sal lei is die jag van duur en groot vyf diere.
Die een wat die seerste sal kry natuurlik die leeu jagte.

Ek is nie gekant teen internasionale jagters maar alles is nie doom en gloom as dit gestop gaan word nie ons lokale mark is baie gesond en geskiedenis het al oor en oor bewys dat die nasie weer kan opstaan. Maar om met mekaar te bly stry oor wie jag reg en wie is verkeerd en dit is nie volgens standaard gedoen nie gaan ons die oorlog verloor.

[Wouter Roets]

Koos

As ek jou reg verstaan is jy gekant teen die jag van enige diere wat uit klein teelkampies kom. Wat is dan jou praktiese voorstel met bv diere wat te oud is vir teelprogramme en so ook dan alle diere wat afkomstig is van teelprogramme? Moet hulle eers n sekere tyd loop voor hulle gejag mag word en hoe sal n mens dit prakties bestuur? Moet asb nou net nie se "tag" hulle nie. Of mag hulle eenvoudig net nooit gejag word nie? Ons almal wil nog aan die droom van werklike jag vasklou, maar die realiteit is dat dit 2015 is en dinge so bietjie anders uitsien. Ek sou gehoop het dat n vooraanstaande redakteur die dinamika en konstante verandering van die bedryf sou raaksien en sy houding dan diensooreenkomstig kan aanpas eerder as om net vas te klou aan die verlede.

Hoe seker is jy dat n jagplaas winsgewend is? Ek het al n hele paar keer op Jaracal die ope uitnodiging gemaak om na die boeke te kom kyk en jy is meer as welkom om dit op te neem. Dit kom seker nou as n groot skok dat daar tog wel mense is wat so bietjie liefde het vir die saak. Moet jou asb ook nie net blind staar teen die nuwe toetreders in die mark nie, want dit is verseker nie die reel in die game nie. Daar is n groot verskil tussen n teller van gekleurde wild en n jagplaas.

Jy se dat jy self nie belang stel in die jag van n leeu nie, maar aarsel nie vir n oomblik om ander jagters te wil voorskryf hoe dit gedoen moet word nie. Hoeveel mense het toegang tot vondse om n wilde leeu te gaan jag? Mag daai droom nou nooit vir daai jagter bewaarheid word oor dat sekere jagters n beswaar het as gevolg van n defeniesies wat hy voorle alvorens n dier as geskik gesien word nie? Wat stel jy nou voor gebeur met die om en by 10 000 leeus in die teelbedryf? As hulle van kant gemaak moet word verduidelik net asb hoe dit tot voordeel van die spesie en bewaring is?

Groetnis
Wouter

[Hercules Louw]

Ek sou gehoop het dat n vooraanstaande redakteur die dinamika en konstante verandering van die bedryf sou raaksien en sy houding dan diensooreenkomstig kan aanpas eerder as om net vas te klou aan die verlede.

Jy se dat jy self nie belang stel in die jag van n leeu nie, maar aarsel nie vir n oomblik om ander jagters te wil voorskryf hoe dit gedoen moet word nie.

Hallo Wouter

Ek dink jou woorde hierbo is onnodig kras en jy val nou die boodskapper aan. Ons kan verstaan dat die besluit van Phasa waarskynlik baie slegte finansiële implikasies vir jou en baie ander jagplase gaan inhou al het julle geen wet of etiek met leeujag oortree nie. Dit verander egter nie die groter boodskap oor die negatiewe implikasies vir die jagbedryf nie, en ek dink Koos het dit baie gematig en gebalanseerd oorgedra. Ek dink Koos sien juis die veranderde omstandighede in veral die makro omgewing raak, en ook die risiko's wat dit vir die toekoms inhou eerder as wat hy na die verlede hunker of voorskriftelik is.

Ons jagters is ons eie grootste vyande soos hierbo al gesê is. Hoeveel video's en foto's is daar nie in die sosiale media waar idiotiese leeujagte gesien kan word, gespog word met vreeslike lang skote, bakkies vol springbokke, bokke met verwoeste koppe waarby gespog word en in die algemeen 'n totale gebrek aan respek vir die dier en moontlike kykers. Hierdie goed veroorsaak 'n weersin by 'n groot deel van die publiek en is ons eie skuld. Ongelukkig is die leeutelers en leeujag nou in die kalklig vir al hierdie en ander vekeerde redes soos Koos en ander dit uitgespel het. Die leeubedryf veral sal drasties moet introspeksie hou en aanpassings maak en beter regulering doen in die toekoms.

Groete
Hercules

[regal]

wouter, ek glo leeujag kan nog gered word as die teel gedeelte beter gereguleer kan word. Haal die leeus uit die publieke oog uit en ek glo jy sal minder weerstand kry. Daar sal altyd die wees wat teen jag is maak nie saak watse dier of metode nie.

Ek moet met jou stry, net omdat iemand nog nie n leeu gejag het nie beteken nie dat hy nie verstaan waaroor dit gaan nie. Mense is nie so oningelig in vandag se tyd nie en ek het verseker nie my gevoel daaroor op een of ander anti jag propoganda baseer nie. Jy vat kritiek persoonlik en dit is nie so bedoel nie. Inplaas van kwaad wees vir phasa, jagters wat nie glo in geteelde leeujag nie of die anti jag bregade haal dit eerder uit op jou mede leeu jagter/teler wat die situasie veroorsaak het.

Jagters wat nie van leeu jag hou nie(elke ou het tog die reg om sy eie etiek uit te lewe) word in n situasie gesit nou waar hulle moet kies, of hulle ondersteun leeu jag of hulle ondersteun die anti jag mense, dis n onmoontlike situasie om in te wees. Ek weet ons wil altyd sien dat jag in gevaar is maar ons praat nie jag in die algemeen nie maar spesifiek geteelde leeu jag in die draad

http://www.zorgfontein.co.za/
http://www.colin.co.za/lion_tours.htm
http://www.botlierskop.co.za/activities#walk-lions
http://www.lion-park.com/attraction/int ... lion-cubs/
http://www.ukutula.com/

found these within 2 min on google and plenty more where that came from. The anti lion hunt machine is much like any anti hunting machine, lies, misdirection and just plain old underhanded tactics is used, but the same can be said for the lion breeding trade. I know you dont deal with this and yes plenty might not but this isnt one or two bad apples like you and thys(from SAPBA?) make it out to be, its found everywhere. Check the above websites, these guys all love to throw around the word conservation, they are in my opinion nothing more than a scam and the only way they can be in business is by deceiving people on purpose. Liars, I hate liars and generally so does the public. Dont imagine this issue from the hunter or anti hunters side but imagine it from the general public who would otherwise live their lives oblivious to the hunting of captive bred lions. They are now starting to realize they were deceived by these puppy mills and are angry, rightly so as well. Now you have a much larger amount of people against the industry than the usual old nutjobs.

The public and nutjobs now blame all hunters. Hunters who might not care about the lion hunting issue either way now gets pissed off because it does not reflect their values, ethics or morals and hate being associated with it. Now you have the nutjobs, general public and hunters against it. Thats a mighty big crowd to fight. If you can limit the outrage to only the nutjobs it'll be the usual background noise, but when you involve the general public and hunters its a loosing battle. We live in a democracy(for what its worth here) and as such the majority of people will dictate to the minority. The minority need to keep their activities to themselves and try to keep it above reproach so that the majority does not have a problem with it or at worse be indifferent to it .

Put and take, smarty box game and tame game raised in tiny enclosures etc, these are all "new" and deep down we know it just does not feel 100% above board. These things are also more of an issue on the breeding side once again than on the hunting side. Its also something that will probably one day like lions come back and bite hunters in the ass. Why are there now all these different and unnatural breeding operations that makes most hunters question themselves in whether they want them linked to traditional hunting?

If game is hunted in an ethically way, but bred and kept in unethical conditions does it make it an ethical hunt?

Die woord wild beskryf nie net n groep diere nie maar hulle natuur ook, sekerlik moet ons ons beste probeer om dit so te behou.

[Koos Barnard]

Wouter
Eerstens het ek nie naastenby al die antwoorde nie. Tweedens besef ek as redakteur dat die dinamika van jag verander het, maar dit beteken nie ek moet my oe sluit vir optrede wat jag 'n slegte naam gee nie. Ek het hierdie jaar op verskeie plekke gejag waar jag aan kliente aangebied word op so 'n manier dat ek as verstokte ou ballie wat in die verlede leef geen vinger na hierdie jagoperateurs kon wys nie.

Dis nie net diere wat te oud is vir teelprogramme wat beskikbaar gestel word vir jag nie - ook diere wat nie potensieel goeie horinggroei toon nie. Ja, ek sou wel wou sien dat die "mak" bokke 'n bietjie langer in die veld loop en weer meer wild raak voordat hulle gejag word. Boere sal natuurlik nie dieselfde voel nie, hoe gouer die dier verwyder kan word hoe minder gras vreet hy en hoe gouer is die geld in die bank. Dit maak ekonomiese sin. Maar is dit jag of bloot skiet? Om hierdie manier van skiet as jag te adverteer is om jag 'n slegte naam te gee - en ek gaan nou nie weer daarop voortborduur nie want ek het dit reeds in vorige plasings genoem. Intensiewe teelprogramme en ekstensiewe wildboerdery kan wel op 'n manier geintegreer word wat verhoed dat ons bekend staan as die land waar jy in teelkampies jag.

Wouter daar is wel jagplase wat winsgewend is, ek ken 'n paar mense. Ek besef terdee daar is sommiges wat nie winsgewend is nie, daarom my vrae in my vorige plasing. Iets wat my opval is dat ons so baie jagplase het. As almal verliese toon, hoekom is die mense dan so dom om willens en wetens hulself en hul families in skuld te dompel? Liefde vir die saak? Asseblief, kom nou, ons is nie meer 12 nie, jy weet net so goed soos ek die argument dat alle of die meeste wildplase teen groot verliese bedryf word nie waar is nie.

Dit gaan nie oor my voorskrifte aan hoe mense moet jag nie, maar oor die feit dat die tipe leeujag wat sommige van ons tot nou toe bedryf het alle jagters se name slegmaak, dis waaroor ek krapperig is en ek het dit nie net teen leeujag nie, ook ander vorme van jag wat die jagter se naam deur die modder sleep. En ek waarsku nie nou eers daarteen nie. Ek het al in die 1990's gese hierdie tipe jag gaan ons iewers vorentoe in die pekel laat beland.

Wat die leeus betref is ons nou klaar in die moeilikheid, ons kan nie nou die al die teelleeus van kant maak nie, en dis nie waarvoor ek vra nie. Ons het reeds by 'n punt gekom waarby omdraai te laat is. Ons moet nou die leeus wat ons het probeer bestuur op 'n aanvaarbare manier - uitsit is nie die antwoord nie.

Frederik, jy is reg, ons binnelandse jag is gesond en globaal gesien maak dit meer geld as wat die buitelandse jagters inbring. Wat ek wel kan noem is dat daar beslis plase is wat teen 'n verlies gaan hardloop as hulle nou hul buitelandse jagters verloor. Dit is ook vir my opmerklik dat 'n paar ondernemings wat ek ken, glad nie meer in biltongjagters belangstel nie. Jy is ook reg, alles is nie net doom en gloom nie. Maar daar moet voortdurend mense wees wat vrae vra sodat ons nie op ons louere rus en eendag te laat uitvind ons het te min gedoen om jag te red nie.

Hiermee sluit ek nou regtig af, want ons sal ure en ure redeneer sonder om die oplossing te bepaal. Of miskien is daar 'n oplossing - close your eyes because anything goes, solank as die geld in die bankrekening beland en die "jagter" by sy dooie bok kan pronk want ons leef in moderne tye (let wel, met anything goes bedoel ek nie skelmstreke/onwettige jag nie).
Mooi loop

[Frederik]

Hercules en Koos,

Julle blaas hierdie hele onetiese jag uit proporsie uit ek kan julle waarbog daar is minder internasionale jagters wat Suid Afrika jag as die afgelope 5 jaar die ondernemers wat verkeerd doen is nie nuut nie hulle word net vinniger tereg gewys op sosiale media. Ons as jagters moet ook nie terugstaan nie en uitwys wie hulle is want dit skend ons oor die algemeen. Maar almal is te bang om op te staan en iets te se. Ons sal liewers baklei oor standaarde en norms op die einde van die dag gaan 'n rooibok of leeu vrek die een bring meer geld maar wie gee die leeu se lewe meer waarde? Hel wanneer laas het jy die woord vrek gelees, diere vrek en mense gaan dood onthou bietjie daardie ene.

Kom ons vat 'n voorbeeld oor die afgelope nuus Isis het dit reggekry om die hele Brussels tot binne hulle huise te dwing oor die naweek. Alle restaurante en bars was toe selfs die Metro dit is presies wat Isis wil he die einde van die westerse lewe in Europa.

Wat Belgie gedoen het en ek is self 'n Belg is verkeerd om in te gee op die druk hulle moes hulle man getstaan en met van die beste para troepe in die wereld waak gehou het want as hulle dit een keer kon regkry kan ek jou belowe gaan die volgende aanslag kom.

Die groenes is dieselfde hulle sal spring en aanval as daar swakheid is, PHASA het dit vir hulle gegee!
Ons is besig om te stry of die leeus op Wouter se plaas reg gejag gaan word en die paar jaar wat ek vir Wouter ken weet ek hy sal die reels volg.
Die slegte ondernemers en plaas eienaars het klaar die skade gedoen. "The beans has spilled!" soos 'n engelsman se. Wat gaan ons as jagter omtrent dit doen meer afbreek of die gemors skoonmaak?

Ek noem 'n beroep op al ons jagters om op alle sosiale vlakke jag as positief te beskryf.
Wie stem saam met my of gaan ons die kultuur opgee oor 'n oorgewig tiener wat sy Coke Zero sit en suip langs sy ritilin voor die rekenaar skerm. Staan op en baklei vir jou reg om te jag en wees trots daarop.

Onthou asb in 1994 is die jaar wat ons weer olifante in die wildtuin moes uitdun. 21 Jaar later staar ons die groot olifant populasie in die gesig alles oor wereld druk ons pragtige Kruger is besig om te vergaan. Kos is minder vir die ander herbivore, die leeus het minder prooi meeste van hulle het TB en soos iemand vroeer vir my genoem het deur die dag waar gaan ons dan leeus vandaan kry?
Dalk die wat nie so mensku is nie, 'n kat bly 'n kat paar gaan natuurlik dit nie maak nie maar daar is genoeg waar hulle vandaan kom.

Daar is 'n baie groter prentjie behalwe normes en waardes daar is baie veel erger dinge wat op ons mensdom afgedwing is as leeu teel jag maar dit is 'n soft target want ons jagters is bang.
Ek hoop julle verstaan dalk nou meer hoe ek so sterk voel oor jag dit is in my bloed deel van my kultuur en maak my deel van wie ek is.

[PWV]

Een probeer die ander se siening regverdig en verdedig terwyl ander weer die teendeel wil stel en daar soms beledigings rondgeslinger word. Dit is alles egter 'n geroep in die wind.

Die "bottom line" is: Geteelde leeus word gesien as geblikte leeus wat op 'n onwaardige wyse geskiet word. Dit is al te veel op openbare internet geselsprogramme gesien. Om hierdie persepsies van leeujag reg te stel, gaan 'n uiterste poging (bonatuurlike poging) verg. Hoe, weet ek nie!

En soos baie hierbo dit gestel het, sal dit deursuur na die jag van ander wild ook.

[Apie]

Laat die ou ballies met die swak kniee die ou en mak bokke jag.

Dan is dit mos 'fair chase'(of dan n skilpadpadresies)

Net n grappie ouens!

[Wouter Roets]

More Manne

Ja manne ek moet erken ek vat hierdie ding baie persoonlik, n mens kan tog seker nie anders as jy n miljoen rand wat jy bele het sien in die drein afspoel nie. Verder kan n mens seker ook iemand se teleurstelling verstaan as sy medejagters en die organisasies wat veronderstel is om saam met hom te staan hulle kniee buig met die eerste waarlike sosioale aanval teen n sektor van die indusrie nie. Ek is ook die eerste persoon wat sal erken dat dit wel een van die meer wankelrige sektore is, maar nietemin voel ek dat dit onregverdig en kortsigtig hanteer is sonder dat daar enigsins gefokus is op die positiewe en daarop probeer bou is. Ek kan nie anders om te dink dat dit maar net die begin is van n baie groter aanval is nie en dat hierdie nou gewys het oor hoe min weerstand ons as eenheid kan en gaan bied. Ons sal ons gedagtes hier moet wysig anders is die stryd verseker verlore.

Ek sien ook n swarigheid vir die bedryf en veral die grondeienaar in die toekoms. Dit is nou maar net so dat die gemiddelde wildsplaaseienaar n vermoeende persoon is om mee te begin of mense dit wil weet of nie. Uit die aard hiervan is hulle besigheidsmense en duld nie dat n groot belegging nie die nodige opbrengste lewer nie. Die kultireele sentiment gekoppel aan n eie stukkie grond gaan eenvoudig op die langteryn net nie genoegsame water dra om hierdie praktyk te regverdig nie. Die afguns van die medemens speel ook hier ongelukkig n beduidende rol. Al hierdie goed speel saam om die uiteinde te he dan ons werklik as samelewing groot gaan verloor.

Groetnis
Wouter

[PWV]

Laat die ou ballies met die swak kniee die ou en mak bokke jag.

Dan is dit mos 'fair chase'(of dan n skilpadpadresies)

Net n grappie ouens!

Apie
Smaak my jy is nog 'n "youngster". Bel my oor 50 jaar, dan vertel jy my of jy nog in die bome kan rondswaai.
As ek nie beskikbaar is nie, laat 'n boodskap!

[Jake1]

n Klomp manne sien ek hier is teen geteelde leeujag bloot omdat daar elemente in die bedryf is wat droogmaak. Die fokus word meerendeels geplaas op die manne wat dit verkeerd doen.

As mens aan n beginsel glo en dit wil toepas moet mens dit deurlopend doen.

GFSA voel dat ons nie vuurwapens mag besit nie want daar is negatiewe elemente tussen ons vuurwapen eienaars wat vuurwapens verloor en droogmaak. Stem bogenoemde manne dan saam met GFSA, wat besluite wil maak bloot gegrond op negatiewe elemante of mis ek iets iewers.

Dis op geen spesifieke persoon gemik nie, mens wonder soms maar net oor hierdie dinge.

[Apie]

Laat die ou ballies met die swak kniee die ou en mak bokke jag.

Dan is dit mos 'fair chase'(of dan n skilpadpadresies)

Net n grappie ouens!

Apie
Smaak my jy is nog 'n "youngster". Bel my oor 50 jaar, dan vertel jy my of jy nog in die bome kan rondswaai.
As ek nie beskikbaar is nie, laat 'n boodskap!

Dit het my dag gemaak Oom Pw!

[DilbertZA]

In kort, n paar dinge:

Ek hou nie van die term "leeujag" soos dit hier gebruik word nie. Die leeu word geskiet, nie gejag nie. Dit is vir my meer soos wanneer my familie in die verlede n bees gekoop het om te deel, en een van die neefs hom geskiet het. Die bees was in n kraal, hy was geteel om geeet te word, en hy was doodgeskiet. Ons het nooit gepraat van n bees jag nie.

Jag vir my beteken mens soek of lê iets voor, die dier kan dalk glad nie eers gesien word nie, of wegkom as hulle die jagter hoor of ruik.

As die leeuteel en skiet aangaan, moet dit onder een of ander boerdery departement val - dis nie jag nie.

Om te spog met n geteelde leeu se fotos, maak nie sin in my verwysingsraamwerk nie - ons het nooit fotos saam met die bogenoemde beeste geneem nie.

[regal]

Oxford woordeboek beskryf jag as die "pursuit and killing of an animal". Die woord was lank voor jou geboorte al beskryf. As jy jou eie woordeboek met jou eie taal wil uitbring, go for it.

Ek is nie seker wat n bees slag met n leeujag(/skiet) te doen het nie, maar jou vergelyking maak geen sin nie.

Die leeu word gesoek en dan geskiet, volgens enige regdenkende mens is dit die definisie van jag. Miskien is die tydperk n probleem of die dier die probleem. As iemand jou aflaai in die veld en 2minute later loop daar n kudu voor jou verby en jy skiet hom, word dit dan n skiet genoem of n jag? Jyt verseker nie die dier "pursue" nie. Miskien moet alle wilde diere wat geskiet word met n gelukkie van nou af maar net n skiet genoem word en nie n jag nie. Dan kan ons al die mense wat so fotos plaas van die gelukkies net korrigeer en verduidelik hulle het nie eintlik gejag nie maar slegs geskiet.

Dieselfde redenasie wat jy gebruik kan ook op ouens wat van bakkies af skiet, voorsit jag/skiet of nagjag/skiet gebruik word. As jy die dier gaan soek EN DAN SKIET is dit n jag, net omdat dit nie jou idee van jag is nie gee jou geen reg om n ander te oordeel oor sy manier van jag nie.

Ek het bitter min tyd vir jagters wat ander jagters voorskryf. Jy het geen reg om dit te doen nie, jy kan n opinie he, maar soos hulle se, n opinie is soos an a$$hole, almal het maar een ...

[kopskoot]

Oxford woordeboek beskryf jag as die "pursuit and killing of an animal". Die woord was lank voor jou geboorte al beskryf. As jy jou eie woordeboek met jou eie taal wil uitbring, go for it.

Ek is nie seker wat n bees slag met n leeujag(/skiet) te doen het nie, maar jou vergelyking maak geen sin nie.

Die leeu word gesoek en dan geskiet, volgens enige regdenkende mens is dit die definisie van jag. Miskien is die tydperk n probleem of die dier die probleem. As iemand jou aflaai in die veld en 2minute later loop daar n kudu voor jou verby en jy skiet hom, word dit dan n skiet genoem of n jag? Jyt verseker nie die dier "pursue" nie. Miskien moet alle wilde diere wat geskiet word met n gelukkie van nou af maar net n skiet genoem word en nie n jag nie. Dan kan ons al die mense wat so fotos plaas van die gelukkies net korrigeer en verduidelik hulle het nie eintlik gejag nie maar slegs geskiet.

Dieselfde redenasie wat jy gebruik kan ook op ouens wat van bakkies af skiet, voorsit jag/skiet of nagjag/skiet gebruik word. As jy die dier gaan soek EN DAN SKIET is dit n jag, net omdat dit nie jou idee van jag is nie gee jou geen reg om n ander te oordeel oor sy manier van jag nie.

Ek het bitter min tyd vir jagters wat ander jagters voorskryf. Jy het geen reg om dit te doen nie, jy kan n opinie he, maar soos hulle se, n opinie is soos an a$$hole, almal het maar een ...

We'll said. So wip mens jou gat op n diplomatiese manier!!!

[PWV]

Loop-en-bekruip is jag. Geen ander manier nie!
Van 'n bakkie af of van krukke af, is nie jag nie!

[DilbertZA]

Hier is die kort weergawe: Mak diere word doodgeskiet, wilde diere word gejag. In my boek is dit van toepassing op Swartwitpense/Buffels of watookal wat in n kamp geskiet word.

Ek is nie iemand wat voel dat die teel en skiet van leeus heeltemal gestop moet word nie, ek dink n plek daatvoor moet gevind word weg van jag. Dis my mening - ons almal pos op n forum om opinies te lig, ek sit hom hier en mense kan hom lees en daarop reageer. (My mense was nog nooit goeie maats met die manne van Oxford nie - hulle het immers my Oupagrootjie doodgeskiet. Ek noem hom soos ek hom sien sonder om te verwag almal gaan daarvan hou.)