JARACAL

Dagse mense

Man, het ek nou 'n lekker naweek gehad! Het vrydag-middag uitgery om te kyk of ons nie 'n eland of twee kon kry nie. Dit was die eerste keer dat ek met die Barnes TSX 270greiners sou jag..... en was dit nou 'n sukses!

Daai koele vat nie nonsens nie en is baie akkuraat in my geweer. Ek het hierdie bul geskiet nadat ek en die boesmantjie ver op hulle spoor geloop het en mooi bekruip het. Die wind was moeilik en het baie gewissel tussen Suid en oos. Dit was ook vrek koud! Ek het uiteindelik 'n skoot gekry so op 70m in redelike digte bos. Dit was 'n Bul-trop van so 10 sterk. Toe die skoot klap was dit chaos soos takke breek en bosse uit die grond geharloop word! Ek het ongelukkig die bok uit my teleskoop verloor toe die skoot loop, maar my gids het my verseker hy het net daar geval. Daar gekom het hy netsoos op die foto regop op sy pens gel?.
So baie graag die koeel wou kry om te kyk, maar hy's iewers in daai dik nekwerwels weg.


[img width=560 height=420]http://i1075.photobucket.com/albums/w43 ... 7Small.jpg[/img]

[img width=560 height=420]http://i1075.photobucket.com/albums/w43 ... 8Small.jpg[/img]

Groete en sterkte met die Maandag!

Baie geluk Pieter!
Dis 'n bitter mooi eland!

Mooi Pieter
Goed gedoen Lyk na 'n mooi bul

Hallo Pieter

Baie geluk met die pragtige eland! Bly die Barnes'e het nie teleur gestel nie.

Groetnis
Wouter

Geluk met daai eland.

Kan nie verkeerd gaan met n TSX nie

Baie geluk,goeie skoot en pragtige bull.

Baie geluk, pragtige bul daai!!

Barnes TSX groete,
Lou

Blikemmer dis mooi eland, lekker storie. Help bietjie met die Maandag.

Skote petoors! - netjies!

Wragtag pragtig!!

Is dit van daai Grootfontein elande? Daai goed raak masief daar! Wat het hy uitgeslag?

Hoe lekker is dit om van so n eland jag te lees en die elke tweede reeltjie te lees van of dit nou n kaapse eland is of nie... En wat hy gemeet het nie...

Mooi storie  Pieter en mooi fotos daarby.

Is daai 'n Lord Derby? Lyk na nuwe Rowland Ward, wat het hy gemeet?

Hehehe, spot net Gerhard

Pieter Vorster wrote: Dagse mense

Man, het ek nou 'n lekker naweek gehad!

Man Pieter sal ek jou nogal glo   

Daai was sekerlik 'n unieke ervaring gewees. Soos Gerhard s? dis lekker om te sien daar is manne wat nog net jag en niks meet en weeg stories nie 

Dankie vir die deel  So mooi bul is ook redelik hoog op my wens lysie 

Mooiloop
Marc

Baie dankie almal- ek waardeer die mooi woorde!
Ek het die eland hier naby Grootfontein gejag. Ek weet nie wat sy horinglengtes of karkasgewig was nie, maar die horings was nie uitsonderlik nie, alhoewel die basisse lekker  dik was. Dit was al 'n ou man, en hy was lekker DUK! Skat seker hier in die koers van 380/400kg.

Ek het nie geweeg/gemeet nie- ek heg maar altyd my waarde aan die storie rondom die jag van die dier ipv die grootte. Daar is heelwat fotos en trofees in my braai-area wat nie roland ward materiaal is nie, maar waarop ek netso trots is omdat ek daardie spesifieke dier kan assosieer met 'n mooi en lekker tyd in my lewe. Vir my is 'n trofee 'n herhindering, nie 'n prestasie nie.

Ek moes hom vir die eienaar skiet wat self nie jag nie, so ek weet ongelukkig nie die karkasgewig nie en kan maar net raai, maar vir my maak dit nie saak nie.

Hy sal vir altyd in my gedagtes bly as my eerste eland met die 375H&H. wat ek geskiet het met 'n 270gr Barnes TSX wat ek self gelaai het, nadat ek  my flou gestap het op sy spoor in boesmanland se diksand saam met Mische die boesmangids op 'n baie koue en winderige Junie-more.... :

Wat ek wel kan s?- die eienaar het gevra dat ek asb. nie een van die heel groot bulle moet skiet nie........ toe ek en Mische uiteindelik hierdie bul-trop kry, was hierdie ene die kleinste ene van die 4 waarop ek wel 'n skoot gehad het.......!!

Goeie werk Pieter!!!

Ek stem vir daai barnes manne hulle ken die storie!

Groete H