JARACAL

Manne, ek weet daar is baie van julle wat fantastiese toerusting het en vaardighede ontwikkel het om netjies te skiet oor "baie ver afstande". Dis inderdaad 'n kuns op sy eie.

Lees ook aangehegte artikel deur wyle Dr Lucas Potgieter . . . mens moet die skrywer se humor verstaan en waardeer wat hy sê. Daar's baie om oor na te dink.

Geniet dit.

Hehehe. Lekker Dok, hier het jy raakgeskiet..... RIP ou Grote!

Ek onthou die dag toe ek die berig gelees het. Ek het daai tyd al geweet die berig is vir 'n sekere "audience" geskryf. Ek weet Dr Lucas het goed bedoel, en dit is goed geskryf. Ek sien die humor ook in ja, maar dit is nou wel 2013 en my volle opinie sal ek natuurlik uit respek terughou

Dankie vir die deel van die berig. Ekt hom gesave.

Baie goeie artikel, nevermind vir wie dit bedoel was, ek dink daar is so paar goedjies om oor te dink, veral vir ver skiet, miskien kan dit die verskil bring tussen (Jagters en Skieters)
Jagters gaan soek die wild en kom naby om te skiet
Skieters gaan soek die koppie en skiet die wild wat hy in die verkyker en scope sien
Jammer by voorbaat

Baie goeie artikel en vir die jaar 2000 of wanneer dit ook al geskryf is, meestal die waarheid.

Ek lees egter baie die woorde "skat" en "raai"... Dis nie woorde wat 'n langafstand skut te veel moet gebruik nie....

Wat die woordtjies "skiet" en "jag" aanbetref, noem dit gerus maar net wat julle wil! As dit jagters lekkerder laat slaap of jag of brandewyn drink deur dit wat ek van 'n bakkie af, uit 'n hide uit of van 'n koppie af doen, skiet te noem, great! Noem dit net wat julle wil, solank julle watookal julle doen, meer kan geniet deur ander manne se passies af te maak as skiet, dan is daar darem 'n wenner hierin...

Ek stem saam Fritz.

Ai die ou Afrikaner volkie ook darem. Van almal daarbuite wat TEEN ons veg, baklei ons die hardste......ook teen onsself. Manne, gun mekaar 'n plekkie in die son.

Daars 'n boek van Dr Lucas "fonteintjies langs my geweerpaaidjie" of so iets. Seker een van die lekkerste boeke om te lees.

Waar kan mens die boek nog koop?

Eugene wrote: Ek lees egter baie die woorde "skat" en "raai"... Dis nie woorde wat 'n langafstand skut te veel moet gebruik nie....

Verseker

Naand win270

Lag ek darem nou lekker oor al die dinge wat genoem word en hoeveel keur was ek nie
al in hierdie gesprek betrokke en luister wat die manne praat langs die braaivleis vuur oor daai laaaaang "SHOTS" wat hulle geskiet het nie.

Hier naby my op Naboom in Limpopo is n wildsboer by wie ek jakkalse skiet wat as die manne van die bakkie af klim en reg maak om gunne in te skiet n baan het met 100m,150m,200m en n staal plaat teiken so groot soos A4 bladsy op 300m wat teen boom hang.

Die reel is as jy staal plaat kan raak skiet kry jy rooibok verniet.
Nou vir die grap, meeste manne skiet op 100m mooi en 150m gaan dit nog goed en dan 200m skiet 9 uit 10 manne baie laag of die teiken heeltemal mis.

Nou vestaan ek hoekom hy so baie rooibokke op die plaas het.

Groete

SNIPER

Win 270, hierdie is soos om te wil se jy het lekker gebraai toe jy Saterdag jou tjoppie oor daai gas, houtskool of brikkette geskroei het. In werklikheid het jy bloot vleis gaargemaak. Want as jy wil braai gebruik jy hout en jy begin jou vuur sonder moderne aanstekers soos blitz. Jy doen dit verkieslik op die grond ook en nie een onder blink poleerde klontrapsie nie !

Soos Eugene noem, toe die persoon die brief gesit en skryf het het eskom nog nie eens krag aangele plase toe nie. Kom ons hou bietjie by met die tyd en gun elkeen sy plek in die son

Eugene wrote:Baie goeie artikel en vir die jaar 2000 of wanneer dit ook al geskryf is, meestal die waarheid.

Ek lees egter baie die woorde "skat" en "raai"... Dis nie woorde wat 'n langafstand skut te veel moet gebruik nie....

Wat die woordtjies "skiet" en "jag" aanbetref, noem dit gerus maar net wat julle wil! As dit jagters lekkerder laat slaap of jag of brandewyn drink deur dit wat ek van 'n bakkie af, uit 'n hide uit of van 'n koppie af doen, skiet te noem, great! Noem dit net wat julle wil, solank julle watookal julle doen, meer kan geniet deur ander manne se passies af te maak as skiet, dan is daar darem 'n wenner hierin...

Dankie Eugene. Ek stem 100% saam met hierdie stellings van jou.
Noem dit gerus maar net wat jullle wil!

douw wrote:

Eugene wrote:Baie goeie artikel en vir die jaar 2000 of wanneer dit ook al geskryf is, meestal die waarheid.

Ek lees egter baie die woorde "skat" en "raai"... Dis nie woorde wat 'n langafstand skut te veel moet gebruik nie....

Wat die woordtjies "skiet" en "jag" aanbetref, noem dit gerus maar net wat julle wil! As dit jagters lekkerder laat slaap of jag of brandewyn drink deur dit wat ek van 'n bakkie af, uit 'n hide uit of van 'n koppie af doen, skiet te noem, great! Noem dit net wat julle wil, solank julle watookal julle doen, meer kan geniet deur ander manne se passies af te maak as skiet, dan is daar darem 'n wenner hierin...

Dankie Eugene. Ek stem 100% saam met hierdie stellings van jou.
Noem dit gerus maar net wat jullle wil!

O ja, ek sien die oom praat van my in die artikel, 300 WM met Fluted loop op 'n sintetiese kolf wat ge "free-float" is

Ja, kry julle op julle se moe vanuit die graf.

Haha Douw, jy was al in 1976 beroemd vanuit jou Pa se sakke. Bells vir jou mater

Marc wrote:Haha Douw, jy was al in 1976 beroemd vanuit jou Pa se sakke. Bells vir jou mater

Onthou, ek was toe in die beplannings fase. Jy weet mos dat beplanning vir 'n sekere projek die deurslaggewende faktor is wat sukses sal bepaal

SNIPER wrote:
Hier naby my op Naboom in Limpopo is n wildsboer by wie ek jakkalse skiet wat as die manne van die bakkie af klim en reg maak om gunne in te skiet n baan het met 100m,150m,200m en n staal plaat teiken so groot soos A4 bladsy op 300m wat teen boom hang.

Die reel is as jy staal plaat kan raak skiet kry jy rooibok verniet.
Nou vir die grap, meeste manne skiet op 100m mooi en 150m gaan dit nog goed en dan 200m skiet 9 uit 10 manne baie laag of die teiken heeltemal mis.

Nou vestaan ek hoekom hy so baie rooibokke op die plaas het.


SNIPER

Sniper ek soek asb daai boer se nr.

Het lanklaas 'n rooibok verniet geskiet.

Ek het 'n paar jaar terug gaan skiet naby Mcarthyrus in die Kalahari. Die boer se pa het ons by ons aankoms saam met die boer ontvang en saamgestap toe ons die gewere en die zero's nagegaan het. Toe hy ons gewere en toerusting sien, sê hy: " Julle manne het nie kom jag nie, julle het kom skiet! 'n Ware Jagter gebruik oop visiere en die fancy teleskope nie!"

Later die aand vertel hy ons hoe hulle eendag met 'n Bedford trok gaan "jag" het en tussen 4 manne 100 springbokke van daai trok afgeskiet het. Daar is min sulke ware jagters oor! Gelukkig....

Nou wonder ek of die manne wat so lustig die woord skieter rondgooi, julle manne skiet darem seker julle bokke met oop visiere, haal binnegoed in die veld onder 'n kameeldoring uit en dra self julle bokke kamp toe, nè?

Dink maar daaroor ook...

Mooi gestel Eugene!

Ekself is nie 'n lang afstand jagter nie, en ek erken ek het nie die kennis of toerusting (huidiglik) om lang afstand jag suksesvol te beoefen nie....

maar....

op 300m met die 338 sal ek ook 'n paar van die oom se rooibokke vir hom gaan afhaal siende dat hy nou so vrygewig wil wees....

Dit is vir my opvallend hoe jagters van verskillende metodes en disiplines konstant onder mekaar stry wat nou eintlik ware jag is en wat nie. Wie gee regtig om? Niemand van ons vandag jag uitsluitlik vir oorlewing nie. Elke persoon jag vir ander redes, wat ookal dit mag wees, dit is jou eie persoonlike oortuiging. Hoekom die nodigheid voel om iemand anders se manier van jag wat van jou eie oortuigings verskil, te verkleineer? Maak dit van jou 'n beter mens? Voel jy goed as jy jou eie oortuigings kan voorhou as die enigste korrekte manier? Gun elke jagter sy plek in die jagveld en ook die voorreg om sy metode, van watter aard ookal, jag te noem as hy so voel. Dit maak mos nie afbreek aan jou as mens nie. Hoekom die nodigheid om mekaar gedurig aan te val of reg te sien? Of is die eiewaan so belangrik?

+100 Ghillie Man - ek deel jou siening

Ghillie Man wrote:Dit is vir my opvallend hoe jagters van verskillende metodes en disiplines konstant onder mekaar stry wat nou eintlik ware jag is en wat nie. Wie gee regtig om? Niemand van ons vandag jag uitsluitlik vir oorlewing nie. Elke persoon jag vir ander redes, wat ookal dit mag wees, dit is jou eie persoonlike oortuiging. Hoekom die nodigheid voel om iemand anders se manier van jag wat van jou eie oortuigings verskil, te verkleineer? Maak dit van jou 'n beter mens? Voel jy goed as jy jou eie oortuigings kan voorhou as die enigste korrekte manier? Gun elke jagter sy plek in die jagveld en ook die voorreg om sy metode, van watter aard ookal, jag te noem as hy so voel. Dit maak mos nie afbreek aan jou as mens nie. Hoekom die nodigheid om mekaar gedurig aan te val of reg te sien? Of is die eiewaan so belangrik?

Dankie vir die waarheid! As 'n sekere dissipline jou nie trek nie, los dit vir die manne wat dit geniet! Waarom dit afkraak of verdag maak....

Ek soek nog steeds die gratis rooibok.....

Win270.
So jy sê jakkalsjag is skiet en langafstand jag is ook skiet?

Genade, wat beskou jy dan as jag? Pak maar weg daai .270 en kry 'n spies. Loop eerder kaalgat sonder skoene en steek die bok vrek.