Jakkals Jag en Wit Bakkies

[Abrie Smit]

Ek sien op baie foto's ( Face Book en ander plekke ) van jakkalse wat geskiet word met wit bakkies. Hierdie is 'n onderwerp wat my na aan die hart lê, omdat ek op die harde manier geleer het. Taffie en Louis vertel vir ons die moets en moenies op die kursusse, maar baie van ons dink mos ons weet net soveel, indien nie beter. Een van die moenies is WIT BAKKIE. Doen 'n kursus, dan sal jy ook hoor hoekom nie. My verhaal is as volg:

Ek jag al van 1996 af met CD (en later darem nuwer tipe roepers) op 'n leke manier jakkalse. Doen toe kursusse by twee van die leermeeesters, maar sit met wit bakkie. Besluit toe, laat maak vir hom 'n cover van rek materiaal. Cover werk nie sleg nie, maar as die wind waai, dan is daar altyd êrens 'n deel wat flap en klap, maar die jagtery gaan beter. Kom wel later agter dat vriend se donker blou Uri beter werk. Gaan maak die som ook in tyd wat dit vat om oor te trek en af te trek. Kan met daardie tyd nog 'n paar staan plekke gedoen het. Daar is ook nie tyd vir toe trek as jy op jakkalse afgery het nie. Dink nog steeds wit met cover werk, tot ek by my neef gaan jag. Hy het 'n teef wat al bietjie papiere het.

Drie keer teef gaan soek. Weet presies waar kern gebied is, maar kry haar net nie. Die volgende dag na derde keer kom hy by my. Hulle het gaan spoorsny na die twede en derde keer. Kry toe elke keer hardloop spore na 'n totaal ander deel van kamp. ( Kampe hier by ons kan maklik 700 - 1000 ha groot wees ). Sy sien my met die wit bakkie kom en maak spore nog voordat ek toegegooi en geroep het. Ek staan met rooi gesig, want ek het hom geld gekos a.g.v. my toerusting. Ek laat toe my bakkie Camo en die eerste aand skiet ek vir teef. Hiermee sê ek nie almal moet camo nie, maar kry asb jou bakkie so onsigbaar moontlik. Waterverf doen ook.

Louis-hulle predik volhoubaarheid. Jy gaan jou jakkalse skiet met wit, maar hoeveel bly slimmer agter wat jy nie geskiet het nie. Soos Louis altyd sê, " Dooie jakkalse vreet nie, dis die wat agterbly wat vreet "
Moenie jou kliënt/boer geld kos nie. Hier in Nam is ook professionele manne met wit bakkies. Ek weet van 'n boer wat so 'n man daar gehad het. Het 3 reun jakkalse geskiet en kon nie die tewe kry. Weer geprobeer, niks reggekry. Nou het boer al twee/drie ander manne ook gekry wat niks uitgerig kry en jakke EET sy skaap. Nou lyk die ander soos beginners a.g.v. 'n man wat nie als in sy vermoeë gedoen het om nie slim jakke agter te laat nie.

Ek sit paar foto's op van my bakkie sowel as die jakkals. Kyk bietjie na die foto van my bakkie links van die wit bakkie. Geneem op 'n donkermaan aand. Dink hoe sal dit lyk as die maan skyn.

My versoek is, kom ons doen soveel moontlik om nie slimmer jakkalse in die veld agter te laat nie. Dit kos almal geld. Ons leermeesters weet waarvan hulle praat.

[Abrie Smit]

Sorry, hier is die ander twee fotos.

Mooi naweek.

[Capt. Yoda]

Hoor hulle jou nie met daai gezos nie ? Speel somer net daai bakkie lyk somer smart nou

[johans]

Hoor hulle jou nie met daai gezos nie ? Speel somer net daai bakkie lyk somer smart nou

ford as ek reg kyk

[Jakkie 321]

Abrie lyk baie goed en dankie vir die deel van jou ondervinding.
Wat kos dit om jou ford so te camo?
Nou moet jy net daai silver rims swart maak:)

[Louis102]

Jaaaa Abri .... eintlik wou jy net jou spoggerige bakkie wys nè? Nou krap jy weer ou wonde oop. Sommige skiet al jare met wit bakkies en sommige skiet sommer vet klomp jakkalse met wit bakkies ... en hulle sal vir jou sê ek praat strooi.

Jy's egter reg, wit jagbakkies is nou maar een ding wat my stertvere orent laat staan. Ek gee regtig nie om hoeveel glamorous foto'jies op facebook gepos word, met trosse jakkalse aan wit bakkies nie, dit bly in my boek onverantwoordelik, veral as man dit proffesioneel doen.

My filosofie rondom roepjag is beslis nie so glamorous soos die facebook celeb'jagters s'n nie ...... 'n jagter wat sy sout werd is sal vir jare doeltreffend en volhoubaar op die selfde plaas kan jag (lyk vir my die celeb'jagters soek voordurend nuwe "roep-virgin"-plase om te jag as hulle nie meer regkom op die plase wat hul klaar opgeneuk het nie)

'n Roepjagter wat sy sout werd is, jaag nie getalle na nie, maar skiet eerder minder jakkalse gedurende die regte seisoen, maar bewerk steeds 'n beter speenpersentasie vir daardie plaas (maar om die verbeterde spenpersentasie op facebook te vertoon is mos nou nie naastenby so glamorous soos om 'n blink-nuwe wit bakkie met trosse jakkalse, daar te vertoon nie?)

Punt is: Volhoubare roepjag = donkerder gekleurde bakkie.

Mooiloop.

[Martin Marais]

Pragtig gestel Louis. Dit lyk nie vir my of iemand die witbakkie jagters ooit sal oortuig nie.

Dalk moet Sir Taf en Hein hul tot die parlement wend en probeer om wit voertuie totaal te verbied

Groete

[Johnnie De Wet]

Moet ook nie met 303 skiet nie sê die jakkals in die foto met net 3 bene

[Armand9]

Oom Louis so waar. Dis mos nou weer tyd vir daai trosse aan die
bakkies. Die dragtige teef het verby geglip met die koue aande se jag!
Dis maar hoe ek myself oor die vingers tik as die jonges so val.

[KSV]

Jy weet jou bakkie se kleur is reg as jy die roeper gaan uitsit of jakkalse optel en jy moet jou eie vervoer soek!

Gebeur maklik as dit toegetrek is en jy nie op 'n hoogtetjie gestop het nie.

[243Songdaug]

Hein, dit klink dan nou jy praat van ondervinding?

[Abrie Smit]

Mooi gestel Louis. Jakkie, dit kos N$ 12 500 hier in Nam, maar Geno-hulle dink ek laat doen dit darem vir goedkoper daar by hulle. My sukses ratio het meer as verdubbel, veral in die moeilike tyd. Ek het meer groot jakkalse in die moeilike tyd geskiet as in maklike tyd.

Mooi dag

[BeesBreet]

Eenvoudig kerels, dis die prys van 10 skaap. As jy 10 skaap minder verloor, is dit betalend. Tensy jy soos ek nie met n camo bakkie wil rondry permanent nie...

[Suidwes]

Abri,

Jou bakkie lyk bakgat, amper so mooi soos myne. Myne is net 1 liter rooibruin , 1 liter Groen en n verfkwas, is bitjie goedkoper vir my.
Daardie vinyl sal lekker wees, maar so paar nagte deur my bosse....jy sal daai bakkie nie ken nie!!!

Gooi groot
Suidwes

[platjak]

Ons toets nou hierdie produk. Bietjie kyk hoe lyk hy in die donker. Dit is 'n matt charcoal wat ons gaan try. Die prys is maar dieselfde as die vinyl wrap, so ons sal maar kyk hoe duursaam is dit. Die voordeel hier is dat as jy klaar is met hom trek jy die coating af. Dit is wel 'n solid kleur maar die blink is baie meer verdoof (behalwe nou vir die bumper ens. maar die gooi ons toe.)

[Abrie Smit]

Spoggerig. Watter verskillende kleure kry jy? Laat weet hoe lyk dit in die nag.

[platjak]

Hi Abrie,

Jy het basies die volle spektrum van kleure. Hulle meng hom vir jou soos nodig.

[Jan-Hendrik]

Vertel bietjie meer.Is dit soos plastidip?

[platjak]

Kleur werk baie goed en raak goed weg in die nag. Maar die coating kry maar houe as jy baie bosse het. Die duursaamheid is nie baie braaf nie. Het hierdie twee sommer so in die volmaan gelaai so tussen reen buie Saterdag aand.

[Louis102]

Manne, wat help dit ons bakkie is mooi geverf, maar ons gesigte is spierwit vir die jakkalse om te sien. Kyk hoe mooi is my gesig gecamo vir die nagjag......

[Jakkie 321]

Ja nee dit lyk baie natuurlik.

[cassie_calvinia]

oom Louis
lyk my oom het 'n make over ook gekry! oom lyk mos nou sommer mooi!

[Louis102]

Jis Cassie, ek wil my baard nou nog net cammo kleure dye, dans ek reg...

[cassie_calvinia]

ek wil oom bel een of ander tyd

[Louis102]

Wil jy kom kuier Cas?