JARACAL

Dagse manne

In 2019 is ek verplaas na my werk se kantore in Engeland en ek is steeds woonagtig hier.

Ek het albei my jaggewere lisensieer 'n paar jaar vantevore, wat beteken die lisensies is geldig vir nog 'n paar jaar.

Die gewere is tans in stoor by 'n handelaar vir veilige bewaring.

Ek het na 'n paar opsies gekyk rondom stoor by familie ens, maar besluit om eerder die wapens by die handelaar te stoor vir die lang termyn.

My vraag is nou - wanneer dit gaan begin tyd word om her-aansoek te doen vir die twee lisensies, hoe gemaak? Ek het nie tans 'n adres in SA waar ek bly nie? Ek sal graag die wapens wil behou maar hoe gaan ek ek dit motiveer as ek nie tans in SA bly nie?

Enige soortgelyke ervarings?

Ek het gekyk om dalk die wapens oor die skeep na Engeland maar dit gaan meer kos as die waarde van die twee gewere....

As ek die wapens wegmaak het ek dan geen wapen van my eie om te gebruik as ek in SA is vir jag, ens.

Dankie

Mustang, ek nie kundige hieromtrent nie, wel die volgende.

Het soortgelyke situasie met my seun.

Vraag: Het jy nie meer ouerhuis of broer of suster wat in RSA bly nie?

Die woorde ‘vaste woonadres’ en ‘vaste adres’ moet jy uitklaar en vertolk om jou praktiese situasie te motiveer. Vaste adres impliseer nie jy mag nie uitslaap nie! Mense gaan op vakansie vir maande en die wapens is wettig in sy kluis by die huis.

In ons geval is die ouerhuis aanvaar, dit is jou anker adres, al bly jy tydelik elders. Dit gaan ook oor opspoorbaarheid van die wapeneienaar, nie net die staanplek van die wapens nie. In jou geval is stoorplek by handelaar, klink na goeie opsie.

Dit is hoe ons aangeraai is, dit is soos met baie aspekte rondom die wapenwet oop vir interpretasie. Tog moet dit ook prakties wees. Dit is hoekom daar ‘n storingsdokument is.

Kortom, probeer ouer/ouers, broer of suster se adres gebruik. Jy gaan dit aanvullend en ondersteunend moet motiveer tesame met oorsese adres en stoor adres. Waar ookal die wapens gestoor word, pa of broer, handelaar, moet hulle wettige bevoegtheid hê. Boedels en eksekuteur se stoor van wapens werk ook so.(ek is een)

Hierdie onderwerp is al baie deurgetrap, beslis is hier onsekerhede. Dink prakties daaroor en motiveer vervolgens.

Hoop v hulp.

Beste.

Baie dankie vir die insette...

Ja daar is seker baie veranderlikes hierrondom, ek sal maar nader aan die tyd ook met wapenlisensie-motiveerders ernstige kontak maak en hoor of mense my kan verwys na motiveerders wat al sulke situasies motiveer het, maar ja, ouerhuis sal seker die beste werk, veral as ek dalk die ouer se erfbelasting op my naam oordra of so iets...

Beste wense