In Hemmingway se spore Deel II (Ronald en Wouter se Moz jag)

Enige interresante verhale wat jy beleef het kan hier geplaas word.
Any interesting stories you have heard of or have experienced.
kopskoot
Hero Member
Hero Member
Posts: 1116
Joined: Mon Jan 16, 2012 1:13 pm
Location: Pretoria

In Hemmingway se spore Deel II (Ronald en Wouter se Moz jag)

Post by kopskoot » Sun Dec 07, 2014 1:49 pm

Na weke van afwagting, het die groot dag eindelik aangebreek, en 4uur Dinsdag oggend, het ons vertrek. Die verwagtinge was hoog en die opgewondenheid voelbaar. Teen 3pm was ons in die Zimbabwe kamp, waar ons vir Loyd Yeatman sou ontmoet, en oornag, voor die laaste trek noord, tot teen die Save rivier

"'n broodjie" is gebreek die aand, en lang geselsies gemaak, voor ons die volgende oggend, die mozambiek grenspos,sou aandurf, laaste "supplies" in Chicualacuala optel, en dan noordwaarts keer. Die pad noord, is tipies aan Afrika en die laaste 180km neem omtrent 6ure. Teen 5pm was ons in die kamp, en weer is lang geselsies gemaak, en "'n brood" gebreek.

Die roetiene,in die konsessie, skop af teen 2:45am, waneer die generator start. Teen 3am moet jy op wees.3;15 word toast en koffie bedien en teen 3:45 is jy oppad,deur die konsessie,na waar watergate besoek en gefynkam word vir vars spore. Indien daar vars spore is, word hulle gevolg,tot iets meegee. Soms die spoorsnyer ,soms die prooi,maar soms ook die jagters!. Teen 6:15 am, staan die kwik gewoonlik tussen 32 en 36 grade, en teen 10am,is jy te bang om te kyk.

Op dag 2, is ons laat middag na 'n area,ongeveer 4km van die samevloei van die Lundi en Save riviere, om ook 'n paar dinkplekke te gaan fynkam, toe 'n asemrowende gesig ons begroet het. 'n Trop olifante, ongeveer 40, het daar saamgedrom.'n Paar klein kalfies was in die groep en kort kort het een van die koeie trompetter, om die kroos in toom te hou. teen die sonsondergang,oor die vloeiende Save rivier,het 'n groepie die rivier oorgesteek.hulle siluette teen die lig op die horison,het vir fantastiese foto geleenthede gesorg.Al probleem was,nie een van ons het 'n kamera, by ons gehad nie. Dit was egter 'n prentjie wat vir baie lank in my kop sal wees.

Die volgende oggend, is ons weer fort, om watergate te fynkam. Bo-op 'n heuwel, waar mens taamlik ver kon sien, het ons stilgehou, vanwaar ons die gebied wou deur kyk. Een van die spoorsnyers het skielik beduie na 'n kloof ongeveer 50m onder ons. 'n Dagga bul, het alleen geloop en wei en het ons nog nie gewaar nie. Die bul was omtrent 300m voor ons en het dwars voor ons verby beweeg. Ons kon sien dat hy taamlike groot bosse het, maar nie regtig die wydte van sy horings nie. Ons was egter oortuig dat dit 'n ou alleenloper bul was, en Wouter het dadelik ingestem, om hom te bekruip en te skiet.

Ons het teen die rant afbeweeg,met die wind in ons gesigte en kon heeltyd bosse tussen ons en die buffel hou.Na omtrent 30min se bekruip, het ons teen 'n groot sloot/kloof vasgeloop,vanwaar ons nie nader kon gaan, sonder om totaal sigbaar te wees nie. Wouter het homself gemaklik gemaak teen 'n jongerige boom,vanwaar hy die buffel kon sien, maar die bul se "vitals" was agter 'n bos. Na 'n paar minute het die bul vorentoe getree en Wout het die 525gr TSX agter die bul de blad ingedruk. Die bul het in sy spore verstar,na 'n paar sekondes probeer om draai, maar kon eenvoudig net nie een voet voor die ander sit nie. Nog twee koeels,die keer solids, het hom getref, en die bul het net dar gaan le. Die skoot was 110m en Wouter was in sy element.

Image

Die drie hartskootjies

Image

Die res van die dag het ons rustig verkeer, terwyl die slagters hulle ding gedoen het, en die aand is afgesluit met feesvieringe.

Twee dae later,het ons albei,'n noue ontkoming beleef, toe ons 7ure lank, in 40grade hiite, 18km ver, op olifant spore gestap het. Dit was hard op ons lywe, en ons het Loyd mooi verduidelik om 'n herhaling daarvan te vermy

Die volgende middag laat, het ons op "gwacha" (hoop die spelling is reg) gaan stap, in die rigting van die samevloei, toe ons skielik takke hoor breek. Van 'n hoogtetjie af, kon ons 'n olifant bul sien wei. Die bos was egter baie dig en dit was moeilik om sy tande te sien. Ons het begin nader beweeg en alhoewel die rook van Loyd se sigaret in ons rigting getrek het,was die beweging baie gering, en ons moes dus baie versigtig beweeg. Van nader kon ons 'n tweede en 'n derde bul gewaar en later ook 'n vierde.Ons het nader beweeg was later ongeveer 25m van die vier reuse af. Alhoewel ek nie enige grote tande in gedagte gehad het nie, wou ek graag 'n volwasse bul skiet, en ook die grootste een van die vier. Vir ongeveer 45minute, het ons die bulle bekyk tussen die ruie bosse deur, waarna dit begin skemer word het, en ek toe op een van die bulle besluit het. Die bul het met sy kop in 'n bos staan en vreet, wta my geleentheid gegee het om nader te beweeg.. Ek het gereed gemaak, safety af, geweer in my skouer en in gestap. 25m, 20m, 15m. Met elke tree kon ek my hart vinniger en harder hoor klop, minder en minder bewus gewees van wat om my gebeur, en strak opgelet na wat die bul se body language" vertel. Uiteindelik op 12 tree, het die bul my gewaar, agteruit getree, na my toe gedraai,sy kop opgelig, ore opgetel en bo-oor sy slurp my aangegluur. My 577 was vinnig op die merk, en toe die skoot blaf, het die bul se agterbene gevou, sy kop opgetel en toe met fors grond toe. Dit was presies hoe ek dit wou he!

Die hele tyd, het Wouter oor my skouer gekyk, en ek was rustig om hom as back-up te he!

Image

Image

Image

Image

Image

Image

Image

Teen die tyd dat ek die bul se stert afgesny het, was dit pik donker, en ons kon die nag in feesvier, met goeie kubaanse sigare en Johny Walker se uitvoer kwaliteit verversings!

Die volgende oggend, het ons 'n buffel spoor gevolg, deur die Save rivier bed,tot op 'n eiland in die middel van die rivier bed. Ons het besluit om terug te gaan kamp toe, en laat middag terug te kom, om die bul kans te gee om uit die digte bosse op die eiland uit te beweeg. teen 4:30 was ons terug daar, en het ons gesit en wag dat die bul moes uitkom. Teen 8pm het ons besluit om nader te gaan, nadat ons takke hoor breek het, en Loyd die area met sy "thermal imaging " verkyker kon dop hou. Die maan was taamlik helder, maar dit was steeds baie moeilik om enige defenisie teen die donker bosse te kon uitmaak. Na ongeveer 30minute se stap om die eiland, het Loyd skielik beduie, vir die skiet stokke. hy het Wouter in die regte rigting beduie en toe hy gereed was, die spotlight aangesit. 40m Voor ons, het 'n baie ou dagga bul gestaan en vreet, en toe die 505 dreun, het die bul wegespring en deur die bosse verdwyn. 30sek later het hy sy laaste bulk gegee en ons het hom 20 minute later, morsdood in 'n oopte gekry. dit was vir my 'n eerste en beslis baie,baie opwindend

Image

42 Duim

Image

Image

Image
Weereens is daar feesgevier, en toe was dit tyd vir terugdraai

Dit was weereens 'n baie groot voorreg om die jag te beleef. Om in die Afrika wildernis te wees, en om dit boonop met iemand te deel, wat passievol,ingelig,verlig is en nog 'n lekker sin vir humor ook het, het dit soveel meer spesiaal gemaak. Dankie Wouter vir jou bydrae. Dit was 'n voorreg!!
Last edited by kopskoot on Tue Dec 30, 2014 1:57 pm, edited 5 times in total.
Soms Sako!

Dikwels, Sako precision rifles, manufactured in Finland, for ultimate accuracy!

User avatar
DWB
Hero Member
Hero Member
Posts: 6188
Joined: Tue Mar 08, 2011 11:48 am
Location: Piet Retief, Mpumulanga

Re: In Hemmingway se spore Deel II

Post by DWB » Sun Dec 07, 2014 2:43 pm

Welgedaan manne Welgedaan!
Noem my sommer Deon
7x57 - 9.3x62 - 404 Jeff - 450 Rigby
"All men die, but few men ever really live"

Wouter Roets
Administrator
Administrator
Posts: 6711
Joined: Wed May 19, 2010 2:06 pm
Location: Waterkloof, Pretoria

Re: In Hemmingway se spore Deel II

Post by Wouter Roets » Sun Dec 07, 2014 8:30 pm

Manne

Daar is nie veel wat ek kan byvoeg wat Ronnie nie al klaar gese het nie. Wat n onvergeetlike trip op n baie spesiale plek en met absolute top mense waarvan my jagmaat die grootste vermelding moet kry. Ronna dit was n voorreg om hierdie saam met te kon deel en sal hierdie verseker n jaarlikse instelling word as die Liewe Vader dit so behaag. Kom ons hou dit net in die meer draaglike maande van die jaar. Die maand van die melkaar is verseker nie die beste tyd hiervoor nie!

Manne ek kan ook net vir julle se dat julle hierdie goed moet probeer doen as julle kan en nie so lank uitstel soos die nege jaar wat dit my geneem het vandat ek my eerste oorbetaling gedoen het vir n buffeljag nie. Die plekke waar n mens hierdie kan doen op hierdie manier word ook al minder tedanke aan die heersers en inwoners van hierdie lande. Dit is so dat n mens baie opofferings maak maar ek kan julle verseker dit is alles die moeite werd aan die einde van die dag, selfs die twee en n half ure in die son by Beitbrug se grenspos.

Oor die jag self kan ek net se dat dit alles en nog meer was as n mens se wildste drome. Ronald se olifant was regtig iets besonders op die klasieke manier waarvan n mens net lees in die storieboeke. Ek kan nou verstaan hoekom mense se dit is absoluut verslawend. Om so tussen die reuse te beweeg is werklik iets besonders en seker een van die mees opwindendste dinge wat jy kan doen met jou broek aan. Ek wens regtig ons kon dit vasvang op n video maar ek moet eerlik wees deur te se ek sou moeilik my geweer vir n videokamera verruil. Ek is wel seker dit sou een van die beste video's wees wat ek al gesien het aangesien ek in die perfekte posisie was daarvoor. Ronnie het die situasie perfek opgesom en n skoot geplaas presies waar hy moes in n uitdagende sitsuasie.

My tweede buffel was ook regtig n besonderse jag en ek dink nie veel mense het al op die metode gejag en geskiet nie. Die adrenalien pomp verseker so bietjie harder as n mens se sintuig waarop jy die meeste staat maak basies weg geneem word. Met elke geluidtjie speel n mens se verbeelding eienaardige truuks met jou bewussyn. Om te wonder of dit n leeu, olifant, luiperd, seekoei, buffel en nog n paar ander diere wat die geluid gemaak het laat verseker die bloed n bietjie vinniger vloei deur die are.

Ek kan ook net noem dat ons weereens gesien het hoekom n mens die groter kalibers gebruik met die tipe jagte. Ek se nie vir n oomblik dat kleiner kalibers nie die werk sou kon doen nie, maar ek kan met eerlikheid se ek dink nie hulle sou dit so goed kon doen nie. Buffels veral het verseker nie hulle reputasie verniet gekry nie! Die eerste een wat ek geskiet het wou eenvoudig nie na die groener weivelde gaan nie selfs met die enorme gate deur sy hart. Kleiner gate kon nog heel moontlik vir sports gesorg het aangesien hy baie naby aan die grens van die Gonarezhou Nasionale Park geskiet was.

Ek wil ook net weereens die Yeatman familie alle sterkte toewens in die moeilike tye waardeur hulle gaan met die afsterwe van hulle vader en oupa. Ons het seker die swaar tyding verwag want ons het twee aande voor die nuus basies die hele aand gepraat oor ons vaders en wat hulle in ons lewens beteken het.

Groetnis
Wouter

User avatar
DWB
Hero Member
Hero Member
Posts: 6188
Joined: Tue Mar 08, 2011 11:48 am
Location: Piet Retief, Mpumulanga

Re: In Hemmingway se spore Deel II

Post by DWB » Sun Dec 07, 2014 9:23 pm

Lekker Wouter! Bly julle manne het dit so geniet!
Noem my sommer Deon
7x57 - 9.3x62 - 404 Jeff - 450 Rigby
"All men die, but few men ever really live"

Wouter Roets
Administrator
Administrator
Posts: 6711
Joined: Wed May 19, 2010 2:06 pm
Location: Waterkloof, Pretoria

Re: In Hemmingway se spore Deel II

Post by Wouter Roets » Mon Dec 08, 2014 9:21 am

Ronna

Ek het jou gese ons kan die trip maar vir onsself hou. Een persoon se geluk en dit is dit. Jy moes maar liewers n storie geplaas het van n nuwe skoenveter wat jy in jou jagskoen gesit het wat dan sewe bladsye se replies sou kry. Ek wonder eerlikwaar wat maak n mens nog hier. :(

User avatar
Geno
Hero Member
Hero Member
Posts: 12539
Joined: Tue Apr 20, 2010 3:05 pm
Location: Bloemfontein, Vrystaat.
Contact:

Re: In Hemmingway se spore Deel II

Post by Geno » Mon Dec 08, 2014 9:23 am

Wout,
Jy kan jouself nou maar 'n grootwildjagter noem hoor!
Soos telefonies genoem (en op FB Ronald), baie baie geluk!
Dis regtig bitter mooi diere wat julle gejag het!
Eet meer skaap. 50,000 jakkalse kannie verkeerd wees nie!

S&W SD9 9mmP
Ruger 10/22 .22LR
S&W M&P-15 5.56mm
Howa .204Ruger
Rem700 .243AI
Howa .243AI
Rem700 .243AI
CZ550 .260AI
Ruger .416Ruger
Win M.101 O/U 12Ga
Hunt Group M13 Semi Auto 12Ga

User avatar
DWB
Hero Member
Hero Member
Posts: 6188
Joined: Tue Mar 08, 2011 11:48 am
Location: Piet Retief, Mpumulanga

Re: In Hemmingway se spore Deel II

Post by DWB » Mon Dec 08, 2014 9:32 am

Ag ou Wout, ek dog nou my reply tel darem vir 12 mense man....

Het jy klaar PMS oor jy alweer terug op kantoor is? Dit gebeur maar met ons almal.

Het julle geen koeels teurg gekry nie? Van joune?
Noem my sommer Deon
7x57 - 9.3x62 - 404 Jeff - 450 Rigby
"All men die, but few men ever really live"

Eugene
Hero Member
Hero Member
Posts: 5866
Joined: Thu Jun 21, 2012 11:41 am
Location: Klerksdorp, Noordwes Provinsie

Re: In Hemmingway se spore Deel II

Post by Eugene » Mon Dec 08, 2014 9:33 am

Wouter en Ronald, baie geluk en dankie vir die mooi storie en fotos. Ek kan my net indink watse wonderlike ervaring dit moes gewees het! Wouter, daai buffel in die donker moes ook iets besonders gewees het, ek kan my net indink dat mens se senuwees jou op hol kan jaag as jy nie kan sien nie en net kan hoor.... Veral as die prooi iets is wat nie sal huiwer om jou sy prooi en teiken te maak nie!

P.S. Wout, party van ons is net in die week op die forum as ons by die werk is, saans en oor naweke is ons te besig! ;)
Aim small, miss small

User avatar
henried
Hero Member
Hero Member
Posts: 2236
Joined: Mon Jul 18, 2011 8:33 pm
Location: Vanderbijlpark
Contact:

Re: In Hemmingway se spore Deel II

Post by henried » Mon Dec 08, 2014 9:38 am

Wow, baie geluk.
Dit was lekker lees en baie mooi fotos.

Beer (Christo)
Hero Member
Hero Member
Posts: 1148
Joined: Wed Dec 28, 2011 1:41 pm
Location: Fourways

Re: In Hemmingway se spore Deel II

Post by Beer (Christo) » Mon Dec 08, 2014 9:44 am

Baie geluk Ronald en Wouter

Ek het lekker gelees en kon my amper in dit in leef. Jou skryf talent is nie te versmaai nie. Ek kan my nie indink hoe warm en gesweet julle in daardie hitte moes wees nie. Ek sal bitter graag eendag dit wil beleef om 'n olifant op 12 tree te kan skiet.

Ek sien jy het maar 'n paar vra op FB gekry. Dit is vir my jammer dat 'n mens, nadat jy soveel geld bygedra het vir bewaring, jouself nog moet verdedig.
Last edited by Beer (Christo) on Mon Dec 08, 2014 9:59 am, edited 1 time in total.

User avatar
Chevvy SS
Hero Member
Hero Member
Posts: 3064
Joined: Thu Mar 01, 2012 11:55 am
Location: Citrusdal

Re: In Hemmingway se spore Deel II

Post by Chevvy SS » Mon Dec 08, 2014 9:48 am

Lekker manne! As dit so lekker lees, moes die ervaring 'n 1000x beter gewees het!

Daai hitte sou my klaargemaak het.............

User avatar
Deeg (Lourens)
Hero Member
Hero Member
Posts: 836
Joined: Fri Jun 15, 2012 10:07 am
Location: Pretoria

Re: In Hemmingway se spore Deel II

Post by Deeg (Lourens) » Mon Dec 08, 2014 9:57 am

Ek kan net hande klap. Alles op die regte manier gedoen, selfs die terugvoer op die forum is puik. Baie geluk aan julle altwee!!!

User avatar
ruaanb
Hero Member
Hero Member
Posts: 4510
Joined: Thu Aug 14, 2014 10:29 am
Location: Durbanville, WesKaap

Re: In Hemmingway se spore Deel II

Post by ruaanb » Mon Dec 08, 2014 9:57 am

Baie geluk manne met 'n jag waarvan baie van ons net droom....ek het nou lekker gesit en lees en so ietsie daarvan beleef.

User avatar
DawieKotze
Hero Member
Hero Member
Posts: 2075
Joined: Tue Nov 30, 2010 9:25 pm
Location: Durbanville - Weskaap

Re: In Hemmingway se spore Deel II

Post by DawieKotze » Mon Dec 08, 2014 9:59 am

Baie geluk aan die 2 grootwildjagters! Dis sekerlik nie vir ons almal beskore om dit te doen nie.

Wouter - ek dink dis van jaloesie wat die manne maar traag is om te post! ;D ;D Ek weet, want ek is sommer lekker jaloers. Volgende keer sal ek die video kamera operate??? >:D >:D

Groetnis

Dawie
Dawie Kotze
WAIDMANSHEIL!!!!!!!

User avatar
Capt. Oblivious
Hero Member
Hero Member
Posts: 9405
Joined: Thu Apr 11, 2013 12:35 pm
Location: Ek weet nie so mooi van spel nie maar ek kan skiet. Lonehill, Sandton

Re: In Hemmingway se spore Deel II

Post by Capt. Oblivious » Mon Dec 08, 2014 9:59 am

Baie geluk julle 2 manne.Dit is regtig n besonderse jag gewees en n paar baie mooi trofees wat julle saam bring huis toe.

Die foto van Mnr Sako is ook iets anders.
http://i1269.photobucket.com/albums/jj584/Ronald_Nel/3838FA50-486E-4B09-85B9-C49FF2400EDF_zpsibqzseeu.jpg
A child of five would understand this. Send someone to fetch a child of five.

User avatar
VdWalt
Hero Member
Hero Member
Posts: 3416
Joined: Thu Oct 13, 2011 12:52 pm
Location: Helderkruin - Wes Rand

Re: In Hemmingway se spore Deel II

Post by VdWalt » Mon Dec 08, 2014 10:00 am

Lekker nou gesit en lees!! Baie geluk en mooi trofees - dis die stories wat mens oor en oor
herleef as jy oud is.

Daai swart en wit fotos is baie mooi.

User avatar
matewis
Hero Member
Hero Member
Posts: 1064
Joined: Thu Apr 12, 2012 10:52 am
Location: Brits

Re: In Hemmingway se spore Deel II

Post by matewis » Mon Dec 08, 2014 10:13 am

Wouter ek dink ons almal het eers n dag of twee gewag om oor die ergste jaloesie te kom! Dit klink voorwaar na n belewenis en iets waaroor mens deesdae net in ou boeke kan lees.

Welgedaan met die belegging in jul menswees!

Eugene
Hero Member
Hero Member
Posts: 5866
Joined: Thu Jun 21, 2012 11:41 am
Location: Klerksdorp, Noordwes Provinsie

Re: In Hemmingway se spore Deel II

Post by Eugene » Mon Dec 08, 2014 10:14 am

Capt. Oblivious wrote:Baie geluk julle 2 manne.Dit is regtig n besonderse jag gewees en n paar baie mooi trofees wat julle saam bring huis toe.

Die foto van Mnr Sako is ook iets anders.
http://i1269.photobucket.com/albums/jj584/Ronald_Nel/3838FA50-486E-4B09-85B9-C49FF2400EDF_zpsibqzseeu.jpg
Janee! Daai foto is beslis een van my gunstelinge uit die fotos wat hier geplaas is!
Aim small, miss small

User avatar
Alwyn
Hero Member
Hero Member
Posts: 728
Joined: Sun Jan 13, 2013 10:27 pm
Location: Ellisras/JHB

Re: In Hemmingway se spore Deel II

Post by Alwyn » Mon Dec 08, 2014 10:23 am

Baie Geluk Manne!!!

Kopskoot moet se jy het dit baie goed geskryf.... Toe my baas sy stem vir die 3de keur dik maak hier voor my tavel toe hou ek eers op lees!!!

weereens Baie geluk!!

User avatar
Smitstertjies
Hero Member
Hero Member
Posts: 1867
Joined: Sat Aug 10, 2013 7:42 am
Location: Bronkhorstspruit

Re: In Hemmingway se spore Deel II

Post by Smitstertjies » Mon Dec 08, 2014 10:28 am

Baie geluk julle 2. Hierdie verhaal van julle is nog net meer inspirasie vir my om volgende jaar my buffel in Mosambiek te gaan soek!
416 Rigby,338 Lapua Magnum,30-06 Springfield,7.62 Soviet; 6.5x55 Sweed,6 Dasher,.22LR,40S&W;9mmParra,12Br

Sarel
Sr. Member
Sr. Member
Posts: 349
Joined: Fri Jun 08, 2012 1:38 pm
Location: Pretoria

Re: In Hemmingway se spore Deel II

Post by Sarel » Mon Dec 08, 2014 10:33 am

Baie Geluk!!

User avatar
Pappabeer
Hero Member
Hero Member
Posts: 2753
Joined: Thu Mar 21, 2013 12:28 am
Location: Zululand

Re: In Hemmingway se spore Deel II

Post by Pappabeer » Mon Dec 08, 2014 10:48 am

Baie goed gedoen manne. Julle is werklik bevoorreg dat julle sulke mooi trofee diere kon kry, en veral dat daai Olifant so mooi geval het vir die foto, dis maar n handjie vol jagters wat gelukkig is dat die ou grote so mooi gaan pose, en nie op sy sy lê nie.

Wel gedaan ook met die neem van die fotos Ronnie, dit is great as daar iemand is op n jag wat seker maak daar word net soveel moeite gedoen met die fotos, as met die trofee voorbereiding. Daai ekstra minute om n foto mooi op te stel is deur en deur die moeite werd as jy daagliks daardna kyk in n raam, of op jou rekenaar skerm.
Mens kan sien jy het bietjie huiswerk in van die jag boeke gedoen, en geweet wat jy wou afneem toe jy gegaan het. Wel gedaan.
Capt. Oblivious wrote: Die foto van Mnr Sako is ook iets anders.
http://i1269.photobucket.com/albums/jj584/Ronald_Nel/3838FA50-486E-4B09-85B9-C49FF2400EDF_zpsibqzseeu.jpg
Sommer tong in die kies:
Die enigste foto waar hy met n geweer pose is dit nie 'n Sako nie. Seker maar soos n Cruiser ding is die n Sako ding - ons sal nie verstaan nie...
.177 .22(x2) .222 .243 .250 Savage 6,5x55
6,5x57 7x57(x2) .308 8x60S(x2) 9,3x62
.375 Ruger .450/400 3&1/4" .416 Ruger
16Br 12Br(x3) 9mm(x2) .44

User avatar
Frederik
Hero Member
Hero Member
Posts: 3981
Joined: Fri Feb 11, 2011 7:30 am
Location: Pretoria

Re: In Hemmingway se spore Deel II

Post by Frederik » Mon Dec 08, 2014 12:18 pm

Kyk mens kan se wat mense wil maar olifant jag is baie spesiaal dit it iets wat jy nie maklik kan verduidelik nie. En om so naby te kon kom en die regte skoot te plaas is ook nie maklik nie. So groot soos wat hulle is moet jy presies weet waar om te skiet en 'n frontal met die olifant wat na jou kyk en kop lig is seker een van die moeilikste skote.

Wouter het jy daardie tweede bul uit Jurassic park gaan haal daardie ou man was stok oud baie mooi gedoen julle en dankie vir die deel. ++>:

User avatar
PWV
Hero Member
Hero Member
Posts: 6660
Joined: Sun Jul 15, 2012 6:21 pm
Location: Paarl

Re: In Hemmingway se spore Deel II

Post by PWV » Mon Dec 08, 2014 12:43 pm

Wat 'n ondervinding moes dit nie gewees het nie.
Iets wat ek nou net kan ervaar deur te lees as die manne dit so met smaak vertel.
Baie geluk, Kopskoot en Wouter!
Groetnis
P.W.V.

Ns. Julle het nie dalk vir Pine daar raakgeloop nie? >:D
Many people are alive, only because it's illegal to shoot them.

Groetnis
Pieter Willem Vorster

User avatar
Hein22
Hero Member
Hero Member
Posts: 1326
Joined: Sat Sep 08, 2012 5:51 pm
Location: East Rand, Gauteng

Re: In Hemmingway se spore Deel II

Post by Hein22 » Mon Dec 08, 2014 12:57 pm

Capt. Oblivious wrote:Baie geluk julle 2 manne.Dit is regtig n besonderse jag gewees en n paar baie mooi trofees wat julle saam bring huis toe.

Die foto van Mnr Sako is ook iets anders.
http://i1269.photobucket.com/albums/jj584/Ronald_Nel/3838FA50-486E-4B09-85B9-C49FF2400EDF_zpsibqzseeu.jpg
Janee, dit is een van daai fotos wat jou agter kleinkinders vir hulle kinders kan wys en se "kyk hier was my oupa grootjie op 'n olifant jag".

Post Reply

Return to “Dangerous Game Hunting/ Gevaarlike wild jagte”