Maar hierdie aspekte is ongelukkig n realiteit wat amper sonder uitsondering op n trip sy kop uitsteek, nie waar nie?
Dit doen.
Ek dink meeste manne skram so bietjie weg van die tegniese gedeelte van sy toerusting en of weet nie en is bang hy doen iets verkeerd. Een van die ouens saam wie ek was het so bietjie bont geskiet, en ek kon sien hy flinch nie. Vat hom skietplek toe en sommer die eerste ding wat ek toets is die speling tussen die loop en die hout - daar was nie en dis die rede waarom die geweer bont skiet.
Ek vra verskoning as julle dit as algemene kennis beskou, maar ek weet ook daar is 'n paar ouens wat nie weet nie.
Vir die ouens wat nie weet hoe om dit te toets nie, jy vat 'n stukkie papier en vou dit om die loop. Die papier moet vry tussen die hout en die loop in gly sonder om vas te sit, die hele lengte van die loop tot by die verdikking waar die koeel in pas.
Waarom is hierdie belangrik ?
Vat jou geweer en een koeel en sit die punt voor in die loop in. Die punt pas nie - hy is groter as die gat waar hy deur geskiet word. So wanneer jy skiet word die punt deur die te kleiner gat in die loop onder geweldige hoe druk uit geforseer !
Vir die punt om deur die te klein gat te kan gaan moet iets meegee - en dit is die loop wat moet rek anders gaan dit nie gebeur nie. Hierdie rek aksie veroorsaak 'n swelsel in die loop soos wat die koeel daardeur beweeg.
Hout is 'n 'lewendige' media. Dit swel en krimp met vog in die lug en daar is harder en sagter plekke in die hout al is dit een stuk.
Sodra enige iets wat hard is teen die loop druk is daar maw harder en sagter druk plekke teen die loop. Die swelsel wat in die loop af beweeg tydens die skoot druk teen die hout en dit veroorsaak uitwykings in die loop se rigting wat verder vervorm deur skeef in een rigting gedruk word. Hierdie uitwyking is wat maak dat die geweer nie herhaalbaar akkuraat skiet nie.
Dieselfde fout aksie word vererger as jy die loop op 'n pyp laat rus as jy skiet, of op 'n 'bean bag' rus wat die verkeerde inhoud het. Die loop wip en die skoot is van teiken af.
Maw, die loop moet vry in die lug hang. Die hout is daar vir jou om aan vas te hou of om die geweer op te rus. Wanneer die loop vry in die lug hang is die swelsel wat deur die koeel veroorsaak word eweredig en die minste rigting uitwyking kan verwag word.
Dan is daar nog 'n ander element wat in gedagte gehou moet word.
Die loop het 'n groef of groewe binne in. Hierdie groewe laat die punt draai sodat die punt as 'n roterende projektiel uit die loop kom. 'n Punt wat nie draai nie sal begin tuimel omdat die rotasie die tuimel rigting teen werk, op dieselfde beginsel as 'n top wat jy spin, mens kan maar se die rotasie kompenseer vir die tuimeling wat wil plaasvind.
Nou is dit belangrik dat die loop se lengte en die draaie van die groewe en die kryt se hoeveelheid, die tempo van die kryt se ontbranding en die punt se gewig met mekaar optimaal versoen word.
Al gehoor iemand se die of daai ammo is gemors ? Dis omdat die kombinasie nie met sy geweer reg werk nie - en elke geweer is anders. Die vervaardigers maak ammo wat oor die algemeen vir die meeste gewere omtrent reg werk.
As jy op die skietbaan is en jy skiet die koele amper almal in een gat, dan het jy die regte kombinasie. Jy behoort as jy ander ammunisie (gewig punte en ladings) gebruik te kry dat jou groepering nie meer so hot is nie. Dit is waarom baie ouens die drie drie drie drie koele laai, almal met verskillende ladings en punte en dit dan op die baan gaan toets.
Vir baie mag dit dalk nou bietjie erg klink om soveel moeite te doen, maar onthou as jy 50mm op 50 meter afwyking kry dan is dit 200mm op 200m ! Dis 'n kwes of mis skoot verseker. As jou ammunisie heeltemal reg skiet, soos ek se hulle gaan almal in dieselfde gat, wonderlik, jy's daar !
Oooo droefheid, daai flinching. Maak nie saak hoe reg jou geweer is nie, as jy flinch skiet jy soos die hond se agterent. Die rede waarom mens flinch is jy verwag die reaksie van die geweer wanneer die skoot klap en jy probeer daarvoor kompenseer.
Hierdie is maar net iets wat jy jouself mee moet disiplineer. As die skoot klap moet jy deur jou scope kan sien waar die koeel tref. Op die teiken sien jy die gaatjie en as jy die bok skiet sien jy die hare spat op die bok presies waar jy mik. As jy dit nie sien voor die geweer se aksie jou sig op die teiken belemmer nie, dan flinch jy ! Jy moet die sneller knyp asof daar nie 'n skoot gaan afgaan nie en die kruishaar moet presies op die regte plek bly. Laat ek dit weer se, jy moet die sneller knyp asof daar nie 'n skoot gaan afgaan nie en die kruishaar moet presies op die regte plek bly.
Hierdie word maklik opgelos as jy tyd met jou geweer spaandeer. Hoe meer jy jou geweer hanteer en hoe meer jy skiet met hom, hoe gemakliker sal jy word en hoe minder geneig is jy om iets simpels mee te fouteer. Die een maal 'n jaar of twee jaar se skiet en dan is dit op 'n bok... ek weet darrem nie. Jammer ammunisie is so belaglik duur...
Laastens jou fisiese en gemoedstoestand. As jy die geweer rig op die teiken en hy swem so rond... STOP ! Iets is nie reg nie jy gaan jou naam tottie maak. Dit kan wees dat jy verkeerd staan, sit, le, bewerig voel van lae bloedsuiker, uitasem, ooreising of enige iets anders. As jy die scope rig op die teiken moet daai kruisie vassuig op die plek waar die koel moet gaan en net daar bly totdat jy fisies sien waar die koeel tref, ok. Ons het elkeen ons eie goetertjies waarvoor ons moet kompenseer, LKH, hoe ouer hoe erger word dit.
Dis omtrent dit. Ek wil nie voorgee dat daar nie iets kan gebeur of verkeerd gaan nie, soos Wouter se, dit doen. Maar ons kan van ons kant af 'n baie groot gedeelte daarvan uitskakel.
Sal so bietjie die superglu nadersleep! 
