JARACAL

Naand almal

Ek maak self my biltong, so 5kg op 'n slag. Gaan nou Kameeldoring van Deli Spices probeer wat ek by Huntex gekoop het.

Ek gooi spices en dan 'n mengsel van 50:50 bruin asyn en Worcester sous. Ek meng dit in 'n 500ml Coke botteltjie en steek 'n gaatjie in die doppie. Hoeveel van die sous gooi julle oor die biltong of hoeveel moet mens gooi?

Hoor graag...

Ek het nog nooit W'sous gebruik nie. Meng asyn met coke soms, sit in n fietsrybottel en sprinkel oor. Werk nie per volume nie, net genoeg om vleis te nat voor ek spices sprinkel. Herhaal dan laag vir laag

As ek self biltong maak dan gebruik ek Freddy Hirsch speserye en daarop die pak sê hulle hoeveel
moet jy gebruik

Beer.

Ek gebruik net bruin asyn. Ek gebruik crown se safari biltong speserye waarin ek bietjie bruinsuiker en swartpeper en nog growwe sout inmeng. Ek druk die wit doppie waarvan die seel nie gebreek is nie, met 'n passer gaatjies in dat die bruin asyn so sproei. Ek sprei maar op gevoel.

Ek sprei gewoonlik onder in my mengbak gooi speserye en pak dan 'n laag biltong. Dan sprei ek weer asyn sprinkel speserye en pak weer 'n laag biltong ens.(Sprei maar so dat al die biltong nat is.)

As die biltong 'n ruk gestaan het en ek stap verby meng ek dit so met die hand om.

Dit is maar soos ek maak.

Ek is ook nie 'n groot voorstander van worcestersous nie, maar dis maar my smaak.
Verder pak ek 'n laag biltongvleise in 'n plastiekbak, gooi asyn na smaak (bruin asyn), gewoonlik om die vleis goed nat te maak en te loop. Dan strooi ek die sout en speserye mengsel redelik kwistig, dan weer 'n laag vleis (ek pak die volgende laag dwars oor die eerste laag) en so herhaal ek totdat al die vleis gesout en gepekel is. Los dit oornag om in die pekel te le en hang dan die biltong die volgende dag op om te begin droog.

Dankie julle

Waarkom die gebruik van Worcester sous dan vandaan? Is dit die bruin asyn wat die preserveering werk doen?

Beer,
Ek dink dis maar 'n smaak wat die manne oor tyd ontwikkel het. EK persoonlik hou van die geure van naeltjies en neutmuskaat saam met die koljander, maar my vrou en kinders kan dit nie verdra nie. Daar is ook asyn in die worcestersous. Ek dink jy moet maar die worcestersous beproef en vir jouself bepaal wat is vir jou lekker en wat nie.

Ons gebruik die Wocestersous net as ons wors maak gebruik glad nie water soos ander mense en resepte se nie ons vervang die water met wocestersous.

Ek het eenkeer W-Sous gebruik op my biltong, nooit weer nie!!

Raven

spekieries wrote:Beer.

Ek gebruik net bruin asyn. Ek gebruik crown se safari biltong speserye waarin ek bietjie bruinsuiker en swartpeper en nog growwe sout inmeng. Ek druk die wit doppie waarvan die seel nie gebreek is nie, met 'n passer gaatjies in dat die bruin asyn so sproei. Ek sprei maar op gevoel.

Ek sprei gewoonlik onder in my mengbak gooi speserye en pak dan 'n laag biltong. Dan sprei ek weer asyn sprinkel speserye en pak weer 'n laag biltong ens.(Sprei maar so dat al die biltong nat is.)

As die biltong 'n ruk gestaan het en ek stap verby meng ek dit so met die hand om.

Dit is maar soos ek maak.

Ek doen presies soos bo, het net een van daai spreibotteltjies gekoop by 'n plastiekwinkel ipv om die asynbottel se prop gaatjies in te steek. Ek koop sommer asyn in 5L bottels en hulle hou moeilik vas.

Twee derde's asyn en een derde Worster is vir my baie lekker as ek biltong maak met bees vleis. Wids vleis net asyn

Reggie

Dankie almal. Waardeer die terugvoer.

Beer, doen jouself n guns en koop druiwe asyn.

Ek meng hom 50/50 met worchestersous, en dan die die selfde maat water om hom net bietjie te Verdun. As jy die spice se aanbevole gramme per kg vat, maal dit met 3 vir jou mengsel. Ek glo maar hoe natter die biltong en spice mengsel is, hoe beter los die spices op en trek lekker in. Roer jou biltong sommer gereeld tot jy hang.

Sterkte.

Eugene wrote:

spekieries wrote:Beer.

Ek gebruik net bruin asyn. Ek gebruik crown se safari biltong speserye waarin ek bietjie bruinsuiker en swartpeper en nog growwe sout inmeng. Ek druk die wit doppie waarvan die seel nie gebreek is nie, met 'n passer gaatjies in dat die bruin asyn so sproei. Ek sprei maar op gevoel.

Ek sprei gewoonlik onder in my mengbak gooi speserye en pak dan 'n laag biltong. Dan sprei ek weer asyn sprinkel speserye en pak weer 'n laag biltong ens.(Sprei maar so dat al die biltong nat is.)

As die biltong 'n ruk gestaan het en ek stap verby meng ek dit so met die hand om.

Dit is maar soos ek maak.

Ek doen presies soos bo, het net een van daai spreibotteltjies gekoop by 'n plastiekwinkel ipv om die asynbottel se prop gaatjies in te steek. Ek koop sommer asyn in 5L bottels en hulle hou moeilik vas.

hoe meer asyn hoe better dis darem nie te duur nie as ek alles gepak het en ek druk op die vleis moet die sous level met die vleis le ek los myne te minste 24 uur ek het op my laaste batch so bietjie B.B.Q six gun ook bygesit was baie lekker

Ek gebruik ook verkieslik druiwe asyn, die smaak is net beter - maar ek gebruik sommer my ou braaisout bottels om die asyn en Worchesetr sous te gooi - het klaar gaaitjies in - Worchester sous word apart gegooi - maar net as ek tradisionele biltong met sout, peper, buinsuiker en gemaalde koljander maak - meeste van die gekoopte biltong pakke van Crown bevat in elk geval Worchester speserye, dan gebruik ek net asyn, soos voorgeskryf. Pak ook my biltonge in lae.