JARACAL

Naand manne
Ek lê net in die bed en wonder watter kalibers is als gemaak in Musgrave enkel aksies.Ek weet van .308 en .243.
Dan watse kalibers het hulle als gebou voor hulle toe gemaak het, nou nie pas gemaak gewere nie meer produksie se kant.
Dankie
Charles

Enkel aksies? Bedoel ky die RSA?

Charles, vir intresanthyd, ek weet van n 338Lapua wat op die RSA anklel skoot gebou is.

Groetnis

Ek dink Charles verwys na die oorspronklike kalibers waarin die RSA aksie vrygestel is as enkelskoot geweer.

Daar was verskeie modelle gewere gebou op RSA aksies, en onder die Musgrave handelsmerk verkoop. Die 308 (7,62) "Bisley"-gewere of "Plankgewere" is die bekendste. Hulle was in verskeie modelle en variasies gebou, van baie eenvoudig, tot meer luuks. Ek vermoed dat baie op bestelling gebou is. Dan was daar natuurlik die produksie-jaggewere, met magasyne, wat op die oopgesnyde RSA gebou is. (2 van my vriende het van hulle. 1 'n 243, die ander 'n 308.) En laaste, in die vroeë 90's, was die RSA enkelskoot jaggewere. Hulle was, sover ek weet, in die populêre medium-kalibers beskikbaar. Dit sou 243, 270, 308 en 30-06 wees. Ek is nie seker of daar enige 7mm's gebou is nie. Almal was bekend vir uitstekende akkuraatheid.

So as ek dit reg het .308 en .243 op RSA enkelskoot in fabriek (enige ander RSA Enkelskoot aksies gebou deur Musgrave)en ander kalibers met magesyn is 6mm-.243-.270-308-7mm , wat meestal in fabriek gemaak is, behalwe seker nou pas gemaakde gewere in ander kalibers.
Dankie
Charles

Ek onthou van toetse in Magnum waar daar enkelskoot Musgrave gewere was en as ek reg onthou op RSA aksies. Die kolwe was meer soos die 6mm Rem wat nou te koop is op die forum en met "stippling" op die greep. Die een was 'n 22-250 as ek reg onthou (wat as ek reg onthou so bestel was) die ander 'n 30-06, maar of die 'n fabrieksmodel was weet ek nie. Moontlik is die loop vervang.

Daardie 30-06 was nog op die voorblad van daardie Magnum gewees as ek reg onthou.