JARACAL

Help bietjie uit.

Ek het groot geword op n melk plaas in die Oos Vrystaat maar ek was as n laaitie altyd besig met trekkers en het niks belang gestel in Friesse nie! Om die waarheid te se die goed het my irriteer want elke blerrie naweek was die werkers dronk en dan moes ek melk. Daarna is ek PTA om Ingenieurswese te swot en ek het hier agter gebly. My Pa het intussen die plaas verkoop, maar altyd hunker mens maar terug na die boerdery storie toe. As dit in jou bloed is, is dit in jou bloed!

Ek kyk nou al n wyle daarna om te begin met vleis beeste boer - ek het n sagte plek vir Bonsmaras. Maar ek wil nie toe oe inspring nie, en ek is nie seker hoe en waar om te begin nie, Ons (ek en my suster) het gekyk na n plaas tussen BHM en Kestell om te huur, maar die eienaar se hy het opgehou oor hulle omtrend al sy beeste en perde gesteel het op die plaas ..... nie die beste bemarker nie. So nou soek ons maar verder.

So, ek het baie vrae!

Hoe maak mens geld uit beeste?

• 1. Verkoop speen kalwers?
  2. Maak die verse groot en verkoop dragte verse?
  3. Koop goeie materiaal en regsitreer n stoet met die hoop om bulle twe verkoop?
  4. Verkoop net vir slag?

Ander vrae:

Watter ras?
Wat koop mens aan? Koeie of verse?
Kruis teel?


En dan ook alles wat ek verder moet weet waaraan jy kan dink.

Ek is oop om te luister.

Uys stuur my jou mail adres en ons gesels daar verder. Onthou 1 ding boerdery was nog nooit maklik nie. En jy kan hier 2 ton antwoorde vir jou 1 ton vrae kry. Daar is verskeie opsies om te oorweeg. Gaan jy permanent boer, gaan jy iemand hê wat vir jou gaan "oppas". Dis eers die twee belangrikste wat jy jouself moet antwoord.

Uys

'n Slim man het my eendag vertel. Die enigste manier dat 'n boerdery winsgewend is, is as jy hom erf en dadelik verkoop!

Verder gaan dit maar sukkel

Iemand het eenkeer gesê om R1 miljoen te maak met 'n boerdery moet jy met R8 miljoen begin. Hier is so paar dinge of tips wat ek al geleer het.

Moenie uit jou plaasrekening eet nie, met ander woorde laat hy vir jou geld maak, maar moenie daarvan afhanklik raak vir jou persoonlike uitgawes nie.
Voorsien vir moeilike tye bv droogte, lae vleispryse, staking ens.
Leen so min as moontlik. Dis beter om 5 betaalde beeste te hê as 50 op 'n oortrokke fasiliteit.
Jou kooperasierekening kan jou sink. Koop eerder wat jy kan met geld wat jy het.
Moenie vir uitgawes kontant betaal nie. Gebruik die BTW tot jou voordeel.
Gebruik die boerdery vir jou as 'n belastingvoordeel, selfs as jy dit deeltyds doen.
As iets vir jou buurman/ swaer/ neef finansieel in boerdery werk, gaan dit dalk nie vir jou werk nie.
Boer met Excell en nie agter op die sigretboksie nie.
Ou, lelike implimente doen dieselfde as nuwe blink implimente.
'n Goeie plaas is goud werd en water is dubbel sy gewig in goud werd. Die verkeerde plaas sink baie mense.
Huurgrond is net so goed soos eie grond vir die begin. Maar moenie op huurgrond te veel opgradeer wat jy nie kan saamvat nie.
Pasop vir die internet. Dis 'n plek waar jy ook die verkeerde raad kan kry, jy moet net aanhou lees.
Moenie jou ore uitleen aan mense nie, veral nie by die kroeg of kooperasie oor wat jy moet doen nie.
As jy kan, doen 'n ding self. Dis die goedkoopste, maar vat altyd langer.
Moenie jou steur aan negatiewe mense om jou nie. Boere praat mekaar in depressie in.
En stel 'n goeie jakkalsjagter aan.

Groete

Dawie

Dawie

Dis seker van die waarste en beste raad wat ek in lang tyd gelees het

Uys, wanneer kom kuier jy? Daar is klomp antwoorde vir jou vra...

En nie twee beesboere doen dinge dieselfde nie...

My voorstel is gaan kuier by klomp boere of sluit by n studiegroep aan....

Uys, ek neem aan jy het 'n plaas. As jy nou R10 miljoen het, kan jy vir vier jaar boer, as jy R5 miljoen het, kan jy vir 2 jaar boer. So, besluit self.

Daar is ook kursusse wat jy kan bywoon. "Grazing for profit" dink ek is een van hul, nie seker nie...

Soos Dawie gese het pasop maar vir die internet en negatiewe mense...

Uys, ek begin nou so stelselmatig saam met my pa en oupa te naweekboer. Wat ek geleer het in ons omgewing (Dwaalboom) is dat ontbossing krities belangrik is saam met goeie weiding bestuur. Neem maar inligting in by die ervare boere van jou omgewing, en as dit moontlik is aanvaar beesbreet se offer. Iemand het eenkeer vir my die volgende raad gegee wat ek dink van toepassing is op boerdery:

"Bid, bly positief en werk jou gat af, dan sal jy suksesvol wees!"

Groete

Sent from my LG-H735 using Tapatalk

Voor jy 'n bees op 'n plaas aflaai lees hierdie boek.. twee keer:

http://winkel.landbou.com/winkel/gids-t ... n-weiding/
Skip net die deel oor boomlusern.

+1 vir die boek wat hierswolf aanbeveel. 'n ander een met goeie inligting is "vra die veearts" geskryf deur dr Faffa Malan.

Groete

Sent from my LG-H735 using Tapatalk

Dawie,

Dit is uitstekende raad!

Die belangrikste van als, soos met enige besigheid, moenie toelaat dat die stroom uit die dam 2" is, terwyl die stroom in slegs 1" is nie.

Boer met n aangepaste, funsionele ras wat aard in die omgewing en maak seker jy het elke jaar n kalf om te bemark van elke koei op die plaas, of ten minste van 80%

Besluit watter stelsel ( speenkalf, tollies/"long wieners", osse) die beste gaan werk in jou area en omstandighede en beplan daarvolgens.

Stel n begroting op en onthou, kontantvloei is soos bloed in jou are, daarsonder kan jy nie leef nie.

Vra raad en besoek soveel moontlik manne wat susesvol in die bedryf is.

Miskien 'n goeie idee om voor die tyd jou OPS plan verby 'n man te vat wat suksesvol is.

Ek en my swaer het in 2012 begin met niks, en 'n Brahman stoet geregistreer. Ek kan jou wel die volgende noem:
- Begin klein en leer groot;
- As jy nie by jou diere kan wees nie, werk dit nie;
- Moses is onbetroubaar;
- Droogtes is duur, baie duur;
- Koop.beste kwaliteit wat jy kan, en laat toets alles vir siektes;
- As jy huur, huur alleen want dan is jy baas;
- Gee beste lek moontlik en maak pelle met Voermol agente;

Die lekkerste gevoel ooi, is daai kallers wat in die son le op 'n koue oggend.



Sent from my SM-G900F using Tapatalk

Uys daar is geld om te maak self al huur jy grond maar my maat as die vorige man opgehou het omdat hulle hom dood gesteel het haan hulle jou goed ook steel

Naan almal,

Baie interesante onderwerp/gesprek. Ek sit in soortgelyke situasie maar eerder hier in Namibiee.
Wil ook graag begin boer met vleisbees en skaap. Na die erge droogte afgelope jare en die opvolgende goeie reen wat ons darem gekry het, is n man se gemoed darem weer hoog in die lug.

Ek wil graag met Boran bees en dorper skaap boer.
Enige raad oor die twee rasse?

Sal seker ook moet aansluit by n studiegroep en kers aansteek by hele paar boere in die omgewing. Dink julle dis die moeite werd om 1 'mentor' te kry of maar n hele paar te he as jy wil begin boer?

Hoor graag van julle,

Eugene

Ek kan nou wel nie raad gee oor boerdery self nie ek leer maar nog self, maar as jy nog steeds soek na 'n plaas hier Oos Vrystaat kan ek dalk help. PM my of kontak my 0 SEWE 9 Vyf 038 twee 10

kopskoot wrote:Uys

'n Slim man het my eendag vertel. Die enigste manier dat 'n boerdery winsgewend is, is as jy hom erf en dadelik verkoop!

Verder gaan dit maar sukkel

Stem, my Ma het altyd gesê 'n plaas is 'n bodemlose put, dit hou nooit op nie, tensy die plaas klaar opgewerk is of jy klaar 'n besigheid het en net boer oor jy dit geniet.

SO bietjie as twee jaar later en my boerdery is aan die gang.

100 Ha wat ek huur naby Lindley.

28 Bonsmaras -eerste 15 gekoop met kalwers wat wissel tussen maand en 6 maande. Vir n goeie pryse gekoop - R15K elk sonder BTW (moenie vra nie). Van daai 15 is ten minste 7 3in1. 3 maande na ek hulle gekop het gaan ek kalwers verkoop.

Toe nog 5 gekoop by Sernick -almal dragtig.

En nou nog 8 by Aveling van Ventersburg -almal dragtig.

So ons is oppad.

Baie sterkte! Mag jou drome waar word! Laat weet van tyd tot tyd hoe dit gaan.

Dankie!

Ek maak so!