My Griekeland.....net anderkant Hopetown
Posted: Mon Jul 30, 2018 8:52 pm
Oudergewoonte het ek vanjaar weer by my ou Dagbreek kamermaat, Wouter, in Hopetown gaan kuier. Gedurende die week het ons belastingsomme gemaak en lekker gekuier saam met sy skoonouers. Hulle is ook die ouers van die berugte Taxi van Dagbreek….daar is ‘n paar manne wat hom sal onthou!!
Teen Vrydag middag was die werk klaar en het ons koers gekies na die plaas so 50km buite Hopetown. Deel van ons geselskap was ook ‘n ou legende van die kontrei…AC. AC is ook ‘n boontjieteller soos ek…..gewapen met ‘n wit jagbroek en sy Tikka 223 sien hy kans vir enige grootwild!!!
Ek en Wouter het by die kamp aangekom en het besluit om te kyk wat aangaan op die plaas. Ons was nie lank weg nie toe ek die kans gekry het om my eerste blouwildebees plat te trek. Die 180gr Accubond is net bokant die regteroog in en in die middel van die kop agter uit. Toe ons nader kom het die ou wragtag nog krag om te wil opstaan en ek moes hom nog ‘n hou gee. Ek kon dit regtig nie glo nie. Dit het maar net weer vir my gewys dat as jou skootplasing nie 101% is nie…..jy maar moet seker maak dat jy genoeg kaliber het.
Terug by die kamp het ons begin vuur aansteek terwyl ‘n klompie bastergemsbokke so 50meter weg ons dop hou. Die aand onder die sterre was ‘n groot voorreg….hoeka die aand van die maansverduistering. Die gedagte wat my opgekom het: “Hoekom wil ‘n man in Griekeland wees as jy die natuur so kan ervaar!!” Saam met oom Andre, Wouter se skoonpa, was die aand net nie lank genoeg vir al die boerestories daar uit Villiersdorp se omgewing nie.
Die volgende oggend is ons weer vroeg op. Op die spyskaart was ‘n klompie rooibokke en ek wou graag ‘n Rooihartebees skiet indien daar ‘n geleentheid kom. Op die stadium het die wind al opgetel en was ek nie lus vir kanse vat nie…..het al stories gehoor van die “Omkyk Bok” wat ‘n paar manne ‘n plaas gewys het omdat hul skootplasing nie 100% was nie. Die skoot het geloop en ek kon nie die impak sien nie. Die bok het omgespring en begin hardloop. Met sy 3de tree sien ek die rooi kolletjie agter die blad (uitgangswond) en weet ek hy gaan nie ver nie. Nog 2 tree later het hy gaan staan en letterlik agteroor gedop. Ek het na die tyd weer gaan loer. Letterlik geen vleisskade nie.
Die wind het kwaai opgetel en het die aanslag op die rooibokke begin moeilik maak. AC het ‘n rooibok onderskoot gekry en het die kruis op die bok se rug gesit net bokant die pens…..die 223 het gehoes en die bok plat geskiet met ‘n nekskoot……aanduiding van die wind.
Oom Andre en AC se swear uit Secunda (Franco) is beide .308 manne en het ook ‘n paar rooibokke platgetrek.
Oom Thinus en Wouter….baie dankie vir die groot voorreg om daar by julle te kon kuier!!!
Fotos volg binnekort…..
Teen Vrydag middag was die werk klaar en het ons koers gekies na die plaas so 50km buite Hopetown. Deel van ons geselskap was ook ‘n ou legende van die kontrei…AC. AC is ook ‘n boontjieteller soos ek…..gewapen met ‘n wit jagbroek en sy Tikka 223 sien hy kans vir enige grootwild!!!
Ek en Wouter het by die kamp aangekom en het besluit om te kyk wat aangaan op die plaas. Ons was nie lank weg nie toe ek die kans gekry het om my eerste blouwildebees plat te trek. Die 180gr Accubond is net bokant die regteroog in en in die middel van die kop agter uit. Toe ons nader kom het die ou wragtag nog krag om te wil opstaan en ek moes hom nog ‘n hou gee. Ek kon dit regtig nie glo nie. Dit het maar net weer vir my gewys dat as jou skootplasing nie 101% is nie…..jy maar moet seker maak dat jy genoeg kaliber het.
Terug by die kamp het ons begin vuur aansteek terwyl ‘n klompie bastergemsbokke so 50meter weg ons dop hou. Die aand onder die sterre was ‘n groot voorreg….hoeka die aand van die maansverduistering. Die gedagte wat my opgekom het: “Hoekom wil ‘n man in Griekeland wees as jy die natuur so kan ervaar!!” Saam met oom Andre, Wouter se skoonpa, was die aand net nie lank genoeg vir al die boerestories daar uit Villiersdorp se omgewing nie.
Die volgende oggend is ons weer vroeg op. Op die spyskaart was ‘n klompie rooibokke en ek wou graag ‘n Rooihartebees skiet indien daar ‘n geleentheid kom. Op die stadium het die wind al opgetel en was ek nie lus vir kanse vat nie…..het al stories gehoor van die “Omkyk Bok” wat ‘n paar manne ‘n plaas gewys het omdat hul skootplasing nie 100% was nie. Die skoot het geloop en ek kon nie die impak sien nie. Die bok het omgespring en begin hardloop. Met sy 3de tree sien ek die rooi kolletjie agter die blad (uitgangswond) en weet ek hy gaan nie ver nie. Nog 2 tree later het hy gaan staan en letterlik agteroor gedop. Ek het na die tyd weer gaan loer. Letterlik geen vleisskade nie.
Die wind het kwaai opgetel en het die aanslag op die rooibokke begin moeilik maak. AC het ‘n rooibok onderskoot gekry en het die kruis op die bok se rug gesit net bokant die pens…..die 223 het gehoes en die bok plat geskiet met ‘n nekskoot……aanduiding van die wind.
Oom Andre en AC se swear uit Secunda (Franco) is beide .308 manne en het ook ‘n paar rooibokke platgetrek.
Oom Thinus en Wouter….baie dankie vir die groot voorreg om daar by julle te kon kuier!!!
Fotos volg binnekort…..
