JARACAL

Goeie dag almal

Ek werk daaraan om hierdie Musgrave 30-06 mod80 myne te maak, hou asb. vir my duim vas. Ek verstaan hierdie aksie was op die Winchester Mod 70 geskoei.

Ek wonder oor die basisse en ringe wat saam met die geweer gaan kom, is dit diensbaar of 'n model 666?

Indien hulle wel van Lucifer se fabriek af kom, watter basisse en ringe stel julle voor vir 'n P3-9x42 Lynx?

Groete en sterkte met die jagplanne.

Die skroef gaatjies vir die basisse kom ooreen met die van die Winchester Mod 70. Miskien sal dit goed wees om die basisse te verwyder en na die wapen winkel te neem sodat hulle net seker kan maak. Volgens die fotos wat jy geplaas het lyk daardie basisse na die aluminium Weaver tipe. Die ring montering het n ronde skroef skag wat in n keep in die basis pas sodat dit help dat dit nie kan beweeg nie.
Die ringe en basisse behoort te pas op teleskope wat n 25mm buis het. Jy kan dalk meer inligting kry op Dr Google
As dit my geweer was sou ek staal basisse en ringe opgesit het. Ek het geen verbintenis met Thor nie maar ek weet hulle vervaardig monterings wat op die Musgrave sal pas

Moenie die bestaande opset onderskat nie. Skiet dit eers so en kyk of die geweer sy zero behou. Moenie iets wat nie stukkend is probeer heel maak nie.
Ek dink jy sal sonder probleme die Lynx in die bestaande montering kan skiet. Ek sou net sterker basisse en ringe aanbeveel indien jy 'n swaarder teleskoop wil monteer.

Ek het `n Musgrave Model 80 in .30-06. Toe ek die roer by my pa gekry het, was dieselfde ringe en basisse soos joune gemonteer.

Ek het egter oorgegaan na Thor se produkte en kon die teleskoop laer monteer. Thor het lae, medium en hoog ringe. Die lae hoogte ringe behoort vir jou Lynx te werk, want ek het `n 3-10×42 teleskoop opgesit daarmee.

Dankie sover menere.
Nou vir die lang wag.

Lekker aand.