Henry word per pm gekontak. Na n paar probeer slae, kom hy terug en se hy is met vakansie, ons kan later reel, daar is nog baie tyd in die jaar. Ek hou weer daarvan om alles vooruit te beplan, maar dog ek sal maar n week of twee kans gee. Intussen het ek ook al verlede jaar vir Jakkalsgat gevra dat ek die jaar graag n swartwildebees wil plattrek, en reken ek kan sommer die blesbok en swb so op een trip gaan haal.
Uiteindelik is daar n datum vas met Henry, en Jaco se kalender klop ook. Die jag is slegs n paar dae na my huweliksherdenking, en mamma kry n blesbok te jag as geskenk. Soos die tyd nader kom gesels ek en Henry gereeld per sms, en Johans, Henry se buurman, begin ook saam gesels. Die kalender loop aan en planne word uitgestryk. Ons ry Woensdagoggend direk na ons gestem het Smithfield se rigting.
Woensdagoggend is ek en Lynette 6:00 in die stemry, en stap 7:30 daar weg. kar is klaar gelaai, net die gewere moet klim. Ongeveer 8:00 trek ons weg op n pa en ma jag in die Vrystaat. Niks jaag ons nie, en na n paar ekstra draaie kom ons ongeveer 15:00 op Henry se plaas aan, waar hy en Antoinette ons hartlik verwelkom. Henry se instruksies was duidelik, as jy vleis, brood en pap eet, bring jy net n dop saam. Woensdag word daar gou geskiet, en daarna braaivleisvure aangesteek. Later die aand toets ek so effe die huis se fondasie
, maar dis n storie vir n ander keer.Henry is Donderdag gou Ko-op toe, en na terug kom is ons agter op die bakkie uit veld toe. Die instruksie is skiet vir die kop, die bokke gaan nerens heen nie. Lynette is eerste aan die beurt, en na n effe geop en afryery is die bles weer in die visier, skoot klap, en hy slaan net daar neer.
http://i1251.photobucket.com/albums/hh555/PierrevdM/214.jpg
Nou is dit my beurt, en sommer vinnig daarna is daar nog twee blesse plat. nie 1cm vleisskade aan aldrie bokke nie. Na n middag ete gaan le ons skuins, aangesien ons die aand saam met Johan en paar ander manne sou gaan trekspringbok skiet. Dit is my eerste geleendheid van die aard, en ek is vrek opgewonde.
Na n braai en vinnige kuier is ons die veld in. Aanvanklik voel dit vir my asof ons geen sukses gaan behaal nie, maar hier teen 10H00 draai die gety, en die bokke kom in. Flippet dit was lekker. Agter op daai cruizer teen die spoed van wind, geweer vashou, moet nie jou vrou langs jou slaan nie, hou die lig dop, hou die bokke dop!!!! Einde van die aand het ekself darrem vyf plat getrek, en 16 in die groep.
Vrydagoggend groet ons almal na ontbyt, en ek en Lynette vat die pad na Springfontein vir die SWB jag. Ons is vroeg, en ry sommer n draai verby Gariepdam waar ons gou middagete geniet, en loop in Maxwell vas, wat met Safari se voertuig oppad is na die nuwe winkel met die trofees wat daar opgesit moet word, voor die opening.
Vrydagaand kuier ons heerlik om die vuur, in n koue winderige Vrystaat. Saterdag oggend almal op, en 8;00 word daar op die teikens geskiet, waarna ons die veld in is. My beurt eerste, en ons ry sommer vroeg in die trop vas. Op ongeveer 250m staan n baie mooi SWB bul vir my en kyk, en na n gewik en weeg loop die skoot. Ons kan dadelik sien sy bek is vol bloed, en reken dit gaan nie lank vat nie. Ongeveer 300m verder deur die vrystaatse geel gras, gaan le die bul. n Finale skoot word gegee, en ek is in n ekstase.
http://i1251.photobucket.com/albums/hh555/PierrevdM/173.jpg
Eugene kom aan die beurt. Na n lang gewik en weeg, meet en kyk, en deeglike ondersoek, vat hy n skoot op 360m, met n 6myl wind van links. Die bok word mooi getref, an draf wel saam met die ander drie weg, maar kort daarna gaan staan hy, en net daarna gaan le hy. Eugene gee hom ook n finaal, en die jag is verby.
http://i1251.photobucket.com/albums/hh555/PierrevdM/178.jpg
Jaco doen baie moeite in die veld met pensuithaal ens, en is werklik so rustig, dat enige jagter, ervare of beginner gemaklik saam met hom sal kan jag.
http://i1251.photobucket.com/albums/hh555/PierrevdM/181.jpg
Selfs waar daar geslag word is hy heeltyd betrokke, en maak seker die kuip en algemene kondisie van die bok bly in tip top kondisie.
http://i1251.photobucket.com/albums/hh555/PierrevdM/182.jpg
http://i1251.photobucket.com/albums/hh555/PierrevdM/183.jpg
Saterdagaand word daar lekker gebraai en gekuier, met Jaco wat ons weer met n vreeslike lekker Sirloin bederf.
http://i1251.photobucket.com/albums/hh555/PierrevdM/227.jpg
Hierdie jag sal vir lank uitstaan as een van my bestes. Baie dankie aan Henry7, JohanS en Jakkalsgat vir al die moeite, reelings en bederf. Ons waardeer opreg.
