Bietjie spog

[Vlakvark Soldaat]

Ek, my vrou en ons twee stoutgatjies het die naweek bietjie opgery na Swartwater/Tom Burke toe vir n familie wegbreek/jagtrippie hahahaha. Die groot doel was om die seuns aan die veld en meerendeels jag bloot te stel. Luan is 4 jaar oud, en Matteo is 2.

Hier is so paar fotos van die naweek. Beide seuns het met die .22 en silencer geskiet op n jakkals teiken.

Die natuur het vir my n mooi rooibok ram gegee, waarna albei boggers gehelp het om die bok te laai, kleinboet het toe sy middag slapie gaan vat, terwyl ouboet gehelp het om te slag. Beide seuns het my so trots gemaak met hul reaksies op die geweer skoot van my .243 en die dooie dier.

Die horings word n skedel montering met n collage van ons naweek se fotos. Die pote van die bok word n klein koffie tafeltjie vir die seuns, en die vel n mat vir die een se kamer.

[ruaanb]

Kosbaar!

[FHM]

Pragtig ou maat - regte 2 terrs lyk dit my...

[Frederik]

Geniet die tyd hulle groei met 'n hengse spoed onthou nog hoe my seun toe hy 5 jaar oud was 5 jaar terug toe ek mooi blouwildebees geskiet het.

[Vlakvark Soldaat]

Haha ja nee, dankie. Twee laaities, so ek gaan reguit hemel toe!

[FrancoisW]

Dis die lekkerste tye daai en die fotos vertel dit. Oulike hoe hulle met hulle hande agter die rug staan.

[DawieKotze]

Oulike hoe hulle met hulle hande agter die rug staan.

Ek veronderstel hulle word van kleins af geleer dat mens versigtig moet wees naby die skietgoed en nie sommer net vat nie!!

Onbeskryflike en waardevolle oomblikke saam met laaities!!

[theedge]

Wat n voorreg - baie netjies maat

[koos 2]

Pragtig !!!

[BRNO (Pierre)]

Dis die lekkerste tye daai en die fotos vertel dit. Oulike hoe hulle met hulle hande agter die rug staan.

Ek wou ook opmerk, maar as dit n teken is soos by my dogtertjie, is daai mannetjie die groter plan maker (lees stront maker) van die twee.

Bie geluk met n wonderlike naweek.

[Vlakvark Soldaat]

Jy weet dit! Hahaha slaan die spyker op sy kop... Klein Matteo maak soms dat mens hom sommer regtig op die kop wil bykom hahaha.

Manne sonder om emosioneel te raak, maar ja, kinders is soveel vreugde, en dis lekker om die memories met enige iemand te deel. Ek weet my ma sou hulle netso genoet het, sy is 2 maande voor ouboet se geboorte vermoor...

[Plaashaas]

Baie nice VS.

Ek is mal oor die foto waar die mannetjie "slag".

Hou so aan en maak van hulle manne!

[win270]

Ai, dis tragies van jou ma ... 'n Kleinkind sonder 'n Ouma mis verskriklik baie.

[JacquesT (Stompe)]

Welgedaan. Hoop maar net dat ek die selfde liefde eendag by my toekomstige kinders kan kweek. Moet sê ek, dink nogals gereeld daaraan dat hoe sal ek dit hanteer as my kinders nie dieselfde liefde het nie. Dis maar seker die rede dat mens hulle bloot stel op 2 jarige ouderdom. Jy het goeie rede om 'n trotse pa te wees.

Baie jammer om te hoor van jou ma, dis tragies.

[Vlakvark Soldaat]

Yes dis n feit, op twee het ouboet al mooi met die .22 gemik, kon al alleen met sy quadbike ry, en n relatiewe gholf hou gee. Maar met die liefde wat jy vir jou eie kinders het, sal jy hulle ondersteun in enige sport wat hul op besluit. Obviously probeer mens maar die fondasie gee van jou eie hobbies...

Dankie, waardeer.

[Bees]

Een van die dae gaan hulle vir jou baie geld kos in ammunisie!

[Vlakvark Soldaat]

Ja, ammo en bokke! Maar ek dink dis n voorreg!

[twinhunter]

Dink dit is een van die oomblikke wat 'n Pa en Seun altyd kan troef.

[Pvdw]

daai klein knapie is beswaarlik so groot soos die jak op die teiken .

Myne was noudie dag so groot nou vang hy graad op Potch die jaar. My al paar rand aan ammo en bokke gekos ook maar ek betaal dit met 'n smile.

[Vlakvark Soldaat]

'Knapie' is n baie oulike beskrywing teenoor die drie letter woord wat ek hulle soms noem...