So 'n lekker naweek bederf

[Stephan86]

Die naweek was ons genooi om saam met vriende van ons plaas toe te gaan. Die oom het ook gesê elkeen van ons manne kan 'n rooibok skiet en 'n varkie as ons kry.

Saterdag oggend is ons vroeg uit om seker te maak die gewere skiet soos hul moet, soos ons nog besig is om die geweer in te skiet kom baklei twee rooibokramme minder as 100m van ons af. Ek het maar besluit om hul te laat verder stoei want ek was daar om lekker in die veld agter aan te loop en wil nie nou al my jag eindig nie.

Ek het eers vir die ander manne 'n kaans gegee om hul bokkie te kry, so kon eers na middagete 'n geleentheid kry. Daar was gesê dat ek alleen die eenkant van die plaas kan gaan stap terwyl die ander op die ander kant sou soek. Ek voel baie geëerd om so op my eie te kon jag.

Daar was so baie rooibokke in die veld, dit was amper moeilik vir my. Sodra jy 'n trop bekruip sien 'n ander trop jou raak en laat weet almal van die gevaar. Ek het 'n mooi "bachelor" trop op so 400m gesien en hul stadig agterna gesit. Op 150m kon ek nie nader nie en het ek plat op my pens gaan lê met die geweer mooi stil, het ek die trop mooi deur gekyk. Daar was 'n knypkoppie en mooier ram in die oopte. Nes ek toe aanlê op die groter ram loop hy agter 'n bos in. Ek wag toe maar geduldig vir hom om uit te loop, na so 'n kort rukkie stap hy vorentoe dat net sy kop en nek uitsteek. Na nog 'n lang gewag besluit ek toe om vir die kop te gaan. Ek het gemaklik gelê en die kruishaar was was doodstil. Na die skoot vlieg al die bokke weg en ek sien niks lê nie ... soos ek toe nader stap oorval die verligting my toe ek die bok mooi daar agter die bos sien lê.

[Eugene]

Lekker man!

[FrancoisW]

Mooi ram. Watter kaliber het jy gebruik?

[Stephan86]

Baie dankie Francois.

Ek het 'n 130gr TTSX geskiet uit my 308. Die die geweer heel dag rond gedra met daai geweerband van jou.

[toelie]

Mooi rammetjie kan ook nie meer wag nie my beurt breuk Donderdag aan

[Chevvy SS]

Mooi man!

Toelie, is jy dalk familie van Allister Coetzee?

[JohanvanZyl]

Mooi bok!! Baie geluk. Dit bly darrem maar lekker

[OupaZA]

Baie geluk...Mooi skoot!

[Marlin]

Lekker bly maar lekker!