Laaste biltong jag vir 2016.

[Dolf014]

So het ek en my seun die naweek ons laaste biltong jag vir die jaar gedoen.
Hy het somer vroeg oggend 2 blesbokke geskiet. Eerste een kopskoot (popeye) so op 120m.
2de een het verder gestaan en omdat die wind reg dwars waai het hy maar besluit om blad te skiet.

Ek was op soek na koedoe (bul of koei) want dis die laaste kan van die seisoen.
Ons het n hele paar koeie en verse gekry, maar hulle het nie n skoot aangebied nie.

Die volgende oggend was ek redelik negatief want my tyd loop uit en ek het nog nie my koedoe nie.
Ons het toe gery tot waar die 2-spoor paadjie ophou en toe maar verder gestap in die rigting van die grensdraad.

Ongeveer 300m van die grensdraad af spring daar 6 koeie uit die droeë rivierloop en hardloop berg op.
Geen kans om te skiet nie. Toe is ek nog meer moedeloos.

Ek was op die punt om vir my seun te sê "ons kan maar omdraai", toe verbeel ek my ek hoor iets. Ek draai toe en kyk na boeta, hy staan ook doodstil en wys in die rivier se rigting. Die volgende oomblik spring n bul uit die rivier en en hardloop berg op. Hy steek toe vas en ek skiet toe sommer oor boeta se skouer (ongeveer 150m)
Na die nek skoot tuimel hy gelukkig n paar meter af.

TOE BEGIN DIE GROOT WERK:
Ek en boeta is berg op, fotos geneem, pens uitgehaal en kop af gesny.
Terwyl ons afstap bakkie toe beplan ons waar ons bosse moet oopkap om pad te maak vir die karkas.
Huis toe gery om die werkers te gaan haal. Ook byl, draagbaar, messe en saag saamgevat.
Na n harde stuk 4x4 ry is ons toe nader aan die bul. Ons het toe "ontbossing" gedoen om pad te maak. Toe het ek die bul boud en blad gesny (sommer met vel en al) en hom stuk stuk afgedra bakkie toe.
3 ure later is hy by die slagplek. Toe is vleis al redelik warm. Ons het toe so vinnig as moontlik geslag en die vleis in die koelkamer gekry.

Horings het 51duim gemeet. Tussen die horing punte meet hy 970mm.

Sal hom weeg as ek vleis werk.

Dit was harde werk, maar altyd die moeite werd.

[Dolf014]

Nou wat is n jag sonder n papwiel??
Al is dit op die groot pad.

[ruaanb]

Lekker Dolf julle het mooi gemaak.

[sako 30-06]

Baie geluk Dolf, dis n monster.

Jy gaan vir baie lank die jag onthou.

[Frederik]

Mooi bul met harde werk

[partner]

Prag bul en die moeite werd. Dankie vir die deel en die fotos.

[toelie]

Baie geluk Dolf bitter mooi bok daai

[Geno]

Netjies Dolf! Geluk julle!

[Dolf014]

Dankie Manne.

Wat die oomblik so spesiaal gemaak het is; die erge opgewondenheid van pa en seun (letterlik skouer teen skouer) toe daai bok val. Geen geld kan dit koop nie!!

Groete.

[FrancoisW]

Baie geluk Dolf. Dis my droom om so bul te skiet en veral met my seun saam my!!!

[Chevvy SS]

Baie mooi bul!

[ArnoldM]

Lekker Dolf, lekker man!!!!

[Dolf014]

145kg uit geslag.