Oranje "stink horn" tipe paddastoel

[Johan Nel]

Daar is in 'n mens se lewe sulke onbenullighede wat mens waarneem, maar wat tog lewenslank 'n indruk op jou maak of jou bybly.
Een so 'n insident in my jong dae was waar ek in die veld gesit het en kyk hoe 'n slinkse hottentotsgot te werk gaan om termiete uit hul gate te lok en op te vreet. Hy nogal sukses gehad en het daardie termiete met ywer gevreet.
'n Ander geleentheid was waar ek in die Kruger Wildtuin aan 'n projek gewerk het. In ons omswerwinge het ons eendag op 'n klein voêl en 'n slang bymekaar afgekom. Die voêl het om een of ander rede nie vir die slang gevlug nie, terwyl die slang sy aandag op die voêl gehad het, maar dit nie aangeval het nie. Na 'n ruk het die voel 'n eier gelê en toe kom die slang en vreet die eier op.
Vandag het ek iets in die wereld van die fungi raakgeloop wat ek nog nooit vantevore self waargeneem het nie. Hierdie het oornag in die gras by my huis verskyn en ek het dit raakgesien toe ek oppad was om die gras te sny.

20161216_113019.jpg

Dit het 'n roomwit skag en die helder rooi/oranje kleur en trek 'n groot klomp brommers met die reuk wat dit afgee. Dis kompleet die reuk van 'n hond se maag wat gegaan het nadat hy die vorige dag 'n vrot stuk vleis gevreet het.

20161216_112938.jpg

[PWV]

Johan
Is dit nie een van die parasitiese blomplantsoorte wat ons in Suid Afrika kry nie?

[Ben Remington]

Besonders....ek het dit ook nog nooit gesien nie.

[Mac]

http://www.first-nature.com/fungi/aseroe-rubra.php

[Antonie]

Dit is nou baie toevallig, vanmore toe ek my asblik uit sit toe sien ek ook so tiepe "plant" op my sypaadjie.

Wat nog meer besonders is, is dat ek in Alberton woon en ek sien jy is van Nelspruit.

[Johan Nel]

Johan
Is dit nie een van die parasitiese blomplantsoorte wat ons in Suid Afrika kry nie?

Hallo oom Pieter,
Nee dis 'n swam of fungi. Die genus insek-etende plante in Suid Afrika waarvan ek weet, is die Drosera.
Wat die swam aanbetref is ek nie seker wat die funksie van die vliee is nie. Ek vermoed dis of deel van die bestuiwingsproses, of om die swamspore te help versprei.
My honde het gister die 'vrugliggaam' afgetrap en vanaggend was dit verkrimp. Daar is nog die 'voet' of basisgedeelte sigbaar in die gras.

[Johan Nel]

http://www.first-nature.com/fungi/aseroe-rubra.php

Thanks Mac,
There is a resemblence, but I'm not sure if it is the exact same species.