Tuli blok 2017

[Stephan86]

Na al OupaZA(Emile) se stories van laas jaar se Botswana jag, kon ek nie help om seker te maak dat ek die jaar saam te gaan jag nie. Na ‘n paar kinkels was jag in Botswana gereël en was ek gelukkig deel van die groep wat in Botswana se Tuli blok sou gaan jag. In die 4 maande wat ons moes wag vir die jag om te begin het ons baie tyd op die skietbaan en agter die herlaai bankie spandeer om seker te maak ons was reg vir die trip.

DAG 1. Ons permitte, paspoorte en dokumente was reg en na 5ure se ry was 9 van ons op die 15 000 Ha plaas waar meeste van die jag sou plaasvind (ons sou so ‘n bietjie ook jag op ‘n 140 000 Ha plaas, maar meer oor dit later). Ons het die middag gaan gewere inskiet op die vliegveld en al kla was daar twee rooibokramme wat ons geduld getoets het so 600 m weg.
Die eerste oggend het ek saam met Leonard geloop maar sonder enige opwinding of geleenthede, maar dit was weer ‘n ander storie vir Emile en wt-smit(glo hy sal uitbrei oor sy jag). Ek moet seker noem op my jag lysie was ‘n blouwildebees en ‘n Eland koei wat ‘n groot droom vir my is.

Die middag sessie het ek en Leonard weer saam geloop wat nie regtig bekend is vir Eland nie, maar meer vir rooibokke, varke en blouwillies. Na ‘n uur se stap kry ons eland spore en vars mis en so halfuur later weer, die keer is die mis bitter vars en sê Leonard vir my “ Ons gaan vandag in jou eland vas loop”. Sy woorde was nie koud nie toe ons die trop so 200 m voor ons tussen die bome sien. Ons het nader beweeg tot so op 150 m waar die skuiling opraak en toe begin werklikheid my tref, ek gaan my Eland skiet. Ons het die trop mooi deursoek en op ‘n baie mooi volwasse koei besluit. Sy het rond gedwaal en effe "Quartering away" begin vreet, ek het op die stoke myself gemaklik gemaak en die kruishaar agter op haar blad geplaas. Die skoot het geklap en dit was raak. Ons het nader geloop en ‘n enkele eland ‘n hele ent weg gesien, maar deur die verkyker en scopes het sy heel gesond gelyk. Ons het begin soek na bloed en hier het ek daai aaklige gevoel in my binnekant begin kry, dit was al skemer en ons moes plan maak. Die spore was alles in die rigting van daai alleen koei en ons was op haar spore agter haar aan maar die donker het ons gewen. Soos baie manne al weet dit is nie ‘n lekker aand wat saam met dit kom nie.

[Stephan86]

DAG 2. Emile het die vorige aand gesê hy sal saam met my die Eland gaan soek en so is ons die oggend eerste ding agter haar aan. Na so ‘n uur van bo natuurlike spoorsny van ons gids (op slegs spore met geen bloed) sien ek haar lê onder ‘n bos. Met nabye ondersoek sien ons ek het my skoot so 3duim getrêk en haar in die pens geskiet waar ek moontlik lewer en milt getrêf het. Ek het steeds bitter sleg gevoel dat die dier op so ‘n manier moes sterf maar ek was baie bly ons het haar gekry het voor die jakalse en aasvoëls. Die res van die oggend het sonder teveel aksie verloop.

Die middag is ek en Emile weer uit, ek soek my blouwildebees en hy is oop vir ‘n rooibok of vark. Ons kom so om ‘n bos gestap en daar staan ‘n pragtige rooibokram vir ons en kyk, Emile was vining op die stoke en skiet die bok in die kuieltjie waar hy net daar neer slaan. Na ‘n paar mooi fotos word die pens getrêk en is ons daar weg. Nie lank nie kry toe nog ‘n rooibokram wat vir ons staar en Emile por my aan om hom te skiet, eers wil ek nie. Ons stap toe nader tot op 100m en steeds staan die bok en kyk vir ons, en ek besluit nou ja dit is ‘n teken. Ek skiet hom ook in die kuiltjie deur die hart, soos ons nader stap kom ek agter hoe ‘n mooi bok dit is, later sou ek uitvind hy het 41.3kg uitgeslag.

[Stephan86]

DAG 3. Die boer het besluit dat ons middagete op die groot plaas langs die Limpopo sou hou, dus sal ons op die groot plaas gaan jag. Die plaas is opgedeel in omtrent 1000 Ha bees kampe en elke groep sou in sy eie kamp jag. Daai plek is wyd, hier in SA jag ‘n hele groep gereeld op plase kleiner as 1000 Ha. Die oggend het ek en Emile baie kanse op rooibokke gekry, maar die varke en beeste wou net nie saamspeel nie.

Middagete se tye het nie mooi uitgewerk nie en ons het en ons het eers na 4 in die veld gekom. Teen die tyd was meeste manne se voete al gaar geloop en het ‘n bietjie diesel bekruip soos oom PWV dit noem. Ek en Leonard is toe saam agter die blouwildebeeste aan. Ons het ‘n baie mooi bul raak geloop maar hy wou nie vir ons ‘n skoot gee nie. Die tyd het verby gevlieg en 17:45 het ek geweet ek gaan nie my bees kry nie. Ons het gedraai in die rigting van die pad waar die bakkie ons sou oplaai en 100 m van die pad af loop ons toe vas in ‘n trop blouwildebeeste. Die wind was perfek maar daar was ‘n rosyntjiebos in die pad. Met skuiling van die einste rosyntjiebos bekruip ons die koei tot op 30 m. Die stoke word oop gemaak en ek lê aan op die kop maar toe druk sy haar kop in ‘n bos. Ek verskuif die kruishaar tot op die knoppe en trek die sneller. Na die skoot is dit net stof en hare. Die koei kom om ‘n bos en val 20 m voor on sneer. En met die Afrika son wat agter ons sak kom ons jag tot ‘n einde.

[Stephan86]

Hier is nog so 'n paar ander kiekies van die ander manne.

[Stephan86]

En nog

[Stephan86]

Hier is Emile se makoeloe jakals soos hy sal sê

[DWB]

Welgedaan! Dit lyk lekker!

[tripodmvr]

Watter koele het die skade gedoen?

[OupaZA]

Hi Oom,

Ek en Stephan skiet 308 130ttsx,

Groete

[OupaZA]

Hi Jule,

Ek deel met jule my eerste ogend (soos stephan genoem het hierbo) dit was een van daai wat mens voel jy is in die kruger wildtuin.

Ons het seka in die eerste 10min se stap amper 'n Zebra gekry, my broer (wt-smit) het hom toe later gekry soos jul kan sien in die fotos hierbo. Daar was ook 'n aleen BWB bul saam maar kon nie 'n skoot kry nie. Na so 15min se stap kry ek 'n kans op so 60m op BWB bees wat stadig wy, ons kry gou die stokke reg... kruis haar gaan rus agter die blad en die skoot gaan af, ons hoor hoe breek hy deur 'n roesyntjie bos en toe stilte. Ons stap nader en kry hom so 10m van waar hy weggetrek het. Skoot was mooi laag net agter blad bietji Quartering away.

Na seka nog so 13min se stap, kry ons weer 'n tropie BWB onder 'n boom staan (so 80m), William is op die stokke. Hy maak gereed, daar stap toe 'n bul bietjie kant toe en tel sy kop mooi op, weg van die ander. William besluit dis sy kans en gee die bul 'n barnes net so onder die oë. Pragtige skoot en die bul is morsdood.

Ons het elk nog 'n rooibok ram geskiet (kopskote) so +-50m vêr.

Dus teen 11:15, 2 BWB bulle en 2 Mooi rooibok ramme,

Al die boke geskiet met Tikka 308 130ttsx 2910fps

Kan al klaar nie meer wag om terug te gaan nie

[Ben Remington]

Dit lyk nou lekker....puik fotos ook.

[Morne Van Der Merwe]

Baie mooi fotos, geluk met die wild.

Groete
Morne

[Ashley]

Uitstekende fotos Stephan en Oupa! Baie geluk julle.
Daai 130's maak baie mooi..

[phillip koen]

Ons het ook by dieselfde plek gejag in April! Beste jag ervaring nog, Gerhard is 'n yster!

[Springkudu]

Daai lyk baie lekker, baie geluk met julle bokke


Sent from my iPhone using Tapatalk

[Rudie]

Baie geluk julle. Klink omtrent na 'n lekker jag.

Sent from my SM-G930F using Tapatalk

[FrancoisW]

Dit is baie mooi bokke. Lyk bitter lekker

[ruaanb]

Baie geluk met al die mooi bokke!

[Wouter Roets]

Lekker Boys!

[Marc]

Goeie werk, dankie vir die deel

[Quintin2812]

Altyd great memories by Koch Safaris.

[Stephan86]

Ja kyk Gerhard is 'n lekker mens, dit was 'n plesier om by hom te jag.

[Chevvy SS]

Demmit, dit moet 'n droomjag vir elke jagter wees.