Lekker swaar Kalaharibul...

[Ben Remington]

Goeie naand...

Ek en pel is gou vinnig vanoggend Kalahari se kant toe...hy wou 'n mooi Kalaharibul skiet. Ons was lekker vroeg in die veld en die veld was vol lewe..die tweespoor sandpaadjies was vol spore van die naglewe wat sopas verby was. Kuduspore van die vorige nag was oral sigbaar by die krippe en ons het twee mooi kuduversies naby die water gekry waar hulle doodstil in die weste skadu van 'n Witgat gestaan het. Kort kort het 'n duiker of twee voor ons opgespring en Neushorings was oral sigbaar op die droë Kameelhoutstompe. Ek het my op 'n stadium verbeel ek sien beweging aan die skadukant van 'n Witgat en toe ek mooi kyk sien ek daar staan 'n mooi bul met sy nek en horings wat laag hang terwyl hy na ons loer en skielik staan daar nog twee bulle...al drie het mooi vertoon , hulle spring toe weg en hardloop toe net so entjie en gaan steek vas met die grootste een van die drie wat effe skuins na ons kant toe staan. Tussen ons en hom is toe op daardie oomblik paar droeë Bessiebos takke en gelukkig druk hy toe sy bors effe links uit en toe klap die skoot. Die bul hardloop toe reg weg van ons af met 'n lekker stofwolk wat so vyftig meter vanaf sy wegspringplek opslaan bo die bosse. Ons het so paar minute gewag en toe stadig begin stap na die plek waar hy gestaan het, daar was geen bloed nie en ons het die hond losgemaak en so entjie verder het die mooi bul gelê met 'n baie mooi hartskoot. Die kaliber was .243 met 87gr Berger VLD. Die punt het mooi bo deur die hart gegaan en aan die anderkant net onder die hartvlies vasgesteek.

Groetnis

[Ben Remington]

...

[JPS]

Baie mooi bul Ben,

Wil jou vriend nie uitgeken word nie?

Groete

[Ben Remington]

Wil jou vriend nie uitgeken word nie?

Groete

JPS...

Ons haal niks meer van ons koppe af nie...ons het al te veel keppe en hoedens so gelos in die veld, ons jag baie en sal skade ly op die manier.

[tripodmvr]

Daardie koeël penetrasie was net genoeg!!!!!!! Wys maar dat die groter kaliber en swaarder projektiele ekstra versekering gee.

[Ashley]

Baie mooi bul daai julle. Geluk!

[JPS]

Wil jou vriend nie uitgeken word nie?

Groete

JPS...

Ons haal niks meer van ons koppe af nie...ons het al te veel keppe en hoedens so gelos in die veld, ons jag baie en sal skade ly op die manier.

Daai is slim ja

[Carl]

Baie mooi bul (en mooi hond). Dis darem lekker as jy vroeg oggend in die veld kom en die tekens is so warm en die veld lewe!

Daardie koeël penetrasie was net genoeg!!!!!!! Wys maar dat die groter kaliber en swaarder projektiele ekstra versekering gee.

Ek stem met oom, as ek kyk hoe lyk harte wat die 9.3 geskiet het.

[Flip Nel]

Mooi Bul, dankie vir die deel

[joe rocket]

Mooi bul daai Bennie en n baie mooi skoot. Sê vir jou vriend hy moet bietjie loer na 82gr lrh krieke. Hulle penatreer iets verskrikliks, werk mooi op die groter bokke.

[tripodmvr]

Het self al kudus laat val met my 243 en monos. het 'n bul in die Ooskaap op 300m + geskiet van bo uit 'n krans. Daardie 80gr koeël is skuins van bo in die rug in en het in die brisket vasgesit. Perfekte "X" soos met al die Barnse.

[Springkudu]

Baie mooi Bul, voorreg!! Party manne sal deur die loop van hulle jag loopbaan nooit die kans kry op so 'n bul, ek wag ook nog vir myne.

[win270]

Korrekte skootplasing . . . dis maar die ding.

[Plaashaas]

Nou hoeveel was "lekker swaar"?

Geluk aan die jagter

[koos 2]

prag bul
Baie geluk aan die jagter

[heywillie]

baie mooi !

[FHM]

Nou hoeveel was "lekker swaar"?

Geluk aan die jagter

Baie geluk Ben - pragtige bul daai.

Kom ek is stout en skat daai bul uitgeslag 160 Kg...?

[FHM]

Gaan ons nou nie hoor wat die bok uitgeslag het nie Ben...

Jy jag seker weer erens - party mense het darem maar net die lewe!

[Ben Remington]

Daardie koeël penetrasie was net genoeg!!!!!!! .

Ek stem 100 persent saam...in ag geneem dat die skoot heelwat oor die 250m was. Dit sou heel moontlik anders uitgedraai get as die punt bv nie deur 'n dik been kon kom nie.

[Ben Remington]

Korrekte skootplasing . . . dis maar die ding.

Win270...

Ek stem saam met jou...ek het die afgelope winter heelwat kwesbokke gesien wat met swaar kalibers geskiet was....maar ons het hulle darem almal gekry met hulp van die honde.

[Ben Remington]

Nou hoeveel was "lekker swaar"?

Geluk aan die jagter

Plaashaas hy was 210kg.

[Ben Remington]

Gaan ons nou nie hoor wat die bok uitgeslag het nie Ben...

Jy jag seker weer erens - party mense het darem maar net die lewe!

FHM..

Jammer vir die laat terugvoer...was die heel week in die veld.

[tripodmvr]

Nou hoeveel was "lekker swaar"?

Geluk aan die jagter

Plaashaas hy was 210kg.

Is dit karkasgewig alleen?

[Ben Remington]

Dis reg ja....die area waar ons was is bekend vir swaar bulle....ook die swaarste waar ek nog by was...mens kan seker so 2kg aftrek vir die staalhakke wat deur die agtervoete was toe ons hom gehang het..dalk was die hakke effe ligter...nie heeltemal seker nie.

[tripodmvr]

Swaarste wat ek al self moes help indra by die slagter was 185kg - naby Fochville geskiet.

Dit is 'n overdentelike bul daardie !!!!!!!!!