Mooi steenbok

[BenJacobs]

Naand almal, hoop dit gaan goed.

Ek kon vandag een bok van my "bucket list" afhaal.
Ek wou nog altyd 'n mooi steenbok skull mount gehad het, maar het altyd te sleg gevoel om die mooi bokkie te skiet.

Ek het vir my self gesê as ek ooit die geleentheid kry op 'n bitter groot een wat ek sommer op die oog af kan sien, is 'n trofee, sal ek dit oorweeg.

Ek is toe sommer vandag met die ou 22 Brno die veld in en na so 20min gewaar ek die bok. Ek het toe mooi aan gelê en eers mooi gedink. Vir my is die steenbokkies van die mooiste diertjies. En van kleinsaf is ek geleer ons skiet hulle nie. Ek besluit toe om te skiet. Hy lê toe so op 50m en die 22 koeëltjie tref hom toe net mooi agter die skouer. Een kant in, dier die longe, nip die hart en in die ander kant uit. Hy val toe onmiddellik. Hy het egter weer opgespring en 'n paar meter tot in 'n bos gehardloop

Ek het eers bietjie sleg gevoel, maar nou is ek nogal tsjaf met my 2de Rowland ward. Sy langste horing is 5.3 duim. Hy sal mooi lyk langs my vaal ribbok skedel
Groete Ben

[Supacow]

Netjies!

[Frederik]

Mooi steenbok en hulle eet ook baie lekker.

[joe rocket]

Geluk Ben. Is dit al foto wat jy het? Net n bietjie raad as jy weer n foto neem plaas die roer agte die bok, want ek sien net gun en tokkol bok nie.

[BenJacobs]

Geluk Ben. Is dit al foto wat jy het? Net n bietjie raad as jy weer n foto neem plaas die roer agte die bok, want ek sien net gun en tokkol bok nie.

Het dit ook gesien na die tyd oom.

[BenJacobs]

Mooi steenbok en hulle eet ook baie lekker.

Baie dankie oom.
Hoe maak oom met die vleis? Maar biltong of meer "huis vleis"
Groete Ben

[Capt. Yoda]

Maak huis vleis, boude en blaaie in die oond. Ribs het ek nog nooit van hulle geeet nie ma ek glo jy kan seker iets met hulle ook doen

[ruaanb]

Pragtig Ben! Daai boudjies ontbeen jy , marineer na jy dit oop gemaak het en braai op die kole. Sagter as baie van die steak wat jy al in jou lewe geniet het. Die res is huisvleis

[win270]

Absolute koningsmaal . . . steenbok en duiker se vleis (boud in die oond) is hemels!

[win270]

Nog 'n ding van steenbok . . . brei daardie velletjie - beste riempies vir fyn take wat jy kan kry.

[BenJacobs]

Ek het gister een rugstring gaar gemaak. My mense het amper vuis geslaan oor die laaste stukkie. Die vleis is bitter lekker!

En ek doen presies dit met die vel oom. Dit is amper bietjie sentimenteel vir my. My oorlede oupa (groot oupa) het altyd so velletjie agter die bakkie se sitplek gehad, waarmee hy sy sweep se voorslag gemaak het.

Groete Ben

[win270]

Nou praat jy, Ben. Ons het ook velletjie op die plaas gehad waaruit nou-en-dan baie sorgvuldig riempies vir skoene gesny is.

[BenJacobs]

Dagsê almal.
Ek het toe vandag my skedel mooi gebleik, met Pappabeer se metode wat op een van my vroeër drade bespreek is.
Ek is heel tevrede met die uitkoms.
Groete Ben

[DWB]

Baie mooi bok!

[BenJacobs]

Dankie oom!

[Eduard Venter]

Pragtige bok daardie! Ben, laat weet ons as jy die boude gaargemaak het, watter resep jy gebruik het en wat die resultaat was. Ek kon dit nog nie oor my hart kry om so een te skiet nie maar miskien jag een van my kliënte een dan kan ek die vleis nuttig.

Groete

Sent from my Nokia C2 using Tapatalk

[Nella]

Dagsê almal.
Ek het toe vandag my skedel mooi gebleik, met Pappabeer se metode wat op een van my vroeër drade bespreek is.
Ek is heel tevrede met die uitkoms.
Groete Ben

Ben vertel bietjie meer asb hoe jy die skedel so mooi skoon gemaak het.

[Blitzzz]

Baie mooi Ben!


Sent from my iPhone using Tapatalk Pro

[win270]

Terloops, gaan kyk maar op jagplase se pryslyste wat hul vir steenbok vra sou jy besluit jy wil dit jag. Baie duur en dis te verstane.

[BenJacobs]

Hulle is bitter duur ja oom. Dit is hoekom ek die geleentheid aan gegryp het.

Oom Nella, dit is eintlik 'n eenvoudige proses.
Ek het die aand toe ek hom geskiet het die kop mooi afgeslag. En die meeste vleis en oë en brein uitgekrap met 'n tweeser.

Ek het toe hom in water laat lê en elke dag gekyk of sy horings los is. Myne het so 3dae gevat. Toe kook ek hom in 'n pot met net genoeg water om hom toe te maak. Met 200ml peroxide in. Eintlik moet daar 'n koppie in wees, maar 200 was al wat ek gehad het.

En dan haal ek hom kort kort uit en verwyder soveel van die vleis en kraakbeen as wat ek kan. Sit hom dan terug en herhaal die proses oor so 10min. Myne het so 40min gevat. Ek gooi dan hier teen die einde 'n koppie wasgoed seep (omo) in, ek vind hy maak hom net nog bietjie witter en laat hom lekker ruik ook.

Ek maak dan die horings droog (ek het hulle onderstebo laat staan met sout water in) en sit hulle terug. Vat dan bietjie byewas (ek het die gehad nie toe vat ek sommer gewone eskom kerse). Ek vryf dan die kers so bietjie teen die horing tot hy so wit frummels maak, dan hou ek so vinnig bo vlam en vryf mooi in.

Al hoekom ek die laaste stap gedoen het, was omdat die sout die horing gedroog het en die was het hom weer mooi laat blink.

Hier is my ander een wat ek soortgelyk voorberei het.
Groete Ben

[BenJacobs]

My ribbok en steenbok trofees.
Groete Ben

[alecjohnson]

Pragtige bok en baie geluk!

wat baie lekker is vir my is om die hele rib been en al in biltong te verander sny net die binne vlies vlak oop dat sousie intrek, hang hom. ek doen dit baie met springbok, of ontbeen en maak 'n gevulde rolrib in die oond. rib ontbeen is baie maklik met 'n matmes en skerp mes. sny vlies langs been los met matmes en lig die been, sny af met gewone mes.

[BenJacobs]

Baie dankie almal.
En ek het noggal vinnig agter gekom hoe lekker die vleis is!!
Ek sal kom deel as ek ander dele ook eet!
Groete Ben

[jankraay]

Kan bly wees jy het nie by Oom Jurgen gebraai nie...


Sent from my iPhone using Tapatalk