Raad om Pofadder wors te maak

[Chris (vdB)]

Middag almal

Is hier dalk iemand wat my kan verduidelik hoe om n' vet derm voorteberei as jy n' Pofadder wors wil maak. Ek het dit nog nooit self gemaak nie en het vandag die lewers en die vet derms uitgehou met die plan om twee te probeer maak. DIe man wat vir my geslag het op die plaas het die derm om gedop en skoon gewas vir my en ek het dit toe hier by die huis in sout water kom le. Nou wil ek graag eers hoor hoe julle maak en moet mens hom maar met n' lepel stop of kan jy n' worsstopper gebruik?

[cassie_calvinia]

Gebruik stopper.
kap 'n paar uie, lewer. vet, en ek gooi baie keer bietjie gewone vleis by.
maar die opsies is oneindig. maak 'n lekker kerrie, chilie, pepperdew.
jy kan nie regtig verkeerd gaan.
die leker maal ek nie. sny hom met lekker vyn op.
en, vat gewone wit tou,en bind punte vas

[tripodmvr]

Die lewer, hart en niertjies word fyn gesny en met uie en spesery van jou keuse in die nersderm ingedruk. Nou moet dit stadig op die vuur gaargemaak word.

[Chris (vdB)]

Dankie julle. Le mens daai derm maar net so paar dae in sout water dat hy mooi skoon kom, voor die stop?

[J le Roux]

Nee wat Chris, 'n wildsbok se se maaginhoud is darem nie so erg nie, ons spoel hom sommer net met water uit en stop hom.

Indien jy nie toegang het tot 'n worsstopper nie, kan jy regkom met oopgesnyde 2l plastiek koeldrankbottel met die derm oor die drink tuit. Druk sommer die mengsel van die groot oop kant af met jou hand of agterkant van 'n houtlepel as dit moelik gaan.

Partykeer is een kant van die derm heelwat dikker as die anderkant, pas maar jou rooster by die kole aan dat die dunner kant bietjoe minder hitte vang.

[lalvisser2]

Almal se reseppies hierbo is presies reg en smaaklik. Ek het net gevind dat jy hom nie te veel vog moet gee nie.....hy skiet maklik !!
Dan nog n triek wat werk is "hongerte" dan is als lekker.

Sent from my SM-G980F using Tapatalk

[Chris (vdB)]

Dankie vir julle hulp, ek gaan hom so probeer

[Chris (vdB)]

My Pofadders het verander in Anacondas

[ruaanb]

Stadige kole anders bars dit. Erg lus nou!

[BenJacobs]

Ek maak myne met freddy hirsch se kahalahari biltong speserye. Bitter lekker!

[Chris (vdB)]

Ek het sommer 20% skaap stert vet by die lewer gesit dat dit nie doog is nie en n' kg uie en sommer Ouma en Wapad spice gemeng en dit by gegooi. Die lewer was baie lekker, maar daai Gemsbok se vet derm was so taai soos tjoep. Sal liewer volgende keer netvet gebruik.

[Andre308]

Ek het sommer 20% skaap stert vet by die lewer gesit dat dit nie doog is nie en n' kg uie en sommer Ouma en Wapad spice gemeng en dit by gegooi. Die lewer was baie lekker, maar daai Gemsbok se vet derm was so taai soos tjoep. Sal liewer volgende keer netvet gebruik.

Presies hoekom ek skilpaaitjies en jakkalsies eerder eet as pofadder.

[J le Roux]

Andre, vertel asb. meer van jou jakkalsies.

[Chris (vdB)]

Ek kon sien hoekom Cassie se hy maal nie sy lewer nie, dit is n' lelike pappery as jy n' ou handmeultjie gebruik met n' nr 4 siffie.

[Andre308]

Andre, vertel asb. meer van jou jakkalsies.

n Jakkalsie is lewer wat gesny word so groot soos jou duim, gespice word en dan net toe gerol word met net vet, waar die skilpad gemaalde lewer, vet en spice is.

Groete
Andre