2019 Jag. Kom deel jou geluk.

[tau]

Hierdie Waterbok bul was nou 'n lekker gelukkie.

Ons het 'n vinnige jagnaweek in die Bylsteel omgewing gereel. Met ons eerste trippie veld toe het ons heelwat Nyalas en Koedoes gesien. Ek het egter gehoop om my eerste waterbok bul te skiet.

Later het ons gelukkig 'n paar waterbokke van die bakkie af gewaar, ons het verby gehou en ek en die eineaar se seun is 'n hele ent verder afgelaai. Na wat na 'n ewigheid voel het ons die koeie raakgeloop. Die Bul was nie in sig nie. Toe die koeie ons opmerk het hulle op 'n draffie laat spaander. Die bul moes nog in die area wees en ons het verder gesoek.

So paar minute later het ons hom opgespoor, oppad watergat toe. Ek kon nie my geluk glo toe ek 'n mooi plankdwars skoot kry nie. Ek wou geen kanse vat nie, en het laat loop toe die S&B Klassik my 30-06 Howa vertel dis nou middel-blad tyd. Dubbel long skoot met 180gr Nosler Accubonds. Die bul het nog asem gehaal toe ons by hom kom, en die breinskoot is gegee omdat my 3 messe nog veilig in my jagsakkie by die kamp laat le is .

Ek is nie 'n trofee man nie, maar is dankbaar vir die mooi vleis en die 28 duim horings.

Baie geluk. Mooi bok.

[tau]

DD
What do you do with all that meat ?

We get orders from friends and family and a treat for employees and the local old age home.

DD

So wat jy sê is dat jy eintlik 'n softy is wat omgee oor ander mense

Great gebaar en deel so jou genot van jag se opbrengs.

Is darem lekker as jy so die eerstebok laat val en die ander beweeg nie te ver nie of hulle is nie bewus waarvandaan die gevaar kom nie en jy kan so 3-4 bokke op dieselfde afstand en posisie skiet.

Baie geluk.

[Geno]

//uploads.tapatalk-cdn.com/20190727/60da67e34e13d06cfffd29a4025cb08f.jpg

Daardie HK moes eerder 'n .243AI gewees het dan sou daardie hou darm bietjie hoër gesit het...

[ruaanb]

Daardie HK moes eerder 'n .243AI gewees het dan sou daardie hou darm bietjie hoër gesit het...

Hy wou die horings heel hou man

[JacquesT (Stompe)]

Ons het die afgelope naweek tussen Clarens en Fouriesburg in die Drakensberge as 'n familie gejag. Ons gesin het saam albei my ouers en my niggie se man en seuns gegaan. Dit was heel moontlik een van die beste jagtogte van my lewe omdat ek dit met my hartsmense gedeel het.

My vrou het haar eerste bok geskiet met my 308 gelaai met 155gr Kriek. Die Rooihartbees bul was so 150m gewees en sy het die perfekte hartskoot geskiet. My bors het redelik geswel van die trots, totdat sy die aand vir my gevra het wat sy volgende kan skiet... Ek het besef my kwota bokke per jaar het sopas drasties veminder en sy sal die skietwerk begin doen Sy het ook kleintjie in die arm haar inlywing gevat, maar nie sonder om my te oorreed om saam haar te eet nie, sy het gewen.

Later die middag was ons uit en opsoek na 'n alleen loper Springbok ram. Die spesifieke bok is kwaai wild en hulle het gesukkel om nader as 500m te kom. Ons het hom op 780m gekry waar ek hom kon plat trek. Die was vir my veral baie spesiaal omdat my pa en vrou daar was om dit te beleef. Die boer het die rangewerk gedoen en my vrou het my app bestuur.

Die bokke het afsonderlik vanoggend by die slaghuis 69kg en 20kg geweeg.

//uploads.tapatalk-cdn.com/20190729/63fa74b070da006552254d933585bc9a.jpg

//uploads.tapatalk-cdn.com/20190729/09d8b4711a6069e9585e68b2f00d8ac3.jpg


//uploads.tapatalk-cdn.com/20190729/2283a0c494c6b9bec1c0c839cd9b2c8b.jpg

//uploads.tapatalk-cdn.com/20190729/a40910b99e73520324efa78d6d090a16.jpg

//uploads.tapatalk-cdn.com/20190729/4b4208638b7e1409758f27968ef3825b.jpg

//uploads.tapatalk-cdn.com/20190729/74ca61d325cf2f13bc450f715060311c.jpg

[Plaashaas]

Baie geluk Jacques! Mooi skote, veral die lang hou van jou op die springbok.

[Jaco V]

Baie mooi Jacques, en geluk aan jou vrou ook!
Hierdie is wat die kleur in ons lewens prentjie inverf.

[Henlo]

Ek het ook darem laasweek woensdag tot sondag naby Hopetown bietjie gaan skiet, n stok ou springbok ram geskiet, nog gewone ram n ooi en n jongerige gemsbok bul

[DWB]

Bevoorreg gewees om my eerste Bosbok op die voet in Pongola te jag. En toe sommer nog ñ lekker ot ook.

[Malan123]

Daar is darrem min dinge so lekker soos 'n bosbok jag. Baie geluk met 'n mooi ram

[ruaanb]

laat middag hierdie jong vaalribbok ram wat gepla het op die broccoli lande gekry.
//uploads.tapatalk-cdn.com/20190803/4273ffbde297d1a56ff7caa8ebf3cc5f.jpg

[jankraay]

Mooi so Ruaan. Ek het self n duiker of 2 wat by my swaer die mielies goed opgevreet het wat die tydelike met die ewigheid moet verruil.


Sent from my iPhone using Tapatalk

[Frederik]

laat middag hierdie jong vaalribbok ram wat gepla het op die broccoli lande gekry.
//uploads.tapatalk-cdn.com/20190803/4273ffbde297d1a56ff7caa8ebf3cc5f.jpg

Interesant eerste keer dat ek so jong dooie vaalribbok sien, sien hulle altyd as trofee geskiet. As julle hom self gaan eet en die vleis nie op die plaas los vir die werkers nie. Laat weet hoe smaak hy asb. Die ou ramme is nie baie eetbaar nie weet nie of jonger ramme dalk beter proe.

[Frederik]

Geluk Deon, mooi ou ram met dik horings sy horing punte sou nooit uitgaan kante toe nie dis maar sy vorm en sou net stomper word. Lekker vet Ot ook hoe loop die scope op die 404?

[ruaanb]

Frederik ons het nou al n paar geskiet by die boer en die vleis is heerlik. ek dink dit is oor hulle op die hawer lande wei.

[Morne Van Der Merwe]

Baie mooi fotos

[wynis]

[IMG]//uploads.tapatalk-cdn.com/201908 ... e00c5c.jpg[/IMG]
My jongste dogter is verseker ‘n gelukbringer.
My eerste Blesbok, Blouwildebees en nou Rooihartbees saam met haar gejag. Almal te voet en na harde werk.
Sy kon die naweek nie haar eerste bok kry nie, maar daar was ‘n paar geleenthede wat net nie uitgewerk het nie.
Ons maak klaar planne vir die volgende jagtog.

[Hansieslim]

Ek was bevoorreg om deur my Nelspruit vriende genooi te word vir n voorsitjag naby Middelburg OosKaap. Dit was my tweede voorsitjag ooit na my eerste in 2014. Iets wat ek lank voor voorberei het en bly was om mee te maak. Vriendelike gasvrye plaaseienaar en 'n groot plaas. Lekker geriewe en gelukkig genoeg hout gehad.

Dag 1 was mislik. Yskoud en rukwinde van tot so hoog as 30mph. Ek het geweet die 40gr koeëltjies van die .204 gaan nie die ding doen nie. Tussen bewe van die koue, bewe van die opgewondenheid, bokkoors, snerpende, yskoue wind en ligte sneeu het ek my eerste geleentheid gekry toe n klein troppie op 175m verbygekom het. 3 skote en geen bok het geval nie, maar een sy lyftaal het 'n storie vertel...hoë nekskoot. Kon hom gelukkig kort daarna kry en hom platgemaak. My jag was eintlik verby want ekt begin twyfel in my en die .204 se vermoeëns.

Dag 2 'n ander storie. Sonskyn en slegs 4°C. Baie beter geplaas gewees en die wind net so 5mph en relatief konstant. Genoeg tyd gehad om bakens te "range" en na 'n uur het ek elke bossie se afstand van my af uit my kop uit geken. En toe kom hulle ... Eerste skoot op 280m was mis, maar die springbokkies het bly staan. Tweede skoot was 'n sukses, maar toe weet hulle hier is iets wat hulle maters laat val sonder dat hulle hom hoor blaf. Ek skiet toe die voorste een in die trop en toe gaan staan hulle en toe val sy maatjie. Slotsom is : 1 minuut, 7 skote, 6 kopskote, 150-280m. My hart wou uit my bors klim...en toe begin ek weer bewe.

Toe ek kalmeer het, het die bymekaarmaak begin, want daar waar hulle gelê het, sou 'n bakkie nie loop nie. Ek het elkeen gaan haal, van hom/haar 'n handsak gemaak (met "cable ties") en na my skietpunt gedra, omgedraai en die volgende een gaan haal. Ek was pootuit. Hulle was klein, maar die klipperige terrein en op en af en afstand het my laat hyg.

Soos wat ek in 2014 met my eerste ervaring besluit het, het ek nou weer besluit : Voorsitjag wil ek BESLIS weer doen !!!

[Diesel Dog]

Lekker Hans mooi geskiet.

DD

[1lum1nat1]

Jong mooi bul, 134kg kop af en pens uit. 6.5x55, 140gr accubond op 409m. Skoot kon so 1" hoër gewees het, maar baie gelukkig met die roertjie.

Bly ek het die skoot gevat, want vir die res van die twee dae was daar nie veel waarop ek kon aanlê nie en ons het lekker vêr gestap. N slegte dag in die veld is nogsteeds beter as n goeie dag op kantoor.
//uploads.tapatalk-cdn.com/20190806/c4669c8dfb352c45107ea66c98e2cbb9.jpg

Sent from my SM-G950F using Tapatalk

[CzFan]

Hierdie was nou glad nie iets wat hierdie jaar op my lys was nie, maar so geleentheid kan 'n man darem nie deur jou vingers laat glip nie. Die 270 met die 145gr Eld-x het ook nie teleurgestel nie.

[tau]

Bevoorreg gewees om my eerste Bosbok op die voet in Pongola te jag. En toe sommer nog ñ lekker ot ook.

Baie geluk Deon. Mooi Bosbok!!

Jong mooi bul, 134kg kop af en pens uit. 6.5x55, 140gr accubond op 409m. Skoot kon so 1" hoër gewees het, maar baie gelukkig met die roertjie.

Mooi Kudu. As Kudu daai tweede krul begin maak is hy skelm

Hierdie was nou glad nie iets wat hierdie jaar op my lys was nie, maar so geleentheid kan 'n man darem nie deur jou vingers laat glip nie. Die 270 met die 145gr Eld-x het ook nie teleurgestel nie.

Hy die Sable jou gestorm?

Baie mooi geluk.

[CzFan]

Dankie Tau

Daar was gelukkig geen storm betrokke nie, maar as die prys reg is kan 'n man mos nie nee sê nie.

[tau]

So laaste jag voor seisoen in Namibië sluit saam met my Pa. By vriende in Nina.
[IMG]//uploads.tapatalk-cdn.com/201909 ... 9cddad.jpg[/IMG]

[IMG]//uploads.tapatalk-cdn.com/201909 ... 83b342.jpg[/IMG]

[IMG]//uploads.tapatalk-cdn.com/201909 ... 9bbb95.jpg[/IMG]

[ruaanb]

So laaste jag voor seisoen in Namibië sluit saam met my Pa. By vriende in Nina.
//uploads.tapatalk-cdn.com/20190902/7e93eb9651079e8521f705e3579cddad.jpg

//uploads.tapatalk-cdn.com/20190902/8e812a0fb001c7b99f54a9631383b342.jpg

//uploads.tapatalk-cdn.com/20190902/882f909cf36f9877ecf3c97a2b9bbb95.jpg