JARACAL

Ek het die naweek toe 'n kans gekry om weer bietjie in die bos met die geweer rond te loop. Die
geweer was net nie die een wat ek beplan het om te vat nie.

Ek het 10 patrone vir die 300 gelaai om te sien hoe skiet hy met sy Jag Buddy op en dit was ook
die eerste keer met die Burris op. 5 x 180gr Hornady Interlocks met S385 en 5 x 165gr Hornady
GMX koeels ook met S385. Albei ladings is presies die middel van Somchem se data vir die gewig koeels.

Dit het die 5 Interlocks gevat om hom in te stel. Drie skote met die GMX om die verskil in POI
te sien. Toe 4 vier clicks reg en nog 2 skote om my te oortuig die 300 gaan saam op die jag….

Die loop is 'n duim korter as wat hy was en die kroon is oor gesny. Ek weet nie wat dit is nie maar dit voel vir
my die geweer skiet baie beter as wat hy geskiet het - en hy het mooi geskiet voor die tyd.
Miskien is dit net dat hy so veel meer van die S385 hou? Eerste keer wat ek dit gebruik in die 300.

Ek het nie die spoed gemeet nie maar dit behoort so hier by die 2800 - 2850fps te wees.
n Mooi groot rooibok ram het in so oop stukkie gestaan en ek was op die rant in die koelte.
Die skoot was 61m vêr gewees - ek sê mos die Predator camo werk.... Op die linker knop in
en op die regter blad uit. Die ram het 'n tree terug gegee en omgeval en nie weer beweeg nie.

(Die oor proppe gaan altyd saam - ek het so 6 jaar terug binne 'n klein kamer op 'n plaas se skietbaan
sonder beskerming geskiet en my ore so beskadig dit het vir 2 jaar gesuis.... gewoonlik bere ek dit voor
die fotos geneem word )

GMX @ 100 meter - geen lading ontwikkeling .

Mooi rooibok horings en lyf.

Lekker as jou ou skietmaat jou hart weer warm maak. Die 6.5e het die gewoonte om ons go to guns te laat stof gaar.

Regtig 'n mooi ram daai. Wat maak die buddy op die 300? Ek het terminator op myne en hy is mooi stil maar regtig 'n pyn om mee te stap. Ek het een van Henk se reflexes om my 375 gesit en oorweeg die buddy as silencer net as ek gaan stap jag met die 300.

Ek is baie happy met die Buddy op - en die walk en stalk is presies die rede hoekom
ek die Terminator verkoop het (wat jou toe gekoop het). Ek sou eintlik albei wou hou
en dan net met die buddy gaan jag het maar die een se geld moes betaal vir die ander
een. Ek het 2.5 dae geloop met die geweer en dit was nooit 'n probleem nie.

Sy balans is ook baie beter (dalk ook oor die loop bietjie korter is). Ek oorweeg dit nou
om die Pieter Jacobs KD wat ek op die 6.5 het ook met 'n Buddy te vervang. Die Buddy is
ligter en bietjie korter.

Baie mooi rooibok en bly die kluis stof is afgeskiet. Daai GMXe is darem goeie koeels.
Jy sal nie spyt wees om die Jag Maatjie op die 6.5 te sit nie, hy werk lekker op my 243.

Mooi bok mater! Jy toe hout gekry by Oom Swannie?

Geno wrote:Mooi bok mater! Jy toe hout gekry by Oom Swannie?

Nee ongelukkig nie, ek het al die ekstra tyd agter een van die ander
manne se bwb aangeloop...... Dis hoekom ek ook net die een bok gekry het.
So gekweste bwb maak die naweek se jag tyd sommer vinnig baie minder.
Ons het ook toe nie eers die bwb gekry nie!

Geluk, baie mooi bok.

Lekker storie, sal self nog n toets of twee wil doen met die GMX. Ek moet sê, na 4 jaar in die Pantser en die res in die jagveld, dra ek ook maar oorproppe. My ore suis in elke geval permanent.