Die Oos-Kaap het ook groot bokke (2)

[Mellies]

Goeiedag almal.

Ek was bevoorreg om die laaste week weer so paar dae in die jagveld, by familie te spandeer. Ons jag elke jaar hierdie tyd koedoes, rooiribbok en 'n vark of twee indien ons die geleentheid kry. Die plaas is naby Burgersdorp...

Soos gewoonlik was ons voor sonop op die veepos wat 45min se ry weg is. Die klowe wat ons besoek is so 2km se stap weg.

Van die ander manne het hulle plekke voor my bereik en ek kon hoor op die radios dat 'n hele klomp koedoes al met die verkykers opgetel is.

Met 'n groot kloof voor my het ek begin soek met die verkyker...

Volgens my Leica was daar 'n klompie koedoes 1km weg teen die oorkantste rant. Koeie, kalwers en jong bulle. Hulle was reguit oppad na my neef... Agter hulle was twee pikswart bulle wat bo-op die rant gebly het en gladnie beweeg het saam met die ander nie.

Omdat ek nie die hele kloof voor my kon sien nie het ek van posisie verskuif. Ek het bo-op die krans in die skaduwee gaan staan en uit die hoek van my oog vyf koedoekoeie gesien. Slegs een het teruggekyk na my toe. Met die verkyker kon ek duidelik die lang horings van n bul langs hulle sien. Ek kon gladnie die bul se lyk sien nie. Reguit onder my was ook n jong bul. Sewe dan waarvan ek bewus was.

Die koeie het stadig uit die skaduwee na die onderkant van die kloof beweeg. Een vir een. Van die bul was daar nou geen teken nie en ek het geweet hy gaan nie uitkom waar ek hom laaste gesien het nie.

Nadat al die koeie omtrent 150m af in die kloof beweeg het, het die jong bul ook na die koeie beweeg. 60m agter die jong bul het die groot bul verskyn. Hy was reguit onder my. 110m onder my en so 70m weg van waar ek hom die eerste keer gesien het.

Ek het die ou grote deur die teleskoop gevolg en gewag dat hy dwars draai. Die 300WM het gedreun en die 180gr Accubond het sy merk getref!!

So lyk die ou grote. Weet nie wat hy uitgeslag het nie? Ek is nie vreeslik gepla oor duime nie. Die familie wou graag die lengte van die horings weet. 49.5"! Dis my grootste koedoe nog!

Met n vleisie...

[Jackalsniper]

Netjies

[VdWalt]

Baie geluk!

[Frederik]

Mooi bul met prag horings

[Maanboef]

Mooi vorm horings!

[Supacow]

Hy taste!
Met n vleisie!

[gbvl]

Baie netjies

Sent from my SM-G930F using Tapatalk

[ruaanb]

netjiese kudu bul daai

[savage(P Coetzer)]

Lekker Mellies! Nou moet jy nog net jou waterbok bul hier kom pak gee.

[Rudiejacobs]

Mooi bok.
Baie geluk man!

Rudie.

[AntonF]

Baie geluk met die mooi koedoe

[OupaZA]

Baie geluk!!

[Springkudu]

Blikskottel dis mooi!!! Baie geluk

[Stephan86]

Pragtige bul daardie, baie geluk.

[Boesman10]

Mooi man.

[sako 30-06]

Baie geluk, baaie mooi bul.

[Stefan764]

Wel gedaan ou maat. Ek het hulle laasweek hard gejag maar kon nooit n mooi bul kry nie, ek is sommer bitter jaloers. Die Oos Kaap is n magical plek... eks bitter spyt ek moet 32 jaar oud word voor ek dit kon ontdek...

[Mellies]

Dankie almal.

Met n vleisie...

[Mellies]

Wel gedaan ou maat. Ek het hulle laasweek hard gejag maar kon nooit n mooi bul kry nie, ek is sommer bitter jaloers. Die Oos Kaap is n magical plek... eks bitter spyt ek moet 32 jaar oud word voor ek dit kon ontdek...

Dankie Stef.

Magical klink reg. Ek jag nou al amper 20 jaar in die Oos-Kaap en ruil dit vir niks. 99% van dit wat ek skiet is in die Oos-Kaap. So het elke streek sy eie mooi!! Rooiribbokjag in die rante en klowe bly ook n gunsteling...

Met n vleisie...

[koos 2]

Mooi vertel, baie geluk.

[win270]

Baie mooi bul! Jy kan sowaar trots wees!