Het haelpatrone 'n vervaldatum?

[Fluffa]

Ek het so pas my pa se haelgeweer op my naam gekry.  Dis 'n Caspar Aryaga (Spaanse oorsprong) 12 boor side-by-side en van die patrone is seker goed 40+ jaar al in die rondte, Peters, RMC Hugon, SP.

Ek sal graag wil lid word van 'n skietklub in die area, woonagtig in Kyalami.  Kleiduif, herlaai van patrone, ensovoorts, inligting asseblief!

F

[Jacquesb]

Fluffa
Gaan maak 'n draai by nuwe aansluitings, stel joueslf voor en vertel ons van jouself, dan gesels almal lekker.

Groetnis
Jacques

[JPS]

Hi Fluffa,

Baie welkom hier. Oom Baretta en Remington sal jou goeie raad gee.

Groetnis
JP
Ps. Stel jouself voor en geniet dit hier.

[blaser]

Solank die hael patrone nie vog gekry het nie kan hulle maar  oud wees
Laas seisoen baie eende geskiet met  40 jaar oue eleys nog die met die klapper haar in

[Fluffa]

Die patrone lyk besonders goed, geen aanslag nie, ons sal die naweek die sneller moet gaan trek op 'n paar van hulle, dan is die " suspense" vir eers verby.......

[tripodmvr]

Vriend van my se huis het deurgeloop onder 'n rukwind wat die dak afgewaai het. Water het tot in sy inloopkluis beland en die haelgeweer ammunisie het ook nat geword. Daar was baie "hang fires" en selfs die wat glad nie wou afgaan nie. Pasop dat jy nie van die "wads" kry wat in die loop vassteek nie - dit kan gebeur as die kruit nie mooi ontbrand nie en dan gaan jou loop ontplof met die volgende skoot. Wees dus maar versigtig wanneer julle die ou ammunisie afvuur. Let op vir snaakse reaksies.