Springbokboud oor die oop vuur

[Frikkiedbr]

http://i1195.photobucket.com/albums/aa398/Frikkie3/1D9B8432-640x300_zps582002af.jpg


RESEP DION GREBE FOTO’S MYBURGH DU PLESSIS

Vir 8-10
Voorbereityd 1 uur vir marinering
Gaarmaaktyd 1½-2 uur

’n Heel boud op die kole is altyd ’n lekker geselspunt in die boma, sê Dion Grebe, wat graag sy gaste om die vuur op dié manier trakteer.

Jy benodig

1 heel springbokboud met die skenkelbeen aan (3,5 kg)
1 bottel Ina Paarman- Franse slaaisous
1 hand vol growwesout
500 g spek
15 peperkorrels
10 naeltjies
10 knoffelhuisies, gekneus
1 groot ui, in ringe gesny
3 soetrissies, in repe gesny
4 wortels, gesny
¼ koppie witwynasyn
1 koppie witwyn
½ koppie olyfolie
1 skeut worcestersous
1 groot roosmaryntak
Só maak jy

Verf die boud met die slaaisous en laat dit vir 1 uur marineer (nie langer nie). Vryf die boud oraloor met sout in, draai spek om die boud en steek dit dan met tandestokkies vas.
Maak ’n lekker warm vuur en maak dan ’n staaldriepoot 20 cm van die vuur af staan. Gebruik draad of tou om ’n lus om die skenkelbeen te maak en hang die boud langs die vuur op, maar sorg dat dit nie skroei nie.
Pak die res van die bestanddele in ’n groot foeliebak en sit dit reg onder die boud sodat die vleissappe daarin kan drup en die groente gaar word. Doop die bossie roosmaryn in die sous en verf die boud gereeld daarmee.
Draai die boud elke 20 minute om sodat die ander kant na die vuur toe wys. Ná 1 uur kan jy ’n paar kole onder die foeliebak inkrap en enige groente wat jy as bykos wil maak (blokkies pampoen, sampioene of aartappelwiggies) daarin skep.
Die boud behoort ná nog sowat 30 minute gaar te wees. Steek ’n sosatiestok in die dikste deel – die sap wat uitloop, moet pienk wees. Haal die boud van die driepoot af, bedek dit liggies met foelie en laat dit vir 20 minute rus voor jy dit sny. Sit dit voor met die groente en kweperjellie.
WENK Springbokvleis moenie oorgaar wees nie – op dié manier is die vleis pienk en mediumgaar tot op die been.

http://i1195.photobucket.com/albums/aa398/Frikkie3/1D9B8442_zps35d77009.jpg

[vriell]

Sjoe !!! Water my mond nou.... Sal hom beslis probeer. Dankie

[Marc]

Nou daai lyk vir my na 'n plan, teen die tyd die kole reg is vir braai is die boud reeds gaar

[Capt. Yoda]

Gaan hom ook so probeer.n Skaap rib werk ook baie lekke so langs die flamme

[Lourens Potgieter]

Daai klink soos 'n job vir my weber!!!

[FCLoretz]

Frikkie,

Jy is sekerlik die mees onetiese persoon op die forum. Hoe de m&^r kan jy al hierdie lekker goed plaas as jy weet ons sit droee bek by die werk? Dit is werklik waar swak van jou om so laag te daal.

Ek persoonlik dink dat jy by kleenex werk en dat jy profit share kry van al die tissues wat verkoop word. Ja daai einste tissues wat ons gebruik om al die kwyl van ons muise, keyboards, skerms en tafels af te vee.

Anyway, op 'n ernstige noot. Daai lyk baie, baie lekker. Dankie vir die deel.

[Eugene]

Gaan hom ook so probeer.n Skaap rib werk ook baie lekke so langs die flamme

Skaapblad of wildsblad ook! Werk baie lekker, veral as jy dit elke nou en dan baste met 'n lekker sousie!

[Dawie Malan]

Eugene

Blad sal ek glo is lekker so. Maar daai boud gaan DROOG wees.

My 2 sent

Groete

Dawie

[Frikkiedbr]

Frikkie,

Jy is sekerlik die mees onetiese persoon op die forum. Hoe de m&^r kan jy al hierdie lekker goed plaas as jy weet ons sit droee bek by die werk? Dit is werklik waar swak van jou om so laag te daal.

Ek persoonlik dink dat jy by kleenex werk en dat jy profit share kry van al die tissues wat verkoop word. Ja daai einste tissues wat ons gebruik om al die kwyl van ons muise, keyboards, skerms en tafels af te vee.

Anyway, op 'n ernstige noot. Daai lyk baie, baie lekker. Dankie vir die deel.

Nee glad nie, Ek dink dit kan net lekker wees so ja deel kan ons maar doen op die GROOT Familie BLAD
http://emoticoner.com/files/emoticons/smileys/bulbar-smiley.gif?1292867562

[Koos Barnard]

Dagse
Iets wat ek en my antie by die huis al gedoen het is om die hele boud of blad te neem en dit op die kole te braai. Met die omdraaislag sny jy net die dun skyfie af wat gaar is en eet. Dan smeer jy 'n lagie toorsousies aan. Braai tot dit omdraaityd is, sny gaar skyfie af... smeer toorsousies. So hou jy aan tot die boud heeltmal opgeeet is. Die braaier bly wel die hele tyd besig, maar glo my dis lekker om hom so te eet.
Mooi loop