QL data - 7x57 met 168gr Sierra MatchKing

[Johan Nel]

Ek benodig asseblief die hulp van die QL gurus tov QL data vir my 7mm Mauser. Die data vir die lading is as volg:

Kaliber: 7x57 Mauser
Looplengte: 614mm
Tipe Koeel & gewig: HPBT Sierra MatchKing 168gr
Dop: PMP
Dopkapasiteit: 58,59gr water (gemiddeld van 15 doppe gemeet)
Maks TPL: 82,2mm
Beplande TPL: ? (hier benodig ek raad asb, aangesien dit 'n boattail koeel is en mens gewoonlik kaliber deursnee greep op die skag vd koeel verlang)
Primer: PMP Large rifle magnum boxer primers
Kruit: S355 lot 008/08/2011

Ek hoor graag van julle.

[tripodmvr]

Met die geweerdata hierbo sal ek op 40gr S355 begin en oplaai in 0,5gr inkremente en 3 patrone oor 'n chrony skiet vir groepering. 'n TPL van 78mm sal sorg dat 7mm van die skag in die nek is. Die nodespoed is 2565vps. As jy dit oorskry moet nie verder skiet nie, want die volgende node is vêr oor maksimum druk. Bring die inligting terug en dan kan ons fyner bereken om die node te kry.

[Johan Nel]

Dankie tripod,
Ek beplan om Saterdag te gaan skiet, dan kom ek terug met die data. Ek het vergeet om te noem dat met 39gr S355 en die betrokke koeel teen 182,3mm tpl ek 'n spoed van 2316fps bereik het.

[tripodmvr]

1. Met die TPL (82,3mm) soos gebruik is daar slegs 3mm skag in die dop se nek. Daarom my 78mm aanbeveling. Ek het nou daarop bereken.
2. Probeer 43gr vir 'n teikenspoed van 2575vps (voorheen 2565vps). Laai nog 2 lotte van 3 of 5 patrone met 43,5 en 44gr.

Met die' 3 verskillende ladings kan ons verfyn as jy nie die teikenspoed kry of die groepe nie toemaak nie.

Die 168 HPBT werk mooi in my 7x64 asook in Oom PW se 7mm Tombi.

[Johan Nel]

Dankie,
Ek gaan dit so doen. Ek het die oorspronklike lading van 39gr en 82,3mm tpl gedoen om die doppe korrek te vuurvorm. Ek was wel bewus van die min greep wat die dop se nek op die koeel sou he. Ek gaan nou ladings laai volgens jou aanbevelings en dan terugvoer gee. Dankie weereens tripodmvr.

[Johan Nel]

Probeer 43gr vir 'n teikenspoed van 2575vps (voorheen 2565vps). Laai nog 2 lotte van 3 of 5 patrone met 43,5 en 44gr.

Met die' 3 verskillende ladings kan ons verfyn as jy nie die teikenspoed kry of die groepe nie toemaak nie.

tripod net een vraag nog. Moet ek 'n paar lading laer as 43 gr ook laai, of is dit glad nie nodig nie?

[tripodmvr]

Ek speel veilig en daarom vermoed ek dat die ladings miskien minder spoed gaan gee as wat ek bereken het. Daarom die hoër ladings om daarvoor te kompenseer. As ons na die laer node beweeg sal ons so 2 grein moet afbeweeg. Die spoed van 2575vps is vir my 'n baie goeie een vir die 7x57. Met my 7x64 kom ek by 2900vps uit met S385. Ek het dit nog nie in QL bereken nie, kan moontlik warm wees.

[Johan Nel]

Ek het toe vandag die ladings gaan skiet met die 168gr Sierra MatchKing en S355 kruit. Die data is as volg:

Lading - Spoed- Gemiddeld - Variasie

1. 43gr (2598; 2613; 2579) - 2597fps - 34fps

2. 43,5gr (2567; 2619; 1617) - 2601fps - 52fps

3. 44gr (2655; 2676; 2688) - 2673fps - 33fps

Ek kon slegs een groepering se grootte meet en dit was die eerste groep. Die ander groeperings was oor die teikens. Ek het my dogter saamgevat want ek wou haar ook 'n bietjie laat skiet. Ek het nooit tussen die groepe vorentoe gegaan om te sien waar die groepe geval het nie, en kon toe nie vroedtydig die nodige verstellings op my teleskoop maak nie. Die eerste groep was egter baie groot, 125mm. Die gemiddelde spoed is al klaar net verby die verlangde spoed. Ek sal waarskynlik die ladings met halfgrein inkrimente afwaarts moet aanpas en sien wat gebeur.

[tripodmvr]

Lading moet aangepas word na 42,5 vir spoed van 2373vps. Hopelik sal dit die groep laat toemaak.

[Johan Nel]

Dankie tripdmvr,
Sal die spoed so drasties daal (± 220fps) met slegs 'n halwe grein minder kruit?

Ek wil ook vra of jy dalk vir my QL data kan bereken vir 'n 150gr Barnes-X platbasis koeel. Dis die een met die soliede skag, nie die tsx nie. Ek het gister drie skote met van die koeels geskiet met 'n gemiddelde spoed van 2462fps (2471; 2453; 2462) met 39.9gr S355.

Die inligting is as volg:

1. Kaliber 7x57
2. Looplengte - 614mm
3. Projektiel - 150gr Barnes XFB
4. Dop - PMP
5. Gem dopkapasiteit - 58.59gr water
6. TPL: 78mm (????) Het hierdie tpl gebruik met die neem van die skote vir spoed, adviseer asb.
7. Maks TPL - 81,9mm
8. Kruit - S355 008/08/2011
9. Slagdop - PMP Large magnum Rifle Primers

Groete,
JHN

[tripodmvr]

Askuus, my syfer moes gelees het 2573vps.

Sal later kyk vir die Barnes se inligting.

[Johan Nel]

As ek kyk na Barnes-X se data op Somchem se tabelle asook na die geadverteerde spoed wat Barns-X op hulle tabelle aanbeveel (met ander kruite), is die minimum en maksimum spoed vir Barnes-X baie soortgelykas Somchem se minimum en maksimum aanbevole spoed met loodkern 170gr koeels (S355). Is my afleiding korrek dat solank ek dan dieselfde spoed kan dupliseer as met die aanbevole spoed hierbo vir die 168gr Sierra MatcKing, ek in dieselfde akkurate node sal wees?

[tripodmvr]

Het nou na jou versoek oor die ou Barnes X gaan kyk. Volgens QL is die nodespoed by 2694vps. Begin met 41gr en skiet 3 skote vir groep oor die chrony. Nou kan ons sien wat die' koeël doen en hoe hy in jou geweer reageer.

[Johan Nel]

Dankie tripodmvr,
Ek wou vandag die ander ladings vir die 168gr Sierras gaan skiet het, maar die reen het maar heeltyd gedreig hier by ons. Ek gaan 'n plan probeer maak deur die week en sal dan terugvoer gee.
Groete,
JHN

[Johan Nel]

Lading moet aangepas word na 42,5 vir spoed van 2573vps. Hopelik sal dit die groep laat toemaak.

Ek het 'n groep gaan skiet met bg lading(3 skote).
Groep was redelik, 27mm. Die gemiddelde spoed was as 2589fps (2586; 2620; 2563). Die middelste lesing is bietjie verrassend aangesien die doppe, die koeels en die lading geweeg is om dit so eenvormig moontlik te kry. Die gemiddelde spoed kom steeds nader aan die voorgestelde nodespoed van 2573. Hoe maak ek nou, gaan ek met kleiner inkrimente nog af om op die spoed te kom, of begin ek nou met die tpl eksperimenteer?
Ek het ook 'n lading van 42gr gelaai en geskiet en die gemiddelde spoed was 2513fps (2504; 2481; 2554). Die groepgrootte het ook vergroot na 37mm. Ek neem graag verdere advies.

[Johan Nel]

Ek het gaan kyk na die verskille in gemiddelde spoed van die verskillende ladings en het inkrimenties probeer bepaal wat die lading moet wees om reg op 2573fps te kom. Dit lyk na 42,3 - 42.4gr S355. Ek gaan 'n drieskoot lading van elk laai om te sien wat doen elk. Ek gaan ook een lading van 42.5gr laai en die tpl met 'n halwe mm langer laai (78,5mm teenooor die vroeere 78mm) en kyk wat die resultate is. Enige insette tov wat ek hier doen, sal baie waardeer word.

[DWB]

Ek het gaan kyk na die verskille in gemiddelde spoed van die verskillende ladings en het inkrimenties probeer bepaal wat die lading moet wees om reg op 3573fps te kom. Dit lyk na 42,3 - 42.4gr S355. Ek gaan 'n drieskoot lading van elk laai om te sien wat doen elk. Ek gaan ook een lading van 42.5gr laai en die tpl met 'n halwe mm langer laai (78,5mm teenooor die vroeere 78mm) en kyk wat die resultate is. Enige insette tov wat ek hier doen, sal baie waardeer word.

Oom Johan,

Pasop maar, teen daai spoed kan dinge lelik raak

[BRNO (Pierre)]

Ek het gaan kyk na die verskille in gemiddelde spoed van die verskillende ladings en het inkrimenties probeer bepaal wat die lading moet wees om reg op 3573fps te kom. Dit lyk na 42,3 - 42.4gr S355. Ek gaan 'n drieskoot lading van elk laai om te sien wat doen elk. Ek gaan ook een lading van 42.5gr laai en die tpl met 'n halwe mm langer laai (78,5mm teenooor die vroeere 78mm) en kyk wat die resultate is. Enige insette tov wat ek hier doen, sal baie waardeer word.

Oom Johan,

Pasop maar, teen daai spoed kan dinge lelik raak

Hehehe. Hier is nogals n paar vingerfoute gemaak hier

[Johan Nel]

Dankie kerels,
Dit moet lees 2573fps. Ek korrigeer my post. Smaak my ek het al die tyd 'n platskietkaliber en ek wis dit nooit...

[Johan Nel]

Het nou na jou versoek oor die ou Barnes X gaan kyk. Volgens QL is die nodespoed by 2694vps. Begin met 41gr en skiet 3 skote vir groep oor die chrony. Nou kan ons sien wat die' koeël doen en hoe hy in jou geweer reageer.

Net weer terugvoer oor bg aanbeveling. Ek het bg lading gelaai en gaan skiet. Die resultate was as volg:
Drie skote (2486; 2535;2561) met 'n gemiddeld van 2527fps. Die volledige inligting tov die lading is as volg:

1. Kaliber 7x57
2. Looplengte - 614mm
3. Projektiel - 150gr Barnes XFB
4. Dop - PMP
5. Gem dopkapasiteit - 58.59gr water
6. TPL: 78m
7. Maks TPL - 81,9mm
8. Kruit - S355 008/08/2011
9. Slagdop - PMP Large magnum Rifle Primers

Groete,
JHN

[Johan Nel]

Ek vra asseblief weer hulp. Ek kan nie tans Sierra MatchKings 168gr in die hande kry nie, maar wel Sierra GameKing in 175 gr. Ek vermoed dat daar 'n geringe verskil gaan wees in nodespoed en kruit vir die betrokke koeel. Kan iemand my help met 'n quickload lading asseblief.

Die inligting is as volg:
1. Kaliber 7x57
2. Looplengte - 614mm
3. Projektiel - 175gr Sierra GameKing Spitser boat tail
4. Dop - PMP
5. Gem dopkapasiteit - 58.59gr water
6. TPL: 78mm
7. Maks TPL - 81mm
8. Kruit - S355 008/08/2011
9. Slagdop - PMP Large magnum Rifle Primers

[Johan Nel]

Bump?

[Rudie]

Hi Johan,

Ek het terug gekyk op die post maar ek sien nie spoed vir die 175gr Sierra nie.

Daar is 2 nodes maar die hoër node is op maksimum druk .

38.5gr is 'n goeie begin en behoort jou op node te kry met 2385fps, gee eers vir my die spoed deur met die lading dan kan ons kyk of die hoër node haalbaar is.

[Johan Nel]

Maak so, dankie Rudi.

[Johan Nel]

Rudi,
Met die TPL van 78mm hoeveel mm greep het die koeel in die nek?