ATI 303 kolf

[sPRINGHAAS]

Goeie naand
Ek stel belang om n ATI monte carlo sintetiese kolf vir my 303 aan te skaf. My kolf is te kort en baie te laag. Kan enigiemand dalk n ingeligte opinie lewer oor die kolwe?

[Gawie(13mm)]

Dagsê.

Ek het al 'n paar van hulle vir vriende se roere opgesit en hul loop baie mooi.

Die wangstuk is egter nog steeds laag en een van Julian se verstelbare wangstukke loop mooi saam met die kolwe.

Hoop dit help.

[wlm]

Watter model 303 het jy? Ek kan dalk help.

[JTM]

Ek het ook al een vir 'n vriend opgesit. Goeie waarde vir geld , maar let wel op die volgende:

Dit maak die geweer baie ligter wat dan weer die terugskop meer maak.
Die plastiek recoil-pad is maar aan die harde kant.
Die wangstuk bly maar laag soos Gawie sê en sy voorstel van 'n JungleJulian wangstuk is 'n goeie een.
Daai swart dun sponsrubber plakker besigheid wat hulle saam gee om oor die kolf wangstuk te plak is sommer 'n mors van tyd.

Ek sal dalk nog voorstel om een van daai oortrek sokkie tipe recoil pads ook nog by te sit.

Vir die no.4 mk. II sal jy moet 'n stukkie plastiek weg sny uit die voorstuk om dit gemonteer te kry. Moenie bang wees daarvoor nie.

[sPRINGHAAS]

Dankie vir die terugvoer. Ek het n No1 Mk3. Ek het een van daai sokkie tipe wangstukke op hom probeer, maar die kolf was te dun so ek het nou een wat ek kan opsit.

[OU VOORSLAG]

Moet saam met die manne stem, hys bietjie ligter so hy skop bietjie meer, en die wangstuk is beter as die hout kolwe maar is nogsteeds bietjie te lag, ek het vir myne n ander kussing op gesit, en dit help ook met die terug skop.

[sPRINGHAAS]

Moet se hy skop soos n perd met daai stuk plastiek "recoil pad".. maar sjoe dit lyk darem baie nice!!!!

[243Songdaug]

Springhaas. Ek het al 'n paar van die plastiek kolwe opgesit en soos jy genoem het skop die geweer dan 'n barshou. Die oplossing is om die holtes in die kolf te vul - normaalweg gebruik ek hars vir permamente vulling en waar die manne nie kan besluit of die permanent moet wees nie vul ek die voorarm met hars en die kolf agter met venster klei.

Om die balanspunt te skuif kan jy koeëls of sinkers insit en vasklei of hars. As jy materiaal moet verwyder boor jy eenvoudig gate in die hars.

Dit maak 'n reuse verskil en dit haal die hol klank uit die kolf. Ligte gewere dra net lekker - ek soek my roere swaar en stewig.

Spandeer gerus 'n paar rand en vervang die recoilpad - die harde plastiek hou gewoonlik nie lank nie.

[hennief]

More ouens

Wat kos die kolwe?

Groete

Hennie

[BRNO (Pierre)]

More ouens

Wat kos die kolwe?

Groete

Hennie

En sit vir ons n foto op asb.

[hennief]

enf0041_left_stocks.png

[hennief]

ati enfield.JPG

[BRNO (Pierre)]

Dankie Hennie. Gaan hy op enige .303 aksie pas? Sien jy vra ook prys??

[hennief]

Jis Gawie

Is dit nodig om nogsteeds bedding te doen op die kolwe?

[hennief]

Pierre, volgens hulle website slegs Enfield 1mk3, en 4mk1,2&5
Sien niks van ander aksies soos P14 nie, maar glo Gawie sal jou kan vertel...

[hennief]

Pryse blykbaar in die omgewing van R1,500

[Hugo]

Waar koop mens die goed?

[hennief]

Wildman in die Kaap het twee in voorraad vir Enfield 1mk3. Prys R1,579
Glo die ander takke sal jou ook kan help.

[sPRINGHAAS]

Ek het R1600 vir myne betaal. Sien www.gicombatsupplies.co.za het hul vit R1350 voor posgeld. Klink ook of dit so by 1500-1600 gaan uitwerk.