Herlaai van 270 Win

[jedlo]

More

Ek skiet nou al baie jare met my 270 en het altyd n lading geskiet van 53.5gr S365 met 130gr punte. die groepering was nog altyd goed. Ek het onlangs my loop vervang en skiet nou met 'n 26" loop en moet 'n nuwe lading kry. Met alles wat ek probeer het is 54gr S365 by verre die beste. Ek kry 5 skote wat almal aanmekaar raak op 100m. Klink dit reg vir julle slim manne. Daar is effense drukmerke op die slagdop maar steeds aanvaarbaar. Met 53.5 gr het die geweer 3110ft/sek geskiet en ek aanvaar dit sal vinniger wees met die 54gr. Wat is julle opinie oor die lading?

[Carl]

Wel dit is Somchem se huidige maks lading so behoort veilig te wees-ander veranderlikes in ag geneem. Terloops die spoed van 53.5 op die 24" loop is hoër as wat Somchem gee as die maks spoed.
Drukmerke op die slagdop? Oom Cassie se artikel som dit mooi op in Junie se SA Jagter, as die tekens die verkeerdes is sal ek kyk na 'n laer node.
Die ander punt van maks ladings is jou loop gaan vinniger groet veral op 270W wat 'n overbore kaliber is.

[tripodmvr]

Met sekere lotte gaan die 54gr heelwaarskynlik baie oordruk wees. Meer detail sal 'n beter ontleding kan vermag. Kyk onder QL herlaai en gee die nodige besonderhede sodat veilige drukke bereik word.

[Jean Marais]

Ek het Saterdag 'n maat van my gehelp met sy 270. Ons het heeltemal wegbeweeg van S365, en oorgeslaan na S385. 150gr Spartan loop pragtig, goeie dopvulling, en die spoed lyk ook baie mooi. Ek kan netnie onthou wat die lading en TPL was nie, maar spoed so by 2850 rond.

Ek is g..vol vir die wisselvalligheid van S365.

[tripodmvr]

Stem vir S385. Dit het in my 7x64 die akkuraatheid gegee met die ou Barnes X. Druk is af en spoed is billik. Nou my rekords deurgeloer en die nuwe 150gr TSX het 'n 16mm groep met spoed van 2910vps gegee.

[Henry 7]

Is 385 bestendiger as 365 in terme van verskillende lotte?
Henry

[tripodmvr]

Is 385 bestendiger as 365 in terme van verskillende lotte?
Henry

Ek wil nie daaroor 'n mening uitspreek nie, want selfs S355 en S335 begin al snaakse tekens toon. Wees maar op die uitkyk vir afwykings.

[r1ch@rds]

Ek laai self 385 op my 270 en kry spoed van so net onder 3000 ft/s en is baie tevrede daarmee! Sterkte