9 Lammers later

[Philip Crous]

Die 13kg mannetjie Rooikat gister gevang na 5 weke se gespook!

[Pvdw]

Jammer oor die lammer maar uiteindelik lê hy!!

[222 Sako]

Phillip met wat het jy hom gevang? En hoe? Hok, yster, honde......
Bly v jou part. Hy kan vir jou lank besig hou met baie skade.

[Philip Crous]

Ons het ysters gestel by vars lammers wat gevang was, ons sleep die lam onder n bos in en maak n kraal met droe bosse en takke. Die yster stel ons dan in die bek van die ingang. Dit het nie gewerk nie, het nooitterug gekom aas toe nie, net elke keer n vars een gevang. Ons het n proefdraad wat deur die middel van die kamp loop met killer traps. Ons het die skaap toe ander kant die proef gesit. N week later toe kry ons die kat in die trap. Die trap het hom aan die agtervoet gevang so hy was baie haastig deur die trap.

[222 Sako]

Is die vangste toegekrap of nie?

[Philip Crous]

Nee, hulle was nie, ons het maar n kans gevat by elke aas wat ons wel kon opspoor. Vanjaar is n ander jaar by ons, gewoontlik krap die kat hom toe, dan weet jy hy behoort terug te kom. Maar ons het vanjaar nog nie sukses gehad so nie. Het jy dalk ander raad?

[Marc]

Dis skade man ! Goed jy het hom aangekeer gekry

[222 Sako]

Nee as hulle so maak weet ek nie, maar lyk of jou planne werk. Daai soort kry ek ook nie maklik ingeroep nie. Baie ry en lig en baie min slaap het my al gehelp met hulle.
Dis seker al klaar stiller na daai 1.

[Philip Crous]

Ja, dit het dankie. Ongelukkig is dit partykeer so dat jy 2 of 3 plekke het wat die goed gevang word en jy weet nie waar moet jy vat of los nie. maar ek is darem vir eers ontslae van een hindernis.

[Pieter]

Geluk Philip, goed gedoen, so 'n kat kan groot skade aanrig, ek sit met 'n klieënt, waar die rooikat hom looi, ons kry hom net nie in die hande nie, hy sleep die karkasse onder 'n bos in, ons is van vroegaand tot vroegoggend in die rondte, ons ry en lig die kamp deur, maar net mooi niks, maar hy bly vang, ek's al raadop ! dis nie pret om aand vir aand op dieselfde plek na 'n rooikat te soek nie, hokke en ysters werk ook nie.

Groetnis