Heinz se skietstoel

[THOMAST]

Ek lê in die veld op ‘n plaas tussen Fraserburg en Loxton. Het maar ‘n randjie uitgesoek sodat ek kan lê want die bossies is net hoog genoeg om lasting te wees as ek in die vlakte lê . Boonop is ek en sitskiet nie die grootste pêlle nie. Nie met my lyf nie. Elke keer as ek skuif, druk die skepste klip in die kontrei erens in my murg in. Doen die soort skietery al baie jare en ‘n man raak seker maar gewoond aan die ongemak, of hoe?
Nie vandag nie. Vanoggend toe ons klomp opstaan is die wereld wit geryp. Van daai koue wat deurdring tot in jou binneste. Alles is styf en elke keer as ek beweeg, dan druk daar ‘n verdomde klip op ‘n plek wat tot op hede ongeteister was.
Ai, om oud te word is nie vir sissies nie. My gedagtes dwaal. Word net kort kort in die rede geval deur ‘n skerp klip of doringkie. Hoekom myself so treiter? Daar moet ‘n beter, meer gemaklike manier wees om so ‘n voorsit skiet te doen.
Die trippie kom tot ‘n einde. Die saadjie is geplant. Ek soek ‘n skietstoel. Kyk rond op die forum, daar is niks wat my opgewonde maak nie.
So begin ek en Heinz Petersen te gesels oor stoele en nog meer. Hy bly nie te ver van my af nie. Heinz is ‘n man wat raakvat en het al met baie oulike apparaat te voorskyn gekom, alles te doen met die skiet wereld. Hy sê ek moet bietjie loer na sy stoel wat hy bou, seker al die hoeveelste prototipe, elke keer is daar ‘n verbetering aan die ontwerp. Ek bekyk die stoel en noem so ‘n paar veranderings wat ek graag wil hê om die stoel gemakliker vir my te maak soos langer pote, want hy is net te laag vir my om uit op te staan sonder ‘n groot gesukkel. Hy is egter besig om reg te maak vir ‘n oestery en ek sê ons moet weer gesels as hy terug is.
‘n Week of so later bel Heinz my. “Jou stoel is klaar” Ek is oorbluf en gaan haal die stoel . ‘n Paar dae later is ek met die stoel weg na ‘n skietplek.
Op 300m hang daar ‘n vierkantige staal plaat, 200mm x 200mm. 2 Skote op die plaat (blink merkies, ander 2 is 308) net onder 2 duim:


Nou kyk, dit is nie ‘n bench rest setup nie, maar hy is so na aan soos demmit aan ‘n vloekwoord. Ek is baie in my skik met die stoel.Is oortuig dat groepe nog gaan verbeter soos ek en my stoel mekaar beter leer ken.
Ek dink onwillekeurig aan NP van Wyk Louw se woorde :
“ ’n Beitel moet klip kan breek, as hy ‘n beitel is”
So lyk Heinz se stoel:

Hy vou lekker plat op:

Hier is myne met sy modifikasies:

Ek gaan nog ‘n belt vasmaak aan hom vir oor die skouer dra as ek veld instap.
Baie dankie Heinz, jy kan maar skietstoel maak, hoor!

[tripodmvr]

Doodeenvoudig, doelgerig en ewehandig daarby. So lig as moontlik en sal heel gemaklik sit ook. Puik ontwerp.

[maxboostsa1]

N dubbel strap rugsak gemaak vir hom sal ook lekker werk

[THOMAST]

Goeie idee.
Moet sê dat met 2 elmboë op die skietstut kan ek die geweer lekker verstel sodat ek die geweer vashou asof ek staan en skiet, of by 'n skietbank sit, maw die loop van die geweer is basies parrallel met my linker skouer

[Swys14]

ek besit self so een, die vakmanskap en ontwerp is puik, absoluut die geld werd!

[Piet Breedt]

Wat prys die stoel?

[Heinz Petersen]

Ek is weer besig om n paar skietstoele te maak vir die jag seisoen wat om die draai is. Enige iemand wat wat belang stel kan my maar kontak vir inligting.

[joe rocket]

Die stoel werk ongelooflik lekker het sommer 2 bestel.

[ruaanb]

Sommer baie netjies die stoel.

[Forester]

Ek is weer besig om n paar skietstoele te maak vir die jag seisoen wat om die draai is. Enige iemand wat wat belang stel kan my maar kontak vir inligting.

Heinz, ek het 'n email vir jou gestuur. Ek stel belang in 1 asb.

wynand dot visser1 by gmail dot com

[Eugene]

Heinz, gaan dit moontlik wees om die prys van die stoel hier te plaas? Ek dink daar sal baie meer belangstelling wees as ons weet wat die stoel prys. Dit lyk na 'n baie netjiese produk en omdat dit opvou, kan mens maklik 2 van hulle saamry baan of veld toe!

[blaser]

prys en waar is jy

[joe rocket]

Ek plaas sommer namens hom, want die oom is besig om te sweis. Een stoel oor vir R 1800. Die nuwe prys agv die staal wat so duur is R 1950 plus posgeld

[Gernie]

Waar kan ons die stoele sien?

[ruaanb]

Heinz is hier in Kuilsrivier in die Kaap.

[joe rocket]

Waar kan ons die stoele sien?

Sommer hier bo waar die foto's is

[cassie_calvinia]

oom Heinz moet maar sulke planne maak om te kan raak skiet...
netjiese stoele

[Heinz Petersen]

Ek gaan nou nog vyf stoele maak. Wie belang stel kan my PM of bel by 082 556 7274 om dit te bespreek.

[joe rocket]

Hierdie stoel werk regtig baie lekker en is baie sterk.

[PWV]

Ek gaan nou nog vyf stoele maak. Wie belang stel kan my PM of bel by 082 556 7274 om dit te bespreek.

Heinz, ek hoop die forumlid wat jou geld skuld vir 'n stoel, het al betaal.

[Hein M.]

Wragtiwaar 'n netjiese stoel! Moet sê, daardie geweer komplimeteer die stoel boonop Beide is iets om op jaloers te wees...

[joe rocket]

Daai forum lid moet op sy moer kry!!!!! Pateet bloedsuier noem sy naam die suurstof dief!!!!!'?!!!!!!!!!

[Hein M.]

Daai forum lid moet op sy moer kry!!!!! Pateet bloedsuier noem sy naam die suurstof dief!!!!!'?!!!!!!!!!

Mensig, broer... Meer inligting?

[Heinz Petersen]

Ek het twee skiet stoele oor vir die seisoen. As jy belang stel kan jy my kontak op 082 556 7274.

[Grysbok]

Hi i am looking for a plan to make a light day calling chair can any one help me out.