Wie van julle het Musgrave .22 gewere?

[JJV]

Hallo
Wonder sommer wie het ook van hierdie lekker .22 gewere??
JJV

[JJV]

//images.tapatalk-cdn.com/16/01/26/d73fcc58237a80b8cae4119fd4700d4d.jpg//images.tapatalk-cdn.com/16/01/26/d64c71ce51b2fb6528b1930f3db4b952.jpg

[tripodmvr]

Is dit die ambidex?

[Penkop]

Jip. Dis die Ambidex daai.

Ek dink daar is net 12 gemaak?

Nommer hoeveel is hierdie een?

[Tertius Steyn]

wow n Musgrave .22!? Eerste keer in my lewe wat ek een sien, baie baie mooi, dis Goud daai. Ek Het al eenkeer 2 Mauser .22's gesien, een wat soos n mini RSA aksie gelyk het, en dan die ander een wat ek gesien het soos n K98 gelyk het, baie mooi gewees net jammer hulle was nie te koop nie,

[JJV]

Hallo
Ja dis die ambidex, jy draai die skroefie agter op die slot los dan flip jy die handle oor, dan is hy vir ouens wat links is! Hy is no 0186. Gekry toe ek 16 was, laaank terug!!

[303]

As mens so een tekoop kan kry wat sal hy werd wees.

[JJV]

Google "musgrave abidex .22" daar is artikel op gunsite oor een, daai was die de lux model, ek het die std, nie 'n idee wat hy werd gn wees nie, hang seker maar af hoe graag jy 'n Musgrave .22 wil besit!!

[JJV]

"ambidex"

[win270]

Nooit geweet dat Musgrave .22 gemaak het nie. Baie interessant.

Maak deesdae se Musgrave manne op Ermelo ook .22s?

[Hein M.]

Ek wens daar was sulke volledige inligting beskikbaar oor alle Musgrave gewere... So jammer

http://www.thamesvalleyguns.co.uk/Musgrave22rifle.pdf

[tripodmvr]

Ek wens daar was sulke volledige inligting beskikbaar oor alle Musgrave gewere... So jammer

http://www.thamesvalleyguns.co.uk/Musgrave22rifle.pdf

Baie oulike artikel.

As ek reg onthou het 'n stywe prys belangstelling in die' geweertjie geknou.

JJV, hoe skiet jou geweer as dit by groepe kom? Vertel ons van jou geweer se geskiedenis.

[JJV]

Ek het die geweer gekry as my eerste geweer so omtrent 1993 se kant, hy het uitstekend geskiet met swartklip std en subsonic patrone, jy kon patroon gate sny op so 20 tree, het nooit teleskoop opgesit nie, hierdie is eintlik die tweede ene, die eerste geweer het doppies gebars as jy blitsers geskiet het, die dop het dan vasgesit en jy moes hom met skoonmaak stok uitstamp. Ons het die geweer by Musgrave in Bloemfontein gaan ingee en ruk later het hul nuwe geweer met oorspronklike nommer vir ons gegee. Nog geen probleem met geweer gehad nie, moet erken ek skiet bitter min met hom, so min dat ek nog Swartklip high velocity patroontjies oor het! Het Desember bosduif op so 30m uit boom laat val, so ons kan nog! Weet nie van iemand wat ook so een besit nie, dink hulle was nie te volop nie. Myne is by Middelkaroo (winkel) op Carnarvon gekoop, plek bestaan ook al lankal nie meer nie.
Groete
JJV

[Denzil]

Daar was oor die 300 gemaak. Drie modelle. Standaard, De Lux en Supreme.

Standard = Beechwood stock
Delux = Walnut met checkering
Supreme = Hoe graad walnut met rooi recoil pad (twee modelle met verskillende veiligheids knippe)

Die Pretoria Versamelaars Vereniging is besig om 'n boek te skryf oor SA gemaakte wapens en Musgrave maak 'n groot hoofstuk daarvan uit. Die boek kom in Augustus uit - beperkte druk.

Ek het 2 Ambidex .22's. 'n Std en 'n Delux. Het nog nooit 'n Supreme gesien nie.

[Penkop]

Hi Denzil,

Eerstens: Ek soek daai boek! Waar kan ek een koop as hy beskikbaar word?

Tweedens: Baie welkom op die forum!

[Denzil]

Jy moet nou bestel en betaal, hulle gaan nie veel meer as die bestelling druk nie.

Forward jou email adres, dan forward ek die write up en bestel vorm.

[thys308]

Hi ek die naweek so.22 gekoop vir my by ñ vriend vir R3000 en lyk na driftige geweertjie, hulle het die magesyn verloor. Waar kan ek een opspoor of pas daar ander vabrikate ook op die geweer? As iemand kan raad gee asb.

[JJV]

K mags se mauser .22 mags is blykbaar dieselfde, hulle het die mags vir musgrave gemaak.


Sent from my iPhone using Tapatalk

[thys308]

Baie dankie JJV
Ek glo ek sal nou reg kom met hulle.
Nou sien ek nog meer uit na my nuwe speel ding.

[JJV]

Jip gou in my boek gekyk Kmags het magesyne gemaak jy kry 5,10en 15 skoot. Ek het my Musgrave ambidex .22 al 24 jaar!


Sent from my iPhone using Tapatalk

[JJV]

[IMG]//uploads.tapatalk-cdn.com/201711 ... 3db17d.jpg[/IMG]


Sent from my iPhone using Tapatalk

[thys308]

Kan enige iemand my sê of mens ander sneller kan opsit
Om die voortrek beter temaak.
Ek het hom gepolish mr nogte te swaar vir my.

[Nico de Jager]

Ek het so Ambidex in 1988 gekoop by die Oosthuisen broers in George. Ek was baie ontevrede met myne. As ek net bietjie hard oorgehaal het, het ek met die slot in my hand gestaan. Toe ek hom uiteindelik terugvat het die oom gese hy het 10 verkoop en myne was die tiende een wat terugkom. Ek het toe vir my n Bruno gekoop.
Groete