Gemsbokjag met 30-06

[ddt]

Iemand al prakties die 190gr Nosler Accubond Long Range met 165gr Nosler Accubond vergelyk? Volgens data (+-50 000psi druk) van Quick Load/Quick Target is Momentum en wind defleksie beter en trajek omtrent dieselfde. BC Std ICAO: 0.475 vs 0.640

[Messor]

Ek sien baie mense wat hul ladings goed ken, en die teikens mooi raakskiet in die vitals op die skietbaan.
Dan kom dit skiet tyd van agter op die bakkie, en die manne kwes rof en blameer die koeels en die trajek en wat ookal.

Jy moet eerstens onthou dat op die skietbaan jou afstand bekend is, tweedens moet jy onthou dat n bakkie nie ‘n benchrest is nie. Die bakkie skud en beweeg soos die wind hom waai, die posisie sit heel anders as ‘n skietbaan, en klomp ander faktore wat mense nie aan dink nie.

Enige jag-koeel in die 165gr klas uit ‘n 30-06 is genoeg vir ‘n gemsbok, dis nou maar net die waarheid, die trick is net om raak te skiet.

[Apie]

Enige jag-koeel in die 165gr klas uit ‘n 30-06 is genoeg vir ‘n gemsbok, dis nou maar net die waarheid, die trick is net om raak te skiet.

Amen

Sent from my SM-G950F using Tapatalk

[Pappabeer]

Naand almal,
Ek wil bietjie hoor wat julle mening is oor die gebruik van 165g Nosler Accubonds in my 30-06 op Gemsbokke in die Kalahari? Watter dryfmiddels werk die beste? S365 of S355? Hoe werk 168g Sierra Game Kings? Ek het besluit op 165/168g punte sodat mens redelik plat kan skiet op verder skote.
Ek hoor graag wat julle dink.

Om terug te kom na jou oorspronklike post toe. Ek sal liewers die bonded roete gaan, maw Accubond in jou geval (natuurlik Woodleigh, Swift Scirocco of A-frame, Interbond etc etc ook) as die normale nie gebonde SGK. Op die regte plek gaan beide doodmaak, maar loop jy wel n gemsbok op 80m raak gaan jou SGK meer vleis mors. Dit was in elk geval my ervaring met gamekings in so n paar kalibers. As jy been tref is dit morsig.

Ek noem doelbewus niks oor monos nie, want dit het nie betrekking op jou vraag nie.

[Skietstoel]

Dankie vir die insette gelewer!
Ja-nee in die veld werk dinge anders, dis skietstokke, bewegende bakkies, 'n lyf wat moeg gestap is, asemhaling en hartklop wat vinnig is en o ja laastens: bokkoors. Dis maar 'n wrede siekte daai....
Ek het gewonder hoe sal die groeperings lyk van Scirocco's.

[tripodmvr]

Skietstoel, Sciroccos is temprementeel om akkuraatheid te kry en jy gaan redelik platsak uitstap om 'n mooi groep te kry.

Jy byt vas op die loodkern koele. My raad sou wees om 'n 150gr mono te kies en hy sal verseker met goeie skootplasing die nodige doen. Barnes en GMX is duur maar werk uitstekend. Krieke is plaaslik en dan ook GS en Frontier wat ek al gebruik het. Titan en Peregrine is ander wat gebruik kan word. Alhoewel die koele duur is, spaar hulle vleis - daar kan jy al die koeël se prys opmaak - een kg gespaar is R25+.

[Skietstoel]

Tripod,
Ek het ook al Sciroccos probeer in my 243 en kon net nie daarin slaag om n lekker groepering te kry nie. Gedink dat die twist iets daarmee te doene gehad het.
Die vraag met die monos is of dit nie regdeur die bok sal gaan sonder om “die kante te raak” nie? Pb het sekerlik meer vleis huistoe gebring as Cu?
Ek het nie n idee wat om te verwag van monos nie en weet ook nie mooi waar om te begin met herlaai nie. Watter punt werk die beste op my geweer, watter ladings werk, wat moet die jump wees, en dan ook die vraag: hoeveel skote gaan ek gebruik om die regte kombinasie te kry? Ek voel gemaklik om met die Accubonds te werk. (Ek het al n geslaagde jag op n takbok gehad daarmee maar nog nie op n tawwe bok soos n BWB of Gemsbok nie) Ek is nog nie tevrede met die lading wat ek daarnee ontwikkel het nie en ek voel ek moet nog meer werk doen.

[tripodmvr]

Ek het 'n vriend van my se 375 H&H, 250 Barnes TSX en S355 as voorbeeld. Agt skote en ons het sy lading gehad wat MOA geskiet het. Hy het reeds 3 bokke die seisoen daarmee laat bakkie ry. Almal een skoot doodskote.

Pb het miskien jare se voorsprong, maar as jy luister na verwikkelinge is Cu en legerings daarvan miskien die enigste koeëls wat vir toekomstige jag gebruik gaan word. Lees maar dit wat op Google beskibaar is. Gaan kyk ook Youtube videos oor koperkapelle se effektiwiteit.

[Messor]

Skietstoel

Jou brein hardloop nou rond reg oor die plek.
Mono’s oor die algemeen is baie maklik om te laai, omdat hulle meestal baie uniform is.
Jy sorg dat jy hulle mooi stabiliseer, en dat jy 2mm van die lande is, en daar gaan jy.

Ek gebruik cup and core, bonded en mono punte, alles het sy plek.

Op die internet sal jy ‘n paar MPBR calculators kry, toets jou kombinasies daarop en maak seker dat jy weet tot op waste afstand jy net in die middel van die bors kan mik. Maak ook seker hoe vêr die wind daai punt van jou waai.

En dit is maar dit.

[Nella]

Skietstoel, Sciroccos is temprementeel om akkuraatheid te kry en jy gaan redelik platsak uitstap om 'n mooi groep te kry.

Jy byt vas op die loodkern koele. My raad sou wees om 'n 150gr mono te kies en hy sal verseker met goeie skootplasing die nodige doen. Barnes en GMX is duur maar werk uitstekend. Krieke is plaaslik en dan ook GS en Frontier wat ek al gebruik het. Titan en Peregrine is ander wat gebruik kan word. Alhoewel die koele duur is, spaar hulle vleis - daar kan jy al die koeël se prys opmaak - een kg gespaar is R25+.

100% oom Tripod. ..
As daai my skieter was sou ek hom n 168gr Barnes di-eet gevoer het.
Vêr skote ...naby skote.. skote op snaakse hoeke, jy het n punt wat dit kan hanteer.

[Supacow]

Skiet net die bok. As die lood voor uitkom sal hy val

[Pappabeer]

My 165gr Sciroccos skiet mooi. Solank die dop vol S335 is en ek half vol Glenlivit as ek laai gee hulle minder as n duim op 100m. Die geweer is n Tikka .308, so dis dalk waar die geheim lê.

Skiet jou Accubonds wat jy het. Dis n goeie koeël. Ek kan jou amper wet as jy 100 skote oefen op bokteikens met goedkoper koeëls en jy toets weer die accubonds gaan jou groepe halveer. Die beste inser in beter groepe bly maar tyd agter die sneller. As hulle op is besluit dan waarmee jy daarna jag.

[Skietstoel]

Loodpille is dodelik! Hehe!
Vertel asb meer oor hoe julle te werk gegaan het om die 1 moa groepering te ontwikkel met net 8 skote?

[tripodmvr]

http://www.jaracal.com/viewtopic.php?f= ... twikkeling

[Skietstoel]

Dankie vir daardie stukkie inligting Tripod! Ek sien jy werk met QL en met enkelskoot ladings, baie interessante leesstof! Jy meld dat jy al op die skietbaan gesien het dat 71g op die node was? Waarna kyk jy?

[tripodmvr]

Huiswerk. Kyk onder die Quick Load hofie en lees ook wat Wouter oor QL skryf.

http://www.jaracal.com/viewtopic.php?f=132&t=12312

[Messor]

Moet sê, as ek een van daai goed (30-06) gehad het, menende as daar RERIG iets fout met my was( ), dan sou ek nie 165gr geskiet het nie.

Die rondte het genoeg poeier om ‘n 180gr punt baie mooi te skiet, en moderne 180gr bondeds het bitter goeie BC’s. So daai dae as die wind erg pla dan het jy ekstra versekering, and daai 180gr punt is swaar en sterk genoeg om alles plat te maak sonder veel vleis skade.

Ek self skiet bitter baie 180gr punte in my 308 op 500m, sommer rustig, om trajek uit te werk is baie maklik, maar wind lees is die eienskap van ‘n goeie skut.

Die 180gr in die ou ses druk maar bietjie die skouer, maar in ‘n jag aspek voel mens nie sommer die recoil nie, so ek sou dit sterk oorweeg.

[Skietstoel]

Ek het n vol pak 180grein Partitions maar sukkel om n goeie groepering daarmee te kry. Dit lyk egter vir my asof ek makliker gaan regkom met die 165g Accubonds. Ek dink dat die nul-ses beter gerat is vir 180 greiners as die 308 maar ek weet ook dat hy heel gelukkig voel oor 165-168 grein punte, waarmee ek nou bietjie mee wil speel - met die hulp van al die inligting wat ek hier en elders inwin.
Sodra ek die kans kry, gaan ek terug skietbaan toe om meer ladings te meet en dan alles bymekaar maak vir QL berekeninge om die nodes te kry.

[PWV]

Ek het n vol pak 180grein Partitions maar sukkel om n goeie groepering daarmee te kry. Dit lyk egter vir my asof ek makliker gaan regkom met die 165g Accubonds. Ek dink dat die nul-ses beter gerat is vir 180 greiners as die 308 maar ek weet ook dat hy heel gelukkig voel oor 165-168 grein punte, waarmee ek nou bietjie mee wil speel - met die hulp van al die inligting wat ek hier en elders inwin.
Sodra ek die kans kry, gaan ek terug skietbaan toe om meer ladings te meet en dan alles bymekaar maak vir QL berekeninge om die nodes te kry.

Hoekom maak jy hierdie stelling? Hoekom 180 gr beter in 30-06 as in 308?

[Skietstoel]

Die twee gewere oorvleul baie maar die 30-06 is meer die 180 grein geweer en die 308 is weer meer die 150 gr se maat - in bree trekke. Natuurlik sal die 308 n 180 gr punt goed kan afstuur.

[PWV]

Die twee gewere oorvleul baie maar die 30-06 is meer die 180 grein geweer en die 308 is weer meer die 150 gr se maat - in bree trekke. Natuurlik sal die 308 n 180 gr punt goed kan afstuur.

Skietstoel, my laaste oor hierdie onderwerp, maar ek soek nog jou redes vir jou stelling.

[Capt. Yoda]

Meeste scopes het nie genoeg verstelling vir n 24" loop 308 om n 180gr koel te skiet nie.....en dis mos oneties om die bok reg bo op sy kop te skiet as hy nie eers weet die koel val uit die wolke uit nie

[PWV]

Meeste scopes het nie genoeg verstelling vir n 24" loop 308 om n 180gr koel te skiet nie.....en dis mos oneties om die bok reg bo op sy kop te skiet as hy nie eers weet die koel val uit die wolke uit nie

Lichtenburg-filosofie!

[Skietstoel]

Die Lichtenburgers weet baie goed hehe!

[Skietstoel]

“Moet sê, as ek een van daai goed (30-06) gehad het, menende as daar RERIG iets fout met my was( ), dan sou ek nie 165gr geskiet het nie.”
My opmerking oor 308 was gemik op hierdie aanhaling deur n vorige skrywer...