Browning X-bolt - Die volgende ronde

[obasch]

Marius, et al,

Na die amper rampspoedige probeerslag met 'n skaal wat verkeerd lees het ek dinge oor gedoen en weer 'n paar ladings ge-chrony en die volgende lesings gekry:

Die geweer is 'n Browning X-bolt.

Chronograaf 5m van bank af.

Kaliber: 308Win
Koeel: (1) Nosler Ballistic Tip - TPL 71,8mm en (2) Swift Scirocco - TPL 72,6mm
Koeel gewig: 150gr
Dop: Lapua
H2o: 57,6gr
Slagdop: CCI
TPL: Sien hierbo
Magasyn kas Lengte: Genoeg
Loop Lengte: 22" (1:12 twist)
Kruit: S335

44,5gr S335 en die resultate is as volg:

150gr Nosler BT, Gem. 2911fps, ES 38

150gr Swft Scirocco, Gem. 2974fps, ES 47

Eersgenoemde se groepering is al heel aanvaarbaar maar die Scirocco s'n is pateties (meer as 3").

Waarheen nou?

Ek luister nog steeds by die radio.

[ruaanb]

Volgens my berekeninge is jy vêr in die rooi. Iewers is daar nog 'n groot fout.

[ruaanb]

Ek kry baie naby aan wat jy kry in QL maar druk wys hier by 70k psi. Daai kort lopie....
Skiet 41gr vir beide koele dan kyk ons.

[tripodmvr]

As vergelyking. My nodes vir my 22 duim 30-06 en 150gr koele is by 2860vps. Jy wil die 308 in 'n 300WM verander.

[obasch]

Akkuraatheid was nog altyd vir my die maatstaf. Waar lê hierdie geweer se nodes? Is S335 die regte dryfmiddel vir 150gr koeels?
Terloops beide my 308 Brownings, dit is die 1970's FN en hierdie X-bolt skiet 150gr PMP bruinboks teen identiese spoed van 2770fps met ES van 35 en amper in een gat.

[ruaanb]

daar is jou antwoord dan. skiet bruin boksie PMP want duidelik hoor jy nie ons waarskuwings nie.

[svanzyl10]

Ek het n Browning A-Bolt in 308 en laai 41gr S335 in lapua doppe met 150gr Sierra punte. Gaaitjies raak mekaar.
My loop is ook 22" met 1 in 12 twist.

[Messor]

Obasch, al wat die manne sê is jou lading is te warm, that's about it.

Begin laag chrony op, moenie oor 2800ft/s gaan nie.

Waar het jy daai lading gekry, hoe het jy daarop besluit?

[Armand Steenkamp]

Laai 43.5gr agter die 150gr BT. Ek het nie QL nie maar maar skiet hom oor die crony en ky hoe lyk die groep. As jy meer as 2800fps kry kom nog bietjie af

[joe rocket]

Appels daai spoed is naby my 300 winmag met 180gr koele. Jou doppe gaan nie hou nie en jou roer ook nie. Laai 40gr. en kom gee data deur.

[obasch]

Dankie Messor/Armand,
Sal dan sien wat maak 43,5gr S335

[tripodmvr]

Obasch, mens bekruip die hoër spoed van die ander kant af. Ek stem saam met Joe. Begin by 40gr en dan kan ons opwaarts beweeg. Een grein gaan nie noodwendig help nie.

Ek persoonlik sou een patroon vir elk van 40, 41, 42 en 43gr laai om die brandtempo te bepaal. Nou kan ons met QL die node akkurater verkry.

[Gawie(13mm)]

Laai 43.5gr agter die 150gr BT. Ek het nie QL nie maar maar skiet hom oor die crony en ky hoe lyk die groep. As jy meer as 2800fps kry kom nog bietjie af

Hallo!
Gaan jy iemand aanraai om 20 liter diesel in sy petrol Ford bakkie gooi om te sien of die verbruik beter is, want jou Toyota diesel bakkie is lig op sous?

Jou lading wat jy voorstel is ook 4000 psi in die rooi op die man se roer.

40 grein gaan hom so 2656vps by die kroon gee en dit is waar hy moet skiet. Enige iets meer en jy "facebook" die spulletjie.

[Armand Steenkamp]

Ek het nou maar my post uit gevee.
Lekker skiet en lekker laai manne