Lekkerste Maandag van Junie...

[Ben Remington]

Goeie môre....

Myburgh het vir my om die vuur gesê hulle is klaar met hulle toetse en hys vreeslik lus om in die koue oggend om 'n lekker vuur te sit in 'n kraal ....die saadjie was geplant en ek was self ook lus vir so iets. Toe ons deur die Gamagarra Rivier ry half vyf gisteroggend was dit -5 grade en ek het geweet dis wat Myburgh wou hê...maar op hierdie stadium het hy lekker gelê en slaap agter in die bakkie. Toe ons die rooi tweespoor sandpad vanaf die hoofpad vat het die son begin opkom en die eerste plaashek se ketting was koud van die ryp. So 15 minute voor sonop het Myburgh se vuur gebrand in die kraal soos hy dit wou hê...die Koringvoëls het begin woel en die Tortelduiwe het begin met hulle kenmerkende geluid wat die nuwe dag aankondig. Ek het lekker plat op die sand saam met Myburgh gesit en gesien die man is bly hys in die veld in plaas van in die skool...my hart was tevrede. Ons het lekker gejag en ek het twee baie mooi varkbere geskiet en 'n mooi Gemsbok koei...wat 'n voorreg om saam met my seun so 'n lekker dag in die veld te beleef. Vanoggend half een vat hy my om die skouers en sê vir my baie dankie vir als...die dag was suksesvol.

Groetnis

[Ben Remington]

...

[Ben Remington]

...

[.270 Man]

Ai maar dit altyd lekker om so saam n man se seun so n dag te gaan geniet.

Sent from my SM-G930F using Tapatalk

[Daneel]

Baie mooi Ben.

Jy is baie "lucky" dat jy so iets saam die jong man kan doen.
Die tyd saam in die vled is wat hy vir altyd sal onthou.

[joe rocket]

Lekker Ben mooi varke daai. Altyd lekker om saam jou klong te jag. Hoekom martel jy vir Ruger so? Het hy darem n stukkie wors gekry?

[koos 2]

Baie dankie vir die deel,

[Joe13]

Mooi vertel, bevoorreg!

[theedge]

Baie mooi Ben.

[Hein M.]

Fantastiese ervaring

Mooiloop!