Soutbad annealing dop voorbereiding volgorde.

[J le Roux]

Goeie Dag

Ek vra asb. advies oor dop voorbereiding volgorde wanneer dit by soutbad anneal kom. Dit is die eerste keer dat ek anneal, en dit lyk of die soutbad metode akkuraat en herhaalbaar is.

Ek glo die primers moet uit voor ek doppe in die bad, bek na onder, laat sak vir 6 sek teen 500 grade C.

Die komplikasie is ek deprime met fullsizing. Moet ek dan maar voor en na annealing fullsize? My matryse is volgens GS customs se bump metode opgestel, ek droog tumble ook.

1 FL size en deprime
2 Tumble
3 Soutbad anneal
4 FL size, maak skoon met asetoon
5 Sny Lengte
6 De burr en chamfer
7 Primer pocket en flashole skoonmaak
prime

Kan die 2 keer FL size net om primers uit te haal nadelig wees?

[Gawie(13mm)]

Vir rondom R300 kan jy 'n Lee "universal decapping die" koop.
Elke keer wat jy die stang van die matrys deur die dop trek, verhard jy onnodig die nek.

[J le Roux]

Dankie Gawie, ek moet seker maar gaan inkopies doen.

[ruaanb]

Lyman se decapping die is die beste van die lot.

[henk.spioenkop]

Ek gebruik dit. Vinnig.


Sent from my iPhone using Tapatalk

[J le Roux]

Dankie julle. Ek het die Lee Universal Decapping Die gekry. Ek kan nie met die ander vergelyk nie, maar hy werk foutlloos.

Die soutbad annealer werk vinnig en konstant. Ek anneal maar nog net een dop op n slag, maar doen so 8 doppe per minuut.

Groete
Johan

[Hein M.]

Dankie Gawie, ek moet seker maar gaan inkopies doen.

Of jy kan die bitter moeilike pad stap om die slagdoppie uit te tik met 'n hamertjie en dun staalpennetjie...

Groetnis!

[J le Roux]

Kyk bietjie wat skop Google Chrome se AI uit.....

Die korrekte volgorde vir dopvoorbereiding (reloading case prep) is noodsaaklik vir akkuraatheid en veiligheid. Begin deur doppe skoon te maak, inspekteer vir skade, smeer (indien nodig), verwyder die ou slagdop en vorm die dop (resizing), sny die dop tot die korrekte lengte, ontbram (chamfer/deburr), en plaas 'n nuwe slagdop.
Hier is 'n algemeen aanvaarde stap-vir-stap volgorde vir dopvoorbereiding:
Skoonmaak: Maak die doppe skoon (tuimel) om kruitreste en vuilheid te verwyder.
Inspeksie: Kontroleer vir krake, skeure of tekens van druk.
Smering: Smeer die doppe liggies (nie nodig met karbied-dies vir pistool nie).
Formering en Ontslagdopping (Resizing/Depriming): Gebruik die matrys (die) om die dop na die regte afmetings te bring en die ou slagdop te verwyder.
Skoonmaak van Slagdopgat: Maak die sakkie vir die nuwe slagdop skoon (opsioneel, maar aanbeveel).
Doplengte Kontrole: Meet die dop met 'n skuifmaat (caliper).
Sny/Snywerk (Trimming): Sny doppe wat te lank geword het na die korrekte lengte.
Ontbraming (Chamfering/Deburring): Vyl die binne- en buitekant van die dopnek glad.
Slagdop Plasing (Priming): Plaas die nuwe slagdop.
Wenk: As jy soutbad-annealing doen, word dit dikwels na die skoonmaak- of vormingsproses gedoen om die nekspanning te uniformeer soos bespreek op jaracal.com.

[tripodmvr]

Na hittebehandeling moet die dop hervorm word om die nek weer te verhard, anders gaan jy sukkel met geen of min nekspanning. Dit is ook nodig om dan die doplengte te toets omdat die passtukke vir dopsnyers gemaak is om styf in die hervormde nek te pas.

[Capt. Yoda]

Oom Maruis daai is nou vir my nuus