Raad met 25-06 lading

[Lukie]

Middag aan almal

Ek is besig met ladingontwikkeling vir nuwe koeels vir my 25-06.

Peregrine VLR5 104 gr
Doplengte 62.2 mm
Dopvolume 69 gr
TPL 82 mm
Trompsnelheid 3207 fps gemiddeld

Die volgende is wat ek op QL regkry nadat ek die spoed gechrony het. Dit lyk of node 4 dan op 49.6 gr kan wees, maar dan is die druk 57656 psi.
(Max is 65267 psi.) Is die voorspelde druk nog aanvaarbaar?

Enige hulp is welkom.

[Andre308]

Jou dop vul is baie laag.

Groete
Andre

[Lukie]

Dankie Andre. Stel jy 'n ander dryfmiddel voor?

[Andre308]

Naand Lukie,

Om jou eerste vraag te andwoord, jy sal kan skiet op die lading wat jy hier bo gepos het.

En ja, ek het nou nie my rekenaar by my nie, maar ek glo jy behoort beter dop vul te kry met N560.

Maar gaan skiet jou lading en kyk wat hy maak. Ons is soms so vasgevang in seker "reels" dat ons soms iets mis. Net miskien werk daardie setup goed.

[tripodmvr]

My berekening verskil effe van joune. 49,9gr vir 3250vps. Druk 58K psi.

Ek bereken gewoonlik om 5000psi onder maks te wees. Hierdie lading is gemaklik onder. N560 sal moontlik beter vaar, maar ek stem saam met Andre308. Kyk hoe hy maak. Die 49gr lading kan moontlik al begin wys het of daar potensiaal is. Grootte van groep?

[Lukie]

Dankie vir die raad, menere.

Die groepering is nog nie waffers nie. 4 duim op 200 m vir die 7 skote wat ek deurgesit het, om eerlik te wees. (Kan heel moontlik die skut se skuld wees.)

Ek sal opdateer na die volgende sessie.

[tripodmvr]

Lukie 2506 Node 4.png

[Lukie]

Terug van die baan af met nuwe resultate:

Met die 49.9gr N550 is die gemiddelde snelheid 3187.8 fps

Met 51.1gr N550 kry ek 3191.6 fps en 'n beter groepering. (Geen druktekens nie.)

Wat reken julle? Moet ek hom nog opvat met die lading, of 'n ander dryfmiddel probeer? Die data oor N550 vir 25-06 is maar min.

[Lukie]

Screenshot 2025-03-15 220952.png

[tripodmvr]

Kyk na hierdie berekening wat op node is

Lukie 25-06 1.png

[Lukie]

Baie dankie!

Ek gaan hom so bietjie moet "tweak," ek sien die bullet weight op Oom se berekening is 103gr. Ek gebruik die 104gr punte.

[Lukie]

Hoe lyk hierdie?

[tripodmvr]

https://peregrinebullets.com/wp-content ... -Rev14.pdf

Gewig aangepas - slegs 0,1gr verskil

Lukie 25-06 2.png

[Lukie]

Baie dankie, Oom. Ek waardeer dit opreg.

Ek sien nou waar ek fout maak elke keer - ek herstel nie die Burn Rate Factor vanaf die oorspronklike gegewens af nie. Sodra ek dit wel doen, dan klop my QL met Oom s'n.

[tripodmvr]

Toemaar, het al baie glipse met QL gemaak. Een verkeerde stukkie data en jy het probleme. Looplengte, TPL, dopvolume, lading en spoed is die vyf wat jy moet nagaan. Laat weet hoe skiet die geweer met daardie lading.