Watse 303 is die?

[Chrisjan]

[img width=800 height=600]http://i1143.photobucket.com/albums/n62 ... 010029.jpg[/img]
[img width=800 height=600]http://i1143.photobucket.com/albums/n62 ... 010028.jpg[/img]
[img width=800 height=600]http://i1143.photobucket.com/albums/n62 ... 010026.jpg[/img]

Die is my pa se 303, watse jaar en maak dink hulle is dit die? Dink julle hy kan 'n scope hier op sit? Sy oe is nie meer so goed nie.

[Geno]

Daai is 'n P14!
Hulle is boggerol werd. Ek sal jou pa R300.00 vir hom gee.
Ek grap net, hou vas aan daai gun, daai aksies is kwaai om 'n groot gun op te bou!

[jmb]

Ja Chrisjan daardie is 'n P14. Dit is seker die naaste wat jy aan 'n K98 aksie kan kom sonder om een te kry. Die aksie is geweldig sterk en jy kan hom mooi maak deur daai ore te laat verwyder. Die ding het een van die lekkerste veiligheidsknippe wat ek nog gesien het.

[Armand Steenkamp]

Daai aksie maak die 303 n goeie kaliber.

[Christo]

Ek gaan later vir jou 'n foto plaas van die miesies s'n wat mooi gemaak is

[Hein M.]

Chrisjan,

Hou daai een.  Hy is gesog indien dit opgepas is.

Hein M.

[Boesman]

Hi Chrisjan

Lekker aksie en lekker kaliber. Wat is julle planne met hom? Ek kan aan 'n legio planne dink en is daarom vrek nuuskierig. Hou hom as hy nie te veel pla nie.

[Jagtersdok]

Laat bou vir jou 'n stewige yster op daai P14.
Daai aksies kom uit Remington se fabriek uit en hulle loop mooi.

"The Rifle, .303 Pattern 1914 (or P14) was a British service rifle of the First World War period. A bolt action weapon with an integral 5-round magazine, it was principally contract manufactured by companies in the United States. It served as a sniper rifle and as second line and reserve issue until being declared obsolete in 1947. The P14 was the successor to the P13 Enfield and the predecessor of the U.S. RifleThe need for additional small arms combined with a shortage of spare industrial capacity led the British government to contract with U.S. commercial arms manufacturers, Winchester, Remington and Eddystone (a subsidiary of Remington set up principally to manufacture the P14) to produce the P14 for the British before the US entered the war in 1917"

[Armand Steenkamp]

Laat maak hom n epps! Dan het jy n agtermekaar roer!

[JACQUES BOTHA]

mmmm.
Jy het kla n roer in daai p14.
Daar is n enorme verskil tussen n p14 en lee-enfield.
Alhoewel die kaliber dieselde is, Is daai p14 n OOM GEWEER EN NET SO AKKURAAT soos enige ander akkurate kettie,
Jy sal nie spyt wees as jy hom voltyds inspan op grootwild nie, Hy kap n eland lat hy soos n nat sak val
jy kan van 125gr tot 220grein in hom gooi.
Groete
Jacques 

[Wielie Waps]

Ek het self een van daai destyds net laat sport en sal hom nie verander nie.
Skiet lekker groepe en het al 'n hele paar goed laat val.
Ek het destyds net sovel opinies gekry as wat Louis102 oor sy jakkalsjag roer gekry het.
Ek laaik my P14

[Monrique (SJ)]

Chrisjan

Ek het self n P14 .303 myne het net nie die krom 'handle' soos joune nie,maar die reguit een wat later vervaardig is. Sterk manne daai. Myne skiet ek met n scope op met 150gr en het al van Springbok tot Eland gekap met hom.

Voorwaar n lekker geweer.

Groetnis
SJ

[Manton]

OK dis nou n ou draad wat ek weer oopmaak ( oopkrap)
Daar is kans ek kan so n aksie in die hande kry
Ek soek asb terugvoer van mense wat die geweer ( Enfield) P14 besit
Het julle aan die geweer laat werk / kaliber verander / enige ander werk laat doen - ander kolf / nuwe loop ens.
Hoe moeilik was dit ?
Wie het die werk gedoen ( watter geweersmid )

Enige inligting sal met graagte ontvang word

[Wielie Waps]

Haĺlo Manton
Myne is Epps , deur Gerrie Coetzee gedoen met Boyds kolf.
Stuur my n whatsapp , dan deel ek graag fotos en groepe met jou.
Nul 82 8nul8 9300

[Giepie]

Manton, ek weet nie waar jy is nie, maar daar is 'n klompie geweersmede wat graag aan so aksie wil werk. Ek is net bietjie vas nou, maar ek het so P14 wat ek 375H&H gaan maak. Eagle barrels gaan die loop doen, die geweersmid by Wildman Centurion juk om die aksie aan te pas. Moet nog besluit oor kolf.

Groot pyn gaan die polisie sake wees, kaliber verandering ens.

[Manton]

Manton, ek weet nie waar jy is nie, maar daar is 'n klompie geweersmede wat graag aan so aksie wil werk. Ek is net bietjie vas nou, maar ek het so P14 wat ek 375H&H gaan maak. Eagle barrels gaan die loop doen, die geweersmid by Wildman Centurion juk om die aksie aan te pas. Moet nog besluit oor kolf.

Pietermaritzburg KZN
Maar min geweersmede hier in die Wêreld - wat sulke werk - teen n billike prys - sal wil aanneem.
Lyk vir my geweersmede wat sulke werk wil aandurf is gebaseer waar die "ryk-mense" woon

Gedink aan n 9.3 kaliber patroon wat van Ruger 375 / 300PRC dop gevorm sal word ( 9.3 x 64 - maar nie n Brenneke nie )
Goeie ou kaliber net so goed soos die 375 H&H

[walkabout]

Manton, wat van Alan Henry in Toti?

Ek het al van sy gewere gesien wat hy gebou het en uitstekende werk.

[Manton]

Manton, wat van Alan Henry in Toti?

Ek het al van sy gewere gesien wat hy gebou het en uitstekende werk.

Ja dankie ek was al op n vorige keer daar gewees
Volgens wat ek hoor is sy pryse bietjie aan die hoe kant ?

[walkabout]

Ja, jy mag dalk reg wees, maar ek ken ook nie ander geweersmede se pryse om te vergelyk nie (hy is defnitief nie "bottom-dollar cheap" nie, maar dan die kwaliteit van sy werk wys ook waarvoor jy betaal).

Hy het 'n picatinny railing (eers gesoek en gekry in Pretoria) opgesit vir 'n nuwe 5-25x56 Vortex teleskoop op my +45jaar oue 30-06 Musgrave so 2 jaar terug; ook my nog baie ouer haelgeweer ge-cerakote; en ek het nie gedink sy pryse was TE rof nie. Die 30-06 skiet baie akkuraat en my haelgeweer het uitstekend uitgekom; so mens moet maar besluit wat belangrik is vir jou. Sterkte.

[walkabout]

Manton net om die bogenoemde in konteks te sit - ek het ook 'n quote van AH gekry om 'n teleskoop op my my (baie oue) Remington .22 te mount, en maar verbygehou... Ek was egter bereid om 'n prima prys vir my (enigste) jaggeweer te betaal. Hoop dit help.

[Manton]

Manton net om die bogenoemde in konteks te sit - ek het ook 'n quote van AH gekry om 'n teleskoop op my my (baie oue) Remington .22 te mount, en maar verbygehou... Ek was egter bereid om 'n prima prys vir my (enigste) jaggeweer te betaal. Hoop dit help.

Dankie
Ek sal bel en afspraak maak