Gevries of ontdooi..??

[Cobus(Cobb)]

Ek koop meestal my vleis net voor braaidag of braaityd, maar soms moet 'n ou maar van die maand se vleis uit die vrieskas gryp.
Hoe maak julle manne met ontdooi??
1)Microgolf is totaal uit want vleis trek vrek taai
2)Vinnig ontdooi in 'n bak water?
3)Stadiger ontdooi in die son?
4)Braai dit van gevries af?
5)Baie stadige ontdooi in die yskas?

Ek luister
Cheers

[Kalahari]

Ek ontdooi ook maar by kamertemp, (wat in die somer partydae draai diep in die 30 grde), dan word Saterdagaand se vleisie middag uitgehaal en so by 6uur "reggemaak" en 7-8 op die kole. Wintertyd sommer die oggend vroeg al uitgehaal om te ontdooi.
Ek het maar so grootgeword.
Warm water en mic voel ook nie vir my reg nie en nog minder gevries op die kole.

[FCLoretz]

Ek haal die vleis uit om teen kamewr temperatuur te ontdooi, maar indien ek haastig is verkies ek warm water.

[Jakkalsgat]

Manne

Laat hierdie meid nou vir julle vertel. Enige vleis wat jy braai of andersins gaar maak is beter as dit nie gevries was nie. As jy egter vleis moet ontdooi, laat dit gebeur by kamertemperatuur deur die dag. Warmwater werk nie, dit is geneig om vleis wit te maak en vesels te laat uitsit wat veroorsaak dat sappe ontsnap en vleis taai word. Vleis ontdooi beter in kouewater as warmwater en behou die vleis sy sappe en tekstuur beter.

Groete
Jaco 

[MJK]

Jaco +1 maar ek gebruik warm (nie kook nie) water SLEGS as die vleis goed ge- vacuumpack is. Maak net seker dat plastiek nie gaatjie in het nie. Dan ontdooi vleis baie vinnig en geen effek op die kwaliteit van vleis nie. Maar oo wee as daar gaatjie in is - daai wit vleis sit my sommer af!  Ontdooi in kamer is die beste. Yskas vat te lank, veral as dik vleis is

[johnny]

Kamer temperatuur is die beste , as dit steak is wat verpak is dan yskas as daar tyd is tot so 5 dae lank,

groetnis

Johnny

[Darrylth]

Wanner ek vleis koop dan koop ek grootmaat en laat alles vacuum pack. As on vanaand gaan braai dan haal ek die sak met die tjoppies of steak uit en sit hom in 'n bak koue water. Half uur of so draai ek hom om in die water, veral as dit 'n staal bak is, want hy maak ys op die bodem.
Ek sit dit nooit in die microgolf, al kom daar nou iemand bietjie laat daaraan wat nie vleis gebring het, die process bly die selle. gee jou ook dan kans vir 'n verversing of twee voor jy braai

[Sarel]

As jy die volgende aand die vleis wil gaar maak en dis gevries, haal dit die vorige aand uit en sit dit in die yskas. Die minste bloed word getrek.

Dis my ondervinding.

[Johnnie De Wet]

Van gevries tot op die vuur laat jou chops opkrul. Microwave maak jou vleis grys, dit kook, dit braai nie, die maillard effek is afwesig. Ek "dab" die oppervlakte van my vleis met handoek rol om goudbruin te braai. gebruik warm kole dat die vleis nog lekker sappig binne is.

En waar ek ek met Jan-Braai, Jamie Oliver en Gordon Ramsey verskil..... HYS DIE LEKKERSTE VAN DIE ROOSTER AF, daars geen rede dat vleis eers moet rus nie. As jy gril vir n rooi steakie eet eerder rooiworsie, dis sonde om vleis te lank te braai.

[BLOK]

Destyds toe ons nog die Saddles Steak Ranch gehad het was ons geleer dat as steaks gevries is jy dit nie moet ontdooi en dan braai nie. Vat die steak netso gevries en smeer hom goed olie en sit op die kole. Rede daarvoor is as jy steak ontdooi le daar altyd die bloed onder in die bord of bak nou daai is tog die steak se smaak en sappigheid wat nou weg is. Deur olie om te smeer seel jy die steak en as hy aan die buitekand dan gaar word behou die steak die smaak en sappe binne.

Weet nie is maar soos Spur Saddles ens ens. dit doen

[Frikkiedbr]

Ja nee vars is altyd beter, maar as mens nie kan nie moet mens plan maak.

Blok moet sê daai raad klink reg. Al die bloed wat jou steak in lê is die steak se goedheid

Mens moet dit probeer, en sien, proof in the poeding.
Nog nooit probeer nie.

Altyd dit ondooi op kamer temp.

[Frikkiedbr]

Manne

Laat hierdie meid nou vir julle vertel. Enige vleis wat jy braai of andersins gaar maak is beter as dit nie gevries was nie. As jy egter vleis moet ontdooi, laat dit gebeur by kamertemperatuur deur die dag. Warmwater werk nie, dit is geneig om vleis wit te maak en vesels te laat uitsit wat veroorsaak dat sappe ontsnap en vleis taai word. Vleis ontdooi beter in kouewater as warmwater en behou die vleis sy sappe en tekstuur beter.

Groete
Jaco 

Jaco die laat my dink oor die grappie
Die agent sê aan die Boer: “Meneer, ek soek ’n naamlys van jou werkers en hoeveel jy elkeen van hulle betaal.”

Die Boer sê: “Wel, daar’s my voorman wat al 30 jaar lank vir my werk: Ek betaal hom R1 400 ’n week, plus gratis verblyf.”

“Dan is daar ’n verstandelik vertraagde ('mentally challenged') werker :
Hy werk so wat 18 uur ’n dag. 7 dae ’n week en doen omtrent 90% van al die werk hier rond.
“Hy verdien sowat R100 ’n week, maar betaal vir sy eie verblyf. Ek koop darem elke Saterdagaand vir hom ’n bottel Brandewyn sodat hy kan byhou ('cope') met die boerdery. My vrou laat hom ook soms toe om by haar te slaap.”

Die agent sê: “Daai’s die ou met wie ek wil praat!”

Sê die Boer: “Dáái ou sal ekke wees, meneer.”

[vriell]

Destyds toe ons nog die Saddles Steak Ranch gehad het was ons geleer dat as steaks gevries is jy dit nie moet ontdooi en dan braai nie. Vat die steak netso gevries en smeer hom goed olie en sit op die kole. Rede daarvoor is as jy steak ontdooi le daar altyd die bloed onder in die bord of bak nou daai is tog die steak se smaak en sappigheid wat nou weg is. Deur olie om te smeer seel jy die steak en as hy aan die buitekand dan gaar word behou die steak die smaak en sappe binne.

Weet nie is maar soos Spur Saddles ens ens. dit doen

Blok jy is reg.As ek haastig is dan braai ek skaap,steaks en hoender so van gevries af en was nog altyd smaaklik vir my.

Het eendag by die spur 3 keer my medium tot rare steak terug gestuur .Lieflik gaar buite maar gevries binne...