Sinvolle gesprek: Boogjag by water

[Eugene]

Manne, ek weet die ding is al tot vervelens toe bespreek, maar ek en Kalahariklong wil graag die ding sonder bakleiery en slegsêery redeneer, so as jy nie iets van waarde kan toevoeg nie, sit op jou hande of steek jou keybord weg!

Kalahari, hier is my perspektief:

Ek wonder baie of hierdie vraag deur boogjagters gevra word en/of dit gevra word deur geweerjagters wat niks van boogskiet af weet nie. Boogskiet is wel ‘n uitdaging en spesifiek oor die maksimum afstande wat betrokke is, hier is natuurlik nou weer ruimte vir ‘n debat, naamlik wat is die maksimum “etiese” afstand... Ek sê, dis is die vêrste afstand wat jy nog 5 pyle binne ‘n 100mm sirkel kan skiet, maar dis maar my opinie en my maksimum afstand is 30y (ek kan verder skiet op papier, maar het die streep hier getrek met jag).
Ek was ook aanvanklik net bereid om te W&S, maar het vinnig agtergekom dat dit nie so maklik is soos wat dit op die DVD’s lyk nie. Enige normale jagter kan binne 30y van ‘n bok af kom onder ideale afstande, om egter 30y kan ‘n bok af, jou boog te span en reg te maak vir die skoot vanuit ‘n stabiele posisie, sonder dat jou prooi jou sien, is ‘n heeltemal ander storie. Dus, die doel van jag is tog ook om iets te skiet, nie net te bekruip nie! As dit my plaas is en ek ken die area, die bokke en hulle bewegings, gaan W&S vir my maklik wees. Ongelukkig het min van ons daai voorreg en meeste van ons het 3-4 dae per jag en dit is bloot net nie genoeg tyd om ‘n plaas en bokke se bewegings te ken nie. Daarom sit ons in hides...
Nou kan jy verseker ‘n hide in die middel van die veld gaan opsit en heeldag daar sit en miskien kom daar ‘n verdwaalde bok verby en jy kry ‘n skoot, maar dit sal hoogs toevallig wees... Dis moet die bokke gelok word, met water, sout of voer... Is dit egter aanvaarbaar en “eties” om ‘n bok wat lus is vir sout, bo-op ‘n soutblok te skiet, of wat van bokke wat honger is in die droogtetyd wanneer die veld kaal is en kom voer soek? Is dit “eties” of is die probleem net water?
Ek luister baie na hierdie argument en dan wonder ek waarom die ou wat springbokke voorsit (wat ook op pad water toe is...) wat aangejaag word deur ‘n bakkie, of werker of met perde, geen probleem daarmee het nie, maar ‘n probleem het met ‘n hide by die water? Of wat van die ou wat duikers of bosbokke in Natal gaan skiet, waar aanjaers op blikke slaan om hulle uit die ruigtes te kry? Is dit nie ook oneties nie? Baie jagters skiet bosvarke op voer dood, vanuit ‘n platform met ‘n lig en ‘n geweer? Hoe kan dit nie vergelyk word met ‘n boogjagter in ‘n hide nie?
Al wat ek kan dink is dat dit die water ding is, dors bokke is kroonwild klaarblyklik...
Soos ek op die ander topic gesê het, is daar vir my net 2 tipe bokke, die wat op pad water toe is en die wat op pad terug is. As die “etiese probleem” dus is om ‘n dors bok te skiet, hoe gaan jy bepaal watter bokke is op pad water toe en watter is op pad terug. En waar gaan jy daai streep trek wanneer jy mag skiet? 50m, 100m, 300m van die water af? So as ek ‘n “etiese en ware” jagter is, kan ek dus 400m van die water af sit, wag tot die rooibokke verby stap water toe en hulle skiet op pad terug? Dan is alles mos OK? So, volgens daai redenasie, kan ek mos nou net wag dat die bok klaar drink en 5 tree wegstap, dan kan ek die pyl los en het ek ‘n “etiese” jag gehad?
‘n Plaas in Botswana, waar ek al gaan jag het, sê een grens is die rivier, 5km lank en dis die plek waar die meeste bokke geskiet word. Kom ons sê ek loop 500m van die rivier af, parallel met die rivier en ek sien BWB wat op pad is rivier toe. Hulle gaan beslis nie swem nie, so hulle moet dors wees en wil gaan drink, is dit nou oneties van my om te skiet? Ek skiet mos nie by die water nie en ek is verby die heilige streep van die water af? Maar ek skiet steeds ‘n dors bok....
Hoe verskil dit van ‘n boogjagter wat in ‘n hide by water sit? As jy nog nooit in ‘n hide was nie, moet ek jou sê, dis nie net vir kom en kom kry nie! Weet jy hoe erg is die bokkoors as jy 8 ure alleen in ‘n hide gesit het en daar kom skielik ‘n mooi rooibokram in? Dan moet jy saggies opstaan en in posisie kom, jou pyl nock en wag dat die bok regstaan vir ‘n plankdwars of QA skoot, terwyl daar geen bokke agter is nie. As jy daai kans kry, moet jy nog die afstand bepaal, die boog span en aanlê en seker maak van jou skoot en pin... Meestal kom daar 20-30 rooibokke op ‘n slag in en staan jy soms 30 min met jou boog in jou hand en wag vir ‘n oop skoot, terwyl hulle maal en beweeg en agter jou gekwose bok gaan staan, sodat jy nie ‘n skoot het nie...

Die ergste van hide sit, is om 13 ure alleen in ‘n hide te sit en niks te sien nie en dan môreoggend weer 4 uur op te staan en dit weer te doen... Dis nie geweerjag nie kêrels, daar is nie ‘n siësta en ‘n cooler agter op die bakkie nie, wat jy wil eet en drink moet jy saamvat en daar is nie middagslapies nie...
Ek dink manne wat boogjag wil kritiseer, moet eers saam met ‘n boogjagter in ‘n hide gaan sit, voordat jy iets wil bevraagteken waaroor jy dalk nie al die kennis het nie...

[Katefbessie]

Baie goeie redenasie Eugene.
Ek is selfs i boogjagter en hoor presies wat jy se... Ek dink jou verduidliking en uiteensetting van jou redenasie gaan baie nie-boogjagters goed laat nadink oor die saak.

[Geno]

Die ergste van hide sit, is om 13 ure alleen in ‘n hide te sit en niks te sien nie en dan môreoggend weer 4 uur op te staan en dit weer te doen...

Feite! Ekself het al 3 dae agtermekaar so gesit, met net 'n enkele wildebees en duiker wat ingekom het. Dis hel!

[FHM]

en ek sien BWB wat op pad is rivier toe. Hulle gaan beslis nie swem nie,

Amper verstik ek in my koffie

Is jy doodseker Eugene...dat hulle nie gaan swem nie...

[KalahariKlong]

Eugene, baie dankie vir die insiggewende stukkie skrywe van jou.
Ek was al saam met 'n vriend in 'n hide oor water. Hy het 'n rooibok geskiet en dit het vir my net TE maklik gevoel, dalk was hy net gelukkig. Soos jy noem het ek nie die kennis van 'n persoon wat dit al 'n geruime tyd doen nie.
My redenasie (wat ek glad nie beskou as die alfa en omega nie) is dat 'n persoon oorgaan na boog jag juis omrede jy 'n groter uitdaging soek as geweer jag.
Ek voel die argument wat jy maak oor 'n dors bok skiet of 'n bok skiet wat klaar gedrink het dra nie baie water (no pun intended ) nie. Jy gaan daai tiepe bok orals in die veld kry. Dit is nie die redenasie nie. Die redenasie wat ek het is om 'n bok by water te skiet waar hy gedwing word om te wees. Hy MOET kom drink.


Op die volgende skrywe van jou :
" Weet jy hoe erg is die bokkoors as jy 8 ure alleen in ‘n hide gesit het en daar kom skielik ‘n mooi rooibokram in? Dan moet jy saggies opstaan en in posisie kom, jou pyl nock en wag dat die bok regstaan vir ‘n plankdwars of QA skoot, terwyl daar geen bokke agter is nie. As jy daai kans kry, moet jy nog die afstand bepaal, die boog span en aanlê en seker maak van jou skoot en pin... Meestal kom daar 20-30 rooibokke op ‘n slag in en staan jy soms 30 min met jou boog in jou hand en wag vir ‘n oop skoot, terwyl hulle maal en beweeg en agter jou gekwose bok gaan staan, sodat jy nie ‘n skoot het nie..."

Daar is geen enkele aksie wat jy nie ook in 'n mate aanwend in W$S en selfs geweer jag nie. Bykomende faktore is natuurlik dat jy moeg geloop ook is. Jy maak geraas en jy is sigbaar.

Nou kan ons natuurlik redeneer dat as jy by water sit dwing jy die wild om na jou toe te kom en as jy w&s soek jy na die wild.
Sou jy in jou eerlike opinie voel dat dit 'n groter uitdaging is om 'n bok oor water uit 'n hide te skiet met 'n boog as om met 'n geweer te w&s?

Geen van die vergelyking wat jy maak uitsluitend springbok voorsit is vir my 'n etiese wyse van jag nie (*). Sou 'n persoon natuurlik die springbokke by die water voorsit verander die prentjie. Hou ook in gedagte dat skiet van bosvark hoofsaaklik sy oorsprong ook maar maak van ondier beheer af.
Ek het geen probleem om met my geweer by die water te gaan sit en 'n jakkals of 'n kwesbok te skiet nie, maar gaan ek dit jag noem.. nee. Ek gaan ook nie varke voorsit en na die tyd sê ek het gaan varke jag nie. Volgens my is dit skiet en nie jag nie. (*)

Ook het ek al twee dae geloop en geloop op ons einste Wouter se plaas en niks geskiet nie, maar ek kan eerlik sê ek het my hart uit gejag en 'n harde jag gehad.
Kan 'n man wat in 'n hide sit dit vir homself sê na 8 ure se wag? Ek weet nie, dis hoekom ek vra.

Ek wil jou weer bedank vir die volwasse manier waarop ons hierdie gesprek kan voer.
(*) manne dis maar net om te sê dat dit MY eie siening is en dat ek niemand kritiseer of beoordeel nie.

Groete
KK

[SV MAD (Henk)]

Ek het nie n probleem met boogjag by water nie.

Vir my is dit rustige tyd, wat ek met my eie gedagtes is, en bietjie met my Skepper kan gesels.

Ek kom 1 of 2 keer per jaar uit om met die boog te gaan jag. Dus WIL ek graag iets skiet om huis toe te neem. Ek is nie so geseend so 90% van die forum manne wat permanent in die buitelug is nie. Dus wil ek graag 'n bok skiet terwyl ek op jag is.

as ek nog baie in die bos gekom het, sou ek baie graag wou walk en stalk. maar my tyd is beperk, en ek wil ook iets skiet. Is dit eties van my? In my oe ja, ek oefen by die huis, en skiet elke dier waar ek mik, en elke dier het nog binne sight van die hide geval. Maar julle kan verskil met my.

Jy vra of 8 ure se sit "harde jag" is? As jy vir 3 dae sit, en dan kom 'n eland of 'n koedoe bul ingestap, moet jy die absolute inspanning vat om nie daai dier te skiet as dit nie op jou budget is nie.

Verder, kan daar tientalle bokke om die hide en voerbak/water wees, maar jy kry nie 'n skoot nie want 1) die diere is onrustig en paraat (en dan soek jy vir moeilikheid en n kwesbok as jy dan sou skiet), 2) geen skoot nie (geen bok wat kwart-weg op plankdwars staan), of as jy dit kry, is daar bokke agter die bok wat jy wil skiet. Ek het al per geleentheid my boog 20 keer getrek en geletdown toe 'n trop rooibok ooie daar ingekom het. Was n hele 2 ure voor ek 'n skoot kon skiet.

[stan man]

ek het al n keer of wat naby water gejag en volgens my is daar nie vout met dit nie.
as die onetiese kaart oor hierdie gegooi word,vra jouself dan net af of is die natuur dan nie maar ook oneties nie??
leeu's en luiperd ens. jag maar ook naby water gate.

[Hugo]

Die ergste van hide sit, is om 13 ure alleen in ‘n hide te sit en niks te sien nie en dan môreoggend weer 4 uur op te staan en dit weer te doen...

Feite! Ekself het al 3 dae agtermekaar so gesit, met net 'n enkele wildebees en duiker wat ingekom het. Dis hel!

Dit was seker op Wildevy Krans...

[Smiley]

Eugene, dis 'n interresante gesprek wat jy hier van stapel stuur.

Eerstens ek is 'n geweerjagter. Dit voel vir my asof daar twee standaarde bestaan, naamlik:
1. Boogjagters mag by waterpunte, met lekke en voer jag
2. Geweerjagters word totaal by hierdie punte verbied.

My punt is, wat eties beskou word vir die een, is totaal taboe vir die ander.

[Geno]

Dit was seker op Wildevy Krans...

Nee, daai plaas het baie bokke...











Met tags in hulle ore.

[Eugene]

Eugene, dis 'n interresante gesprek wat jy hier van stapel stuur.

Eerstens ek is 'n geweerjagter. Dit voel vir my asof daar twee standaarde bestaan, naamlik:
1. Boogjagters mag by waterpunte, met lekke en voer jag
2. Geweerjagters word totaal by hierdie punte verbied.

My punt is, wat eties beskou word vir die een, is totaal taboe vir die ander.

Smiley, jy kom eintlik by die punt wat ek wil maak. Daar is 'n onderskeid tussen die twee en deur die twee as dieselfde te sien, sal daar altyd 'n "etiese" probleem wees. Geweerjag kan nie met boogjag vergelyk word nie, want dis nie dieselfde ding nie. Sien geweerjag as een dissipline en boogjag as 'n ander, met elkeen sy reels en norme en waardes.

Ek doen albei en ek skiet nie by water (of uit 'n hide uit) met die geweer nie, maar doen dit tog met 'n boog, sonder dat ek enigsins skuldig of oneties voel.

Dieselfde met bakkiejag! As jy van 'n bakkie af wil jag in die bosveld, doen dit, ek persoonlik dink jy doen JOUSELF 'n moewiese onreg aan, want jy mis baie, maar as jy dit wil doen, hoekom nie?

Ek kan nooit verstaan waarom geweerjagters verontwaardig en bakleierig raak oor boogjagters wat in hides by water sit nie. Dit pla hulle mos geensins nie, as jy nie daarvan hou nie, moenie dit doen nie en as iemand anders dit doen, watter invloed het dit op jou? Ek is nie 'n bakkiejagter nie en verpes dit einlik, maar my afkeur daarin het niks met etiek te doen nie, eerder persoonlike gevoel. As jy egter wil bakkie jag, het dit tog geen invloed op my wat wil W&S nie en ons kan dit selfs op dieslefde plaas doen! Waarom dan ons opinies en voorkeure op mekaar wil afdwing?

Daar is tog 'n plekkie onder die son vir boogjagters, geweerjagters, bakkiejagters en langafstandjagters, of is daar net een stel eng reels waaran almal moet voldoen?

[243Songdaug]

Eugene en Kalahari, dis 'n interesante gesprek wat julle voer - ek hou van die manier waarop julle die ding benader.

Omrede ek weet hoe moeilik dit is om met 'n boog binne 'n etietse skietafstand van 'n bok te kom het ek nie 'n probleem daarmee dat boogjagters by 'n watergat of oor voer/soutblokke wild skiet nie.

Ek verskil egter van die benaming of woord "Boogjag by water": in my oë is dit skiet en nie jag in die ware sin van die woord nie nie en val vir my in dieselfde kategorie as 'n persoon wat vanaf 'n bakkie na wild skiet of 'n persoon wat diere skiet wat gedruk word.

Tydsbeperkings verander die manier hoe ons jag/skiet, ek veroordeel nie 'n ander se siening nie, maar ek hoef dit ook nie na te volg nie - nie almal van ons het die luukse om vir 'n week te gaan jag/skiet en dan met leë hande te kan terugkeer huiswaards nie - voorts verwag die grondeienaar ook dat daar wild afgehaal word, dis hoe hy sy inkomste maak, as die jagters dus nie wild afhaal nie gaan hy oes spanne kry en binnekort gaan hy nie eers meer die moeite doen om te sukkel met jagters nie.

Daar is so baie faktore/punte wat vir en teen die gebruik geargumenteer kan word, my gevoel is: as dit vir jou reg voel doen so voort, MAAR gun 'n ander persoon die reg om van jou te verskil - soos Eugene en Kalahari hier op 'n baie volwasse wyse doen.

[Eugene]

Songdaug en Kalahari, ek lees en respekteer julle opinies en kan myself grootliks daarmee vereenselwig, maar my vraag is dit: Wat maak dit werklik saak wat ek dit noem? Ek noem dit jag en julle noem dit skiet! Maak die keuse van die woord werklik 'n verskil aan wat ek doen? Die einddoel is dieselfde, ek wil biltong/vleis hê!

Ek benader dit so, as ek vinnig gedurende die dag of na werk 10km uit die dorp ry na 'n klient se plaas en sommer 'n springbokkie of blesbok oor die spieeltjie skiet, pens uithaal en by slaghuis afgee, het ek gaan skiet, dis nie jag nie! Maar as ek my behoorlik voorberei het deur te oefen, my toerusting nagegaan het en seker gemaak het alles is reg, bietjie gewerk het en tyd in die wonderlike natuur spandeer het, dan het ek gejag...

As julle beter kan slaap en ons kan vriende bly as ek eerder die woord skiet gebruik, vir dit wat ek as jag beskou, roep dit dan as skiet en ek sal nie terugslaan nie. Vriendskap is mos maar 'n neem en gee besigheid en mens kan nie altyd neem nie... Ek sal dit dan in my stilte steeds as jag beskou en dit so beoefen dat ek my nie hoef te skaan vir wat ek doen nie, ongeag wat ons dit noem!

Dankie vir die geleentheid om lekker te kan redeneer, sonder dat ons kwaad raak. Ons verskil, maar dit hoef ons nie vyande te maak nie! Ek luister graag nog!

[243Songdaug]

"Vriendskap is mos maar 'n neem en gee besigheid en mens kan nie altyd neem nie... Ek sal dit dan in my stilte steeds as jag beskou en dit so beoefen dat ek my nie hoef te skaam vir wat ek doen nie, ongeag wat ons dit noem!"

Klink vir my na 'n plan - jy mag verskil(met reg)

Groete.
Jaco

[Philip_R]

Jy vra of 8 ure se sit "harde jag" is? As jy vir 3 dae sit, en dan kom 'n eland of 'n koedoe bul ingestap, moet jy die absolute inspanning vat om nie daai dier te skiet as dit nie op jou budget is nie.

Henk, as daardie diere wat nie in die budget val nie inkom kan mens ook maar lekker terugsit en die nabyheid van die natuur geniet, As kameelperde kom sout lek en 15tree van mens af staan en water drink en lusern van die grond af eet, of 'n Nyala bul 'n ander een by die sout kom wegstoot is 'n dag in die natuur gemaak. Ek skiet daardie diere maar met 'n kamera, dit help om die pyl ver van die boog af te hou.

Ek het ook nie 'n probleem met hide jag met 'n boog nie, Ek het wel 'n probleem met voorsit jag waar diere met motorfietse aangejaag word. Dit is natuurlik my persoonlike gevoel. Ek dink ook dit is enige boogjagter se droom om te kan walk en stalk, maar mens moet iewers begin. As mens die paar verlof dae wat mens aan jag kan afstaan gaan loop in die veld en net nie daardie "skill" het om naby genoeg aan 'n dier te kom nie, gaan die boer volgende jaar vir mens sê jy kan maar in die hide sit sodat hy darem sy diesel vir die week kan betaal.

Hierdie is 'n debat wat nooit almal sal oortuig nie, amper soos Mech vs Fixed blades. Vir my persoonlik is dit baie makliker om 'n bok in die karoo of in die bos te gaan skiet met 'n geweer as om 'n bok met 'n pyl uit 'n hide te skiet. As 'n rooibok weet jy is daar, of dit vermoed, gaan jy hom kwes of mis al het hy stil gestaan toe die pyl loop. En elke minuut wat jy vir die bok wag om rustig te raak of 'n skoot te gee, raak die senuwees meer.

Met 'n geweer gaan hy nie vir die koël kan koes nie, maak nie saak hoe op sy senuwees hy is nie. Dit gesê moet jy darem nogsteeds jou wapen kan gebruik en skiet waar jy mik.

[KalahariKlong]

Eugene en die res van die manne, baie dankie vir julle bydrae.
Soos ek genoem het is ek glad nie 'n kenner nie, ek moet dalk 'n punt daarvan maak om dit meer te probeer saam met iemand voor ek finaal my siening daaroor opmaak.
Wat verseker is is dat almal 'n liefde vir die natuur het en al verskil ons op hierdie tipe van klein puntjies het ons almal 'n passie vir die natuur en die bewaring daarvan, juis daarom kan ons lekker om 'n vuur sit en die dinge bespreek al verskil ons met respek van mekaar.
Weereens baie dankie.

Mooi loop
KK

[SV MAD (Henk)]

Vir my persoonlik is dit baie makliker om 'n bok in die karoo of in die bos te gaan skiet met 'n geweer as om 'n bok met 'n pyl uit 'n hide te skiet. As 'n rooibok weet jy is daar, of dit vermoed, gaan jy hom kwes of mis al het hy stil gestaan toe die pyl loop. En elke minuut wat jy vir die bok wag om rustig te raak of 'n skoot te gee, raak die senuwees meer.

.

Dankie vir die waarheid. Ek geniet ook die diere as hulle inkom. Ek wag dat die bokke rustig raak, want dan raak ek ook rustig (al kry ek nogsteeds bok koors as ek die diere deur die boogsight sien).

Geweer is maklik, kyk deur die scope, trek die sneller. My challenge is om die PERFEKTE skoot met die boog te skiet as die bok voor my staan

[Marc]

Ek besit reeds n gillie suit en ou Leon Heydenrych le nou al seker vyf jaar aan my vir n boog. Het al lekker met syne geskiet en selfs al saam hom tyd in n hide spandeer. Dalk is dit tyd, miskien moet ek dit doen om beter te kan verstaan

[egenis]

Dankie vir die waarheid. Ek geniet ook die diere as hulle inkom. Ek wag dat die bokke rustig raak, want dan raak ek ook rustig (al kry ek nogsteeds bok koors as ek die diere deur die boogsight sien).

Hel ek het so twee weke terug sleg bok koors gekry toe ek 'n mooi rooibok ram wou skiet! Toe ek my boog lig en deur die sights kyk - toe lyk dit ek loer vir die bok deur 'n tandeborsel. Eweskielik somer 50 pins op daai bok!

[Eugene]

Eugene en die res van die manne, baie dankie vir julle bydrae.
Soos ek genoem het is ek glad nie 'n kenner nie, ek moet dalk 'n punt daarvan maak om dit meer te probeer saam met iemand voor ek finaal my siening daaroor opmaak.
Wat verseker is is dat almal 'n liefde vir die natuur het en al verskil ons op hierdie tipe van klein puntjies het ons almal 'n passie vir die natuur en die bewaring daarvan, juis daarom kan ons lekker om 'n vuur sit en die dinge bespreek al verskil ons met respek van mekaar.
Weereens baie dankie.

Mooi loop
KK

Kalahari, jy het net weer vir my gewys dit is moontlik om op 'n volwasse en vriendelike wyse oor iets te verskil, maar dit tog sinvol te bespreek, sonder onaangenaamdhede! Dankie daarvoor!

Wat ek baie geniet van in 'n hide sit, is dat jy meestal die geleentheid kry om diere dop te hou wat nie van jou bewus is nie. 'n Hide is nie 'n "onsigbaarmakende mantel" nie en jy moet nog steeds sag en stadig beweeg, maar as jy stil sit of staan, kan jy baie meer sien as wanneer jy w&s. Ek geniet dit altyd as daar 'n troppie blou apies of bobbejane inkom. Hulle is ongelukkig baie skerp en gee jou vinnig weg, maar dis great om hulle malewales dop te hou!

Boogjag (of skiet) uit 'n hide is ook nie altyd maklik nie. Ek het al 2 dae in 'n hide gesit en absoluut niks behalwe duiwe gesien nie en die 3 de dag het ek 2 blesbokke (uit dieselfde troppie), 'n eland en 'n rooibok geskiet, almal voor middagete! Julle moet ook ingedagte hou dat daar gewoonlik 8+ hides op 'n plaas is en dat almal gewoonlik water het en nie almal beset word nie. Dis daarom nie 'n geval van vrek van die dors of word geskiet nie!

Groete manne en geniet die natuur, dis hoekom ons almal hier is! Sorg dat jy jou nooit hoef te skaam vir dit wat jy in die natuur doen nie, dan is jou etiek jou eie en niks met niemand anders te make nie!

Vreugde en vrede!

[BRNO (Pierre)]

Groete manne en geniet die natuur, dis hoekom ons almal hier is! Sorg dat jy jou nooit hoef te skaam vir dit wat jy in die natuur doen nie, dan is jou etiek jou eie en niks met niemand anders te make nie!
Vreugde en vrede!

Hierdie is n mooi motto waarmee jy in jou hart kan loop.
Mooiloop

[Dimitri]

Kalahari

There are different perspectives on the questions you raised in the ethics thread. I am pleased that people were permitted to give there personal perspectives here without being attacked. Here is my personal perspective as a walk & stalk hunter:

You asked the question whether people took up bowhunting for the challenge it presents? I took up walk & stalk bowhunting for exactly that reason - the fact that it poses a greater challenge than rifle hunting - and I enjoy taking up that extra challenge a few times per season.

Not that w&s hunting with a rifle is not challenging - it is - but there are some differences:
- the average bow shooter is limited to 35m shots. Some guys are capable of shooting a bit further. I limited myself to 35m. With a rifle you can easily shoot beyond that distance if you choose to. It is far more difficult to get to within 35m of an animal without being seen or heard than it is to get within say 100m of that animal
- the bowhunter has to have a bigger shooting lane than a rifle hunter because the arrow travels in a greater arc and the arrow is much longer and wider than a bullet. Therefore one has to be more careful that the shooting lane through the bushes is bigger than the lane you could use with a rifle
- the bowhunter is normally restricted to broadside or slightly quartering away shots. The rifle hunter, using good bullets, can take shots from various angles and can rely on his bullet reaching the vitals
- the bowhunter does not normally take a shot - especially at certain species - if the animal is aware of him and looking at him. Under such circumstances, the animal is on such high alert that it often sees/hears the arrow coming, or hears the sound of the bow after release, and it can duck completely under that arrow (called stringjump), or worse - be wounded. The rifle hunter does not need to worry about that.
- Once you have got to within 35m you still have to draw your bow, which may require you getting to your knees if you have been leopard crawling. Getting to your knees and drawing the bow are big movements and are often spotted/heard when you are within 35m. That, most commonly, ends that particular stalk. The rifle hunter merely flexes his finger and can shoot prone, sitting and other position.

I knew all of these things when I took up w&s bowhunting and I accepted that I would be using my hunting and stalking skills more than when I hunt with my rifles. I also knew and accepted that I would make less kills with my bow than with my rifle because it is just so much more difficult and challenging walking and stalking with a bow.

At the time I started bowhunting I realised that there were very few people who were walking & stalking with their bows. I realised that there were many people who chose to shoot from hides but I, naively, thought that it was simply to get some experience shooting their bows at animals and that they would then move on to the greater challenge. That assumption proved incorrect. There are still comparatively few people that walk and stalk with their bows. There may be many reasons for that but one of the most commonly given is that people cannot afford to drive so far and spend so much money on a trip without having a good chance of killing something. As I mentioned, I see it differently.

I see little difference between shooting an animal at the hide using a bow, firearm or even silenced firearm when it comes to the degree of skill required. In fact, the only skill required to shoot from a hide is the ability to shoot. The shooter does not require any of the other skills that a walk and stalk hunter will require. Eventually, the animal will come in to drink water. The fact that the animal MUST come in to drink or is enticed to come in to eat lucerne/maize/whatever or lick salt/molasses/whatever goes against the "fair chase" principle of the w&s hunter and that is why they do not see it as ethical hunting regardless of the type of weapon. You said that you, and you assumed many others - will never shoot an animal at the water with a rifle. Perhaps it is for the reasons I described above - that it just does not feel fair/right to do that? I don't know but I respect your right to make that decision for your own reasons.

Yes, there are many stories of people waiting hours or days before an animal comes in to the hide (but eventually they will). However, there are also stories of the farmer off-loading the shooter at the hide and some lucerne at the feeding point and the animals come running in just minutes after the bakkie has left.
On a friend's farm, I've even seen them waiting around for the bakkie to leave. Waiting time from drop-off to shot = <10mins.
On another friend of mine's farm, 4 hunters shot 28 animals in 3 days with bows from a hide.
The above stories - or similar - are not uncommon.

All that being said, in my opinion,

- fair-chase W&S hunters hold a common "macro-ethcial" (to use the expression of one of our talented members) view that an animal is HUNTED unethically if it is shot at the water, from a bakkie, helicopter or voorsit position. In fact, they do not consider it hunting at all

- an animal is KILLED ethically/humanely if the right weapon is used by a competent person to end the animal's life as quickly as possible. This can be achieved at the water, from the back of a bakkie, on a w&s hunt, on a voorsit or wherever.

I hope you will all respect my right to have a different opinion and that we will respect Eugene and Kalahari's request for a meaningful discussion without resorting to unpleasantries and personal insults.

[Eugene]

Dimitri, waar jag jy en die ander "fair chase" manne so lekker?

Want op die paar kommersiele jagplase waar ek al gaan probeer W&S het, kry ek 'n "gids" wat my moet vergesel en daai "gids" het laas gebad toe Laingsburg oorstroom het en weet van wild af, dit wat hy in die groentetuin sien, want dit is sy posbeskrywing gedurende die af seisoen... Verder mag sy kanariegeel hoed dalk mooi lyk in die spieel saam met sy blou oorpak en gumboots, maar dis nie bevorderlik vir w&s nie!

Dan sit ek eerder alleen in 'n hide en maak bokke "eties" dood in 'n welriekende en rustige omgewing...

[Dimitri]

Eugene, al het die gids soos blomme geruik is dit nogsteeds soveel moeliker om te W&S met die boog as daar meer as een persoon stap.

Ek is baie bevooreg dat twee van my goeie vriende hulle eie plaase het. Ek het die hele plaas vir myself as ek daar gaan kuier. Geen gidse.

Verder, as jy gereeld by n' plek jag sal die mense jou mos leerken en vertrou. Dan kan jy hulle vra of dit moontlik sal wees om alleen te jag.

Selfs as jy vir die eerste keer op n' plaas jag, as jy en die boer/PH die regte "raport" het kan hy jou dalk alleen laat jag na die eerste / tweede dag. Dit het al n' paar keer met my al gebeur.

In Maart het ek al lekker met die eienaar al gesels oor die e-mail en toe ek op sy plaas kom het hy gese ek is welkom om alleen uit te gaan.

In April het die eienaar van die plaas waarop ek gejag het saam met my gestap tot op n' punt en toe gese ek kan maar alleen voortgaan - hy sal in die agtergrond bly. Ek het dit toe reggekry om 30m van die blesbokke te kom en ek kon een skiet met my kruisboog.

[ROBBIE1]

Die volgende wat ek probeer is boogjag!!!

Eugene die gesprekke het my nou baie aan die wonder. Ek het nog nooit van hide sit gehou nie, nie oor etiese redes nie, maar dis vir my te boaring, ek raak aan die slaap!! Seker maar omdat ek gewoond is om aanmekaar aan die beweeg te wees.

Ja ek het ook al met my geweer in die hide gesit, en ja ook geskiet. Ek dink n man wat W&S met n boog is n tier hoor, sonner jokes, hy mag maar bekruip! Met die geweer skiet ons manne in die bos nog lekker 80 - 120m, maar n man met n boog moet 30m van die prooi af kom, dit wil gedoen wees!!

Nee wat manne, moenie julle laat afsit nie, as jy hou van wat jy doen, geniet dit, dis tog die hoof doel van wat ons doen, is dit nie............