Melk Kos

[Rooster1089]

Hallo,

Het iemand dalk vir my 'n lekker melk kos resep.

Dankie

[matewis]

Rooster nou vat jy my darem lekker terug kind se dae toe. My ma het ons altyd netjies bederf hiermee in die winter. Ek sal uitvind vir jou oor haar resep...

[Forester]

Ek luister by die draadloos, melkkos bring baie goeie herinneringe van my oorlede ma.

[Viking]

Hierdie is 'n RSG resep wat maklik werk - toets maar self!

Wissel die meel en eier mengsel na gelang van jou eie oordeel - dik of dunner melkkos

1 liter melk
1 koppie meelblom
1 eier
2 eetlepels suiker
Sout na smaak
Kaneelstokkies
Plaas meel, sout en suiker in ‘n mengbak en gooi eier by.
Meng die eier deur met twee messe wat jy soos twee swaarde oor mekaar kruis totdat dit klein bolletjies maak.
Kook solank melk en voeg kaneelstokkies by.
Klits die meel met handklitser in melk en laat prut stadig vir 20 minute.
Strooi kaneelpoeier bo-oor.

[matewis]

4 Koppies melk
So driekwart koppie meel (werk by met halwe teelepel sout)
2 eetlepels sagte botter/marg
Vryf botter met vingers. (Vrouens weet blykbaar wat dit beteken?? Iets in die lyn van gooi botter in die bakkie meel en breek die botter op tussen die meel in. Eindig met so growwe sand-besigheid)
Kook melk
Verminder hitte op plaat.
Roer meelmengsel stadig in met vurk of handmenger (daai ou draad-besigheid waarmee jy as kind gespeel het..)
Kook tot gaar - so ongeveer 12 minute.
As te styf roer nog melk in.
Strooi kaneelsuiker oor en laat waai!

Variasies:
Kondensmelk gemeng met water kan ook gebruik word, dalk te soet vir party, strooi dan minder kaneelsuiker.
Gaar spagetti kan ook bygevoeg word met minder meel. (Ken dit nie regtig nie)

Geniet hom

[Rooster1089]

Sjoe!!!!!! Dankie julle, ek gaan defnitief al die resepte sover probeer want almal klink lekker, veral nou met die winter wat so stadig nader kruip.

[FCLoretz]

Sjoe!!!!!! Dankie julle, ek gaan defnitief al die resepte sover probeer want almal klink lekker, veral nou met die winter wat so stadig nader kruip.

Net 'n nota. Moenie die meel mengsel een slag by gooi nie, doen dit stadig, anders maak dit groot klonte wat langer vat om gaar te word.

[Christo]

Ek hou meer van melksnysels. Gebruik selfde resep vir deeg as om vars pasta te maak.