Nuwe spesie vir my maat...

[Ben Remington]

Goeie dag...

Ons het lank gesoek na 'n eerste Swartwildebees vir Myburgh en was gelukkig genoeg om een in die Kalahari te kry. Toe hy die middag van die skool af kom het ek hom die goeie nuus gegee en sy voorstel was dat hy eerder Vrydag nie skool toe gaan nie sodat hy my kan help pak vir die naweek. So was dit dan ook en Vrydagmiddag het ons Kalahari toe vertrek, een aand by 'n maat oorgeslaap halfpad en die Kameelstompe het tot laatnag gebrand in die Kalahari, lekker vleis is gebraai en ek kon sien Myburgh was baie opgewonde oor sy nuwe spesie. Saterdagoggend vroeg was ons by die jagplek en Myburgh het gekyk of die .308 nog op kol is. Eerste keer wat ek en hy met Swartwildebeeste te doen kry en binne vyf minute kon ek sien dis 'n bok wat lief is vir rondloop en bokspronge maak. Die naaste wat ons kon kom was so 190m maar dan bly hulle draai en rondbeweeg. Ek het vir Myburgh gesê ons sal maar die verder skoot moet vat vandag omdat ons nie die gewoonlke 150m skoot kon kry nie. Die wind het redelik gestoot en die voorman het die bokke baie mooi benader van onder die wind teen die skuinste van 'n waaiduintjie. Hulle was onbewus van ons en die bok is aan ons uitgewys op 247m. Toe ek vir Myburgh sê hy kan maar so maak as hy reg is, het hy vir my gesê daars 'n dun Bessiebostakkie halfpad tussen ons en die bok. Ek was diep binne my baie trots dat hy nie sommer net skiet nie, na seker vyf minute se wag het die bok daai presiese half tree vorentoe gegee en die skoot het geklap. Die paar bokke het so effe begin rondstaan en die een wat opgeskiet is het dadelik simptome begin wys van pyn maar ewe gemaklik saam die trop begin hardloop vir so 200m en toe begin uitsak. Na so paar minute het die bok nog gestaan , skuins na ons toe en Myburgh het self besluit om weer te skiet omdat ons nie die eerste skoot mooi kon sien nie...toe was als oor. By die bok aangekom kon ons sien die eerste skoot was presies deur beide longe en Myburgh sê toe : " Pa ek moes dalk nie die tweede skoot geskiet het nie."
Ek het hom aan die skouer gevat en gesê hy het presies die regte ding gedoen, ek kon voel ek kry 'n knop in my keel agv sy nederigheid ....

Paar fotos...

Groetnis

[Ben Remington]

......

[Ben Remington]

....

[Ben Remington]

.....

[Frederik]

Pragtig mooi gemaak swb is baie taai vir sy groote hy dink natuurlik net soos 'n terrier hy is so groot soos 'n buffel.

[Toyrsi]

Baie geluk jong man. Ben dis sowaar n voorreg om sulke tye saam met jou seun te kan deurbring.

[tripodmvr]

Baie geluk jongman. 'n Paar weglê horings daardie.

[Capt. Yoda]

Mooi bees daai, geluk Ben

[Smiley]

Baie geluk Myburgh en Ben, mooi gedoen, pragtige bok.

[243Songdaug]

Baie geluk man Ben!

[wynis]

Baie geluk! Lekker storie en Mooi jag wêreld daai.


Sent from my iPhone using Tapatalk

[theedge]

Baie geluk jongman. Baie mooi fotos weereens.