Quickload vs Somchem Lading

[JacoW]

Goeiemore almal,

Ek het die volgende twee ladings vir my 30-06 op quickload ontwikkel dis vir Node 6 en 7:

57.8gr.JPG

54.3.jpg

My probleem is dat die lading vir Node 6 omtrent 2gr hoer is as wat somchem se maksimum aanbevole lading is en dat die lading vir Node 7 se druk maar baie laag lyk.
Is daar iets wat ek verkeed ingelees het of iets wat ek mis?
My maks TPL vir die kombinasie is 84,8mm.

Enige raad sal waardeer word.

Groete,
Jaco

[alecjohnson]

Dit lyk reg, as jy QL gebruik, bere somchem boek, daai boekie moet werk vir verskillende lotte kruit, QL kalibreer jy volgens lot.

My 2c

[Gawie(13mm)]

Jaco, Somchem se min en maks ladings is gebruik om die min en maks spoed te verkry met hul betrokke proef lope met 'n spesifieke looplengte.

Synde spoed die enigste faktor is wat die meeste van ons redelik akuraat kan meet, is dit die enigste aanduiding van druk.

Sonder QL of GRT sal ek dus nooit die maksimum spoed oorskry soos voorgeskryf deur Somchem of enige ander vervaardiger.

Baie manne sal vinnig sê dat daar geen druk tekens waarneembaar is nie, maar QL het my al 'n leuenaar gemaak.

[JacoW]

Baie dankie vir die raad tot dusver.
Ek het gesien dat die spoed darem nog so 130 fps minder is as wat Somchem se maks is.
Sal maar gaan spoed meet en kyk hoe dit lyk.

[Philip J]

Onthou asb net dat Somchem meestal n 24 duim loop gebruik.
Ek sien jou skermskote wys n 22.3 duim loop, wat gaan beteken dat jou maksimum veilige spoed, waarskynlik so 50 voet per sekonde stadiger gaan wees as Somchem s'n.