.375 op sportskiet....

[toxicsox]

Seker maar 'n bietjie van 'n onnosele vraag omrede lede vir my gaan sê doen Toegeweide Jag maar ek het Toegewyde Sportskiet.
wat is die kaanse wat SAPS en natuurlik ook SA Hunters my sal 'n .375 lisensieer op sportskiet.
Sien, vroulief wil my een koop vir Kersfees... maar ekhet net S16 Sportskiet.

[Frederik]

CHASA het 'n DGS buffel baan minimum kaliber 9.3
Word lid by BASA en kom skiet BASA

[prohunt]

Seker maar 'n bietjie van 'n onnosele vraag omrede lede vir my gaan sê doen Toegeweide Jag maar ek het Toegewyde Sportskiet.
wat is die kaanse wat SAPS en natuurlik ook SA Hunters my sal 'n .375 lisensieer op sportskiet.
Sien, vroulief wil my een koop vir Kersfees... maar ekhet net S16 Sportskiet.

Dis geen probleem nie Toxic. Daar is 'n spesifieke afdeling vir gevaarlike wild teikens waar die minimum kaliber 'n 9.3 is. Ek het lank 'n .375 op sportskiet en jag gehad. Ek was nou wel nie by SA Jagters nie maar wel by Laeveld Jagters. Ek aanvaar SA Jagters sal seker ook so 'n afdeling vir gevaarlike wild hê? Die vereiste sal maar net wees dat jy kan motiveer dat jy hom spesifiek vir daardie afdeling benodig aangesien jou kleiner kalibers nie toelaatbaar is nie. Niks verhoed jou ook om 'n rooibok of blouwildebeesteiken met die .375 te skiet nie so al het jou vereniging nie so 'n afdeling nie kan jy hom steeds vir sportskiet motiveer. Hoop jy kom reg.

[toxicsox]

Dankie! Weet iemand dalk waar om ‘n kerskous te Koop wat lank genoeg is?

[OosKaapJagter]

Dit is nie SA Jagters wat jou lisensiëring vir toegewyde sportskiet gaan doen nie. Jy wil net vir die SAPD oortuig dat jy en die wapen kwalifiseer daarvoor.

Sê vir die SAPD hierdie is twee sportskiet oefeninge van SA Jagters waaraan jy graag wil deelneem vir sportskiet doeleindes:
https://sahunters.co.za/wp-content/uplo ... esisie.pdf
https://sahunters.co.za/wp-content/uplo ... esisie.pdf

[Koos Barnard]

Toxicsox, jy kan ook nog SA Jagters se buffelskiettabel byvoeg waar die minimum kaliber ook 9.3mm is.

[toxicsox]

Dankie Koos. Waardeer dit baie.

[OosKaapJagter]

Onthou net dat die buffelskiettabel een van die jaggebaseerde skietoefeninge is en nie een van die sportskiet tabelle nie.
https://sahunters.co.za/wp-content/uplo ... 18-Nov.pdf

[Koos Barnard]

Ooskaapjagter, ja, dis waar, maar hoe meer dinge jy kan byvoeg as motivering hoe beter glo ek.

[tripodmvr]

Doen aansoek as geleentheidsjagter en noem dat jy moontlik geleentheid het om elandbul of buffel te skiet. Noem dat jy toegewyde sportskutstatus het en dat jy met SA Jagters se skiete kan oefen met die geweer.

[3006]

Waar kry ek ook so n vrou?

[ZKK]

Waar kry ek ook so n vrou?

Sy gaan jou geweer se prys met 3 maal as sy haar kombuis kaste kies...............