Arken Teleskoop vernietig in vuur .........

[pwdejager]

Ek het my eerste Arken, SH4 Gen1 gekoop in Amerika, baie lank voor dit in SA beskikbaar was. Hy het vir 5 jaar diens gedoen op my 308Win toe Arken beskikbaar geword het in SA.

Daai SH4 is al deur hel, en werk nogsteeds perfek (al lyk hy al of hy met 'n dremel beet gekry is).

Ek skiet nou verskeie Arkens en op my jaggewere skiet ek die EPL4's wat 'n great jagter kruishaar het.

Die oggend van 17 Desember het my seun die boonste sitkamer binnegekom en gevra of hy televisie onder kan kyk. Omdat ek geweet het die afstandbeheer is buite bereik, het ek voorgestel ons gaan saam af om die televisie aan te skakel. Toe ons onder kom, het ek die televisie aangeskakel en iets in die studeerkamer gehoor. Ek het gedink ’n voël het dalk by die oop venster ingevlieg en vasgevang geraak in die blindings.

Tot my skok het ek ontdek dat die kantoor aan die brand was. Dit het gelyk of die blindings op een of ander manier aan die brand geraak het, maar dit is ’n storie vir ’n ander dag. Aangesien die kantoor vol van my waardevolle besittings was, het ek probeer om die vuur te blus terwyl my vrou die brandweer gebel het. My herlaaitafel het aan die brand geslaan, saam met al my geweersakke waarin die vuurwapens was.

Ek het twee gewere in die brand verloor en my Arken EPL4 is so erg beskadig dat die versekering dit as onherstelbaar verklaar het.

Item1_Arken EP5.jpg

Item1b_Arken EP5.jpg

Terwyl ek die vuur probeer blus het, het twee butaangasbottels in die vuur geval en ontplof, wat tweede-graad brandwonde aan my linkerbeen veroorsaak het. Dit gaan vanselfsprekend dat ek in Desember nie veel kon doen nie, en ek het die tyd spandeer om die erg beskadigde teleskoop met ’n Dremel te poleer, met die hoop dat dit dalk gered kon word.

Wonderbaarlik kon ek die lense so mooi poleer dat dit amper soos nuut lyk. Die buitekant van die teleskoop het egter steeds sleg gelyk. Dit het gelyk of die kruishaar en turret sisteem nog werk, en my enigste bekommernis was die teleskoop se tracking-vermoë.

Vandag het ek die geleentheid gehad om by die skietbaan te gaan toets. Ek het die tracking getoets, en ek is bly om te sê dit werk nog perfek. Die toetsing is op 100, 200 en 300 meter gedoen, en my .243 skiet steeds ’n 0.68 MOA groep (100m).

WhatsApp Image 2025-04-23 at 18.09.03_eca35378.jpg

Ek het daaraan gedink om ’n duurder teleskoop vir my 6.5 PRC Sauer & Sohn aan te skaf, maar met die Arken wat homself keer op keer bewys, is ek heel tevrede om weer R7500 te spandeer op ’n Arken.

[partner]

Dit is Regtig. Noemens waardig. Baie dankies.

[LoopSoosStroop]

Sjoe, daardie brand storie is 'n nagmerrie, bly jy is redelik ok, kon lelik gewees het!

[ZKK]

Ek is ook bly om te hoor jy is okay. Kon baie slegter uit gedraai het

[pwdejager]

Dankie julle, die Here se hand was oor ons gesin.

[sako 30-06]

Hallo Perry
Jammer om te hoor van die skade en jou beserings, hoop jy herstel volkome.
Ek het nou al by n paar ouens gehoor hoe beindruk is hulle met die scopes, moet se ek het nog niks negatief gehoor nie.