Wildshoekie

[Riaan E]

More mense,

Ek post omtrent nooit nie , maar moet hierdie met julle deel. Ek het my eerste Waterbok gejag so paar weke terug omdat ek maar skrikkerig is vir die aflsag en hoe daai vleis kan uitdraai. Lang storie kort , hy het geval en ek het hom by Robbie en sy span ingegee om te verwerk.

Daai vleis is seker van die lekkerste wat ek al ooit geproe het , Robbie hulle ken van. Die wors , biltong,fillets, sosaties als is eerste klas en die verpakking het als soveel vergemaklik.

Dankie Robbie , julle sien my verseker weer

[Springkudu]

Hier word gereeld mooi dinge oor Robbie gesê, so die man moet iets reg doen!!

[ROBBIE1]

Baie dankie Riaan, jammer ek lees nou eers, maar dit raak nou rustig, nou kan ek ook weer saampraat.

Dankie vir julle manne se ondersteuning!!

[blaser]

ja robbie se vleis is puik maar hy luister nie altyd mooi nie

[JAGTERSREG-JRM]

Dagse


Het self die begin van die jaar n waterbok laat val en uit die aard van die saak het Robbas die bewerking gedoen.......Soos gewoonlik mooi verpak en baie lekker. Niks fout met n kring gat as hy reg geslag is nie.

Kaaswors en Schnitzels is bobaas

[heywillie]

ja robbie se vleis is puik maar hy luister nie altyd mooi nie

Skryf dan neer, glo hy kan lees

[blaser]

hy skryf dit self neer wanneer jy inboek ou maat

[Sky King]

hy skryf dit self neer wanneer jy inboek ou maat

Ook so ervaring gehad. Wanneer hulle luister is dit wel top klas produk.

Hy help ook graag op Sondae wat baie gaaf is.

[ROBBIE1]

Naandse manne.

Blaser en Sky King, jammer jong, ek is nou nie seker wie julle is ( die forum name onbekend)en wat die probleem is nie, maar kontak my asb, of stuur jou nommer dan bel ek julle, en ons sorteer dit uit!!!

Ek se altyd niemand is volmaak, maar ek try my bes, en was nog nooit te swak om n fout wat gemaak is hetsy deur myself,of my personeel, reg te stel nie, maar as jy nie praat nie, gaan ek nie weet nie my mater.

Asb stuur vir my n watsup met jou nommer en ek bel jou, of gee my n lui en ons kyk hoe ons die probleem kan takel!!

Groetnis.

[Krobb]

Dit is nou hoe n man n probleem uitsort, mooi Robbie.