Gemsbok jag - Okahandja.

[GreyGhostGear]

Ek gaan nou eerste keer probeer fotos oplaai, so sal maar edit as dinge krom gaan of nog by sit as dit glad verloop.
Moes onbepland Windhoek toe en kon darem 'n draai in die veld maak, so 70 Noord-Oos van Okahandja. Het weer van vooraf verlief geraak op die pragtige land en sy mense.
Die wereld is ook maar klein en so waar as wraggies is my niggie getroud met Francois Marais op die forum se broer Wittes. Het so vinnig vir Francois ontmoet.
Die koei het 38 duim gemeet en 118kg uitgeslag. Spekvet. Was 'n lekker bekruip, met die wind perfek en die koei net anderkant 'n klompie bome, kon ons tot 50m bekruip. Het geskiet met die baas van die plaas se 30-06 en 180gr PMP. Het nog 2 ander Gemsbokke geskiet, wil net kyk hoe kom die fotos uit. Paar mooi fotos van plaas ook geneem...o ja, het nog nooit so baie vlakvarke op een plaas gesien nie, later ophou tel, was soos Rooibokke in die Kruger Wildtuin..

[Lourens]

Baie mooi jagmaar!! Geluk! My hart huil om weer 'n draai in daai pragtige land te gaan maak!

Groete,
Rooijakkals

[ArnoldM]

Wel done jagmaar, dis 'n mooi koei daai ou maat!!!!

Baie geluk.

Groete,
AM.

[Superdup]

Geluk man

Lyk sommer spoggerig, netjiese foto!

Groete

[BLOK]

Presiese skootplasing, goed gedoen.

Blok

[JPS]

Innie middel van die hart sirrel,

Baie mooi gedoen daar.

[GreyGhostGear]

Dankie Blok,

Ja nee ou maat, die oom het my mooi laat verstaan daar word nie gekwes op sy plaas nie, so gelukkig tussen die bewe deur kon ek darem 3 Gemsies met 2 hart en 1 long skoot plat kry.
Arnold, ek en die gids het gedink daai koei is 'n bul met die bekruip,(sy was agter paar bosse) haar horings en basisse was dikker as wat ek al vantevore op 'n koei gesien het. Ek het die vorige aand 100% seker gemaak wat mag en mag nie geskiet word nie. Die oom wil klomp Gemsbokke laat afhaal, so dit was nie 'n issue nie. Die ander 2 was mooi volwasse bulle, maar 10kg minder as die koei uitgeslag..

[GreyGhostGear]

en no.3.
Wil nog later paar opsit van die plaas. Regtig mooi wereld en ek wil sommer net daar gebly het

[Nico de Jager]

Jis Jagmaar
Baie geluk met jou mooi bokke, ek stem 100% saam met jou oor die land en sy mense.
Groete
Ribbok

[douw]

Baie mooi, geluk

Groetnis
Douw

[GreyGhostGear]

Dankie manne,

was baie lekker, het die eerste oggend sommer draai deur plaas gery en alles van Steenbok tot Kameelperd gesien, behalwe sy Swartwitpense..
Die oom het blykbaar 'n probleem met Jagluiperds wat volgens hom 38 van sy 40 Blesbokke gevang het...

[GreyGhostGear]

Ek laai nou so lekker foto's, ek sit sommer gou die laaste 3 by...

[300Winmag]

Mooi man - netjies geskiet daar. En ja mens verloor sommer gou gou jou hart in daai wereld.

[ArnoldM]

Hi Jagmaar,

Daai PMP maak darrem 'n mooi gatjie in die hart.... Was dit Pro-Amm's of die gewone bruin pakkie?

Weereens baie geluk, goeie skote en mooi bokke!

Groete,
AM.

[theedge]

Jagmaar - jag maar Baie netjies

[GreyGhostGear]

[quote="ArnoldM"]
Hi Jagmaar,

Daai PMP maak darrem 'n mooi gatjie in die hart.... Was dit Pro-Amm's of die gewone bruin pakkie?

Weereens baie geluk, goeie skote en mooi bokke!

Groete,
AM.
Hi Arnold,

Ek het 'n permit gekry vir my geweer die middag voor ek gery het, maar was nie seker of hy reg was nie (port of export), toe los ek maar my roer na ek met die oom gesels het. Hy het toe 'n .308, 30-06 en 300. Die 30-06 het my oog en skouer die beste gepas met 'n 6x42 Lynx op. Die oom ruk toe daar 'n gewone bruin pak PMP'S uit, maar hulle het baie mooi gewerk. 2 hartskote het so 30m gevorder en die longskoot een so 80m. Ek herlaai nie, so skiet self gewoonlik ProAmms.  Groete, Petrie.

[DawieKotze]

Baie netjies en geluk!!

Daai bruin pakkies PMP's het seker al meer bokke laat bakkie ry as al die ander saam.... ..........of was dit nou die rooi en ligbruin pakkies waaraan ek dink??

[Monrique (SJ)]

Petrie

Sommer netjies maat!! Mooi gegooi.

Groetnis